Yuxarı Salahlı

Kənd
Yuxarı Salahlı
41°14′37″ şm. e. 45°16′01″ ş. u.
Ölkə	Azərbaycan
Tarixi və coğrafiyası
Mərkəzin hündürlüyü	252 m
Saat qurşağı	UTC+4 , yayda UTC+5
Əhalisi
Milli tərkibi	Azərbaycanlılar
Rəsmi dili	Azərbaycan dili
Yuxarı Salahlı

Yuxarı Salahlı — Azərbaycan Respublikasının Qazax rayonunun inzibati ərazi vahidində kənd.

Tarixi

Qazax mahalının qədim Salahlı kəndi 1867-ci ildə iki inzibati vahidə Yuxarı Salahlı və Aşağı Salahlı kəndlərinə bölünmüşdür. 1922-ci ildə hər iki kənddən ayrılan evlər hesabına yeni məkanda Orta Salahlı kəndi yaradıldı.

Azərbaycanın müxtəlif rayonlarında yerləşən Salahlı kəndləri mənşəcə Qazax mahalının Salahlı eli ilə bağlıdırlar:

• Salahlı (Ağstafa)–Azərbaycanın Ağstafa rayonunda qəsəbə.
• Salahlı (Samux)–Azərbaycanın Samux rayonunda kənd.
• Salahlı (Zərdab)–Azərbaycanın Zərdab rayonunda kənd.
• Salahlı (Yevlax)–Azərbaycanın Yevlax rayonunda kənd.
• Salahlı Kəngərli–Azərbaycanın Ağdam rayonunda kənd.

Qeyd etmək lazımdır ki, Kür qırağında yerləşən qədim Salahlı kəndinin adı XIX əsrin sonlarından ara-sıra rast gəlinən, qeyri-rəsmi olaraq, Qıraq Salalahlı şəklində də işlənmişdir.

Toponimikası

Yuxarı Salahlı oyk., miir. Qazax r-nunun eyniadlı i.ə.v.-də kənd. Düzənlikdədir. Keçmiş adı Salahlı olmuşdur. XIX əsrdə ondan əmələ gəlmiş yeni məntəqə Aşağı Salahlı, əvvəlki kənd isə Yuxarı Salahlı adlandırılmışdır. Keçmişdə Qıraq (Kürün qırağında yerləşdiyi üçün) Salahlı da adlanmışdır. Oykonimin ikinci komponenti qazaxların salahlu tayfasının adını əks etdirir.

Əhalisi

• 1835-ci ilə olan məlumata əsasən Gürcüstan quberniyasının Qazax distansiyasının Salahlı kəndində 600 evdə 2500 nəfəri kişilər, 1520 nəfəri isə qadınlar olmaqla toplam 4020 nəfər tatar əhali yaşayırdı.
• 2009-cu ilin siyahıyaalınmasına əsasən kəndə 3645 nəfər əhali yaşayır. Əhalinin 1822 nəfəri kişilər, 1823 nəfəri qadınlardan ibarətdir.

Görkəmli şəxsləri

Siyahıda göstərilən 1867-ci ildən öncə doğulmuş şəxslərin anadan olduqları kəndin adı Salahlı, bu tarixdən sonra doğulanların isə anadan olduqları həmin kəndin adı isə sənədlərdə Yuxarı Salahlı kimi qeyd olunmuşdur.

• Molla Pənah Vaqif (1717-1797) – 18-ci əsrin klassik şairi, müdərris, Azərbaycanın görkəmli dövlət xadimi. Qarabağ xanının vəziri olmuşdur. Azərbaycan Respublikası Nazirlər Kabinetinin 7 may 2019-cu il tarixli, 211 nömrəli Qərarı ilə Səməd Vurğun Azərbaycan Respublikasında əsərləri dövlət varidatı elan edilən müəlliflərin siyahısına daxil edilmişdir.
• Səməd Vurğun (1906-1956) — Azərbaycanın xalq şairi. Mehdixan Vəkilovun kiçik qardaşı. Görkəmli Azərbaycan şairi, Azərbaycanın ilk xalq şairi (1956), Azərbaycan SSR əməkdar incəsənət xadimi (1943), 2 dəfə Stalin mükafatı laureatı (1941, 1942) və 2 dəfə Lenin Ordeni kavaleri, Azərbaycan Yazıçılar İttifaqının sədri (1941-1948), Azərbaycan SSR Ali Sovetinin deputatı, Azərbaycanın Xarici Ölkələrlə Mədəni əlaqə Cəmiyyətinin sədri, Azərbaycan SSR EA-nın akademiki (1945) və vitse-prezidenti (1954-1956). Azərbaycan Elmlər Akademiyasının təsisçilərindən, yaradıcılarından biridir. "Qırmızı Əmək Bayrağı" ordeni, Şərəf Nişanı ordeni, "1941-1945-ci illər Böyük Vətən müharibəsində rəşadətli əməyə görə" medalı ilə təltif edilmişdir. Azərbaycan Respublikası Nazirlər Kabinetinin 7 may 2019-cu il tarixli, 211 nömrəli Qərarı ilə Səməd Vurğun Azərbaycan Respublikasında əsərləri dövlət varidatı elan edilən müəlliflərin siyahısına daxil edilmişdir. Mehdixan Vəkilovun qardaşı, Xavər Vəkilovanın həyat yoldaşı, Yusif Səmədoğlu, Vaqif Səmədoğlu, Aybəniz Vəkilovanın atasıdır.
• Əlimərdan bəy Topçubaşovun anası Sevər xanım Vəkilova rayonun Yuxarı Salahlı kəndinin Vəkilovlar soyundandır.
• Rəşid Behbudovun anası Firuzə Vəkilova rayonun Yuxarı Salahlı kəndinin Vəkilovlar soyundandır.
• İbrahim ağa Vəkilov (1853-1934) - general-mayor, ilk azərbaycanlı hərbi topoqraf, Qafqazda hərbi topoqrafiya üzrə general-mayor rütbəsinə layiq görülmüş yeganə şəxsiyyət. Baş Qərargahda hərbi topoqrafiya şöbəsinin rəisi, ilk hərbi bayrağımızın tərtibçisi, 1920-ci ildə Azərbaycanın ilk coğrafi xəritəsinin müəllifi və respublikamızda topoqrafiya məktəbinin yaradıcısı olmuşdur. Müqəddəs Anna ordeninin üçüncü dərəcəsilə (1886), İranın "Şire-Xorşid" ordenilə (1888), Müqəddəs Stanislav ordeninin ikinci dərəcəsilə (1894), Müqəddəs Anna ordeninin ikinci dərəcəsilə (1897), Müqəddəs Vladimir ordenin dördüncü dərəcəsilə (1903) qiymətləndirilib. Paşa ağa Vəkilovun oğlu, Qalib bəy Vəkilov, Faris bəy Vəkilov, Reyhan xanım Vəkilovanın atasıdır.
• İbrahim ağa Usubov – (1872-1920) genaral-mayor, diviziya komandiri. Hərbiyyə naziri yanında tapşırıq generalı. Artilleriya generalı Əliağa Şıxlinski və Səməd bəy Mehmandarovla çiyin-çiyinə vuruşmuşdur. Üçüncü dərəcəli "Müqəddəs Vladimir" (1916), ikinci dərəcəli "Müqəddəs Stanislav", ikinci dərəcəli "Müqəddəs Anna", 4-cü dərəcəli "Müqəddəs Georgi" ordenli. Hüseyn Əfəndi Qayıbovun kürəkəni, Əliağa Şıxlinskinin bacanağı, Nigar xanım Usubovanın atasıdır.
• Məmmədrza ağa Vəkilov (1884-1944) - ADR Parlamentinin üzvü, Azərbaycanda səhiyyənin ilk təşkilatçılarından biri. ADR Parlamentinin üzvü, Bakıda ilk poliklinika xidmətinin təşkilatçısı, ambulator yardım təşkil edilməsinin ilk banilərindən biri. 1900-ci ildə o, Zaqafqaziya Tibb Cəmiyyətinin həqiqi üzvü seçilmişdir. Fəxri Vəkilovun atası, Mənsur Vəkilovun babası.
• Mustafa bəy Vəkilov (1896-1965) – ADR Parlamentinin üzvü, Daxili İşlər Naziri, Moskva Universiteti hüquq fakültəsinin məzunu, görkəmli siyasi xadim. Hökumətin ən gənc naziri olmuşdur (23 yaşında).
• İsmət Qayıbovun (1941-1982) ata yurdu – Azərbaycanın ilk Baş Prokuroru. Ədlliyyə general-moyoru, III dərəcəli dövlət ədliyyə müşaviri. Sabir Qayıbovun kiçik qardaşı. Gəncə şəhərində anadan olub.
• Mehdixan Vəkilov (1902-1975) – görkəmli ictimai-siyasi xadim, tarixçi alim, yazıçı, pedaqoq, Azərbaycan Pedaqoji İnstitutunun rektoru (1956-1962), 1958-1962-ci illərdə 5-ci çağırış Azərbaycan SSR Ali Sovetinin deputatı və Ali Sovet Sədrinin müavini, tarix elmləri doktoru (1969) və professor (1969). Əməkdar elm xadimi (1973), Qabaqcıl maarif xadimi (1959 və 1973) fəxri adlarına layiq görülmüş, birinci dərəcəli Vətən müharibəsi ordeni (1943), iki Şərəf Nişanı ordeni (1944 və 1961) və SSRİ-nin müxtəlif medalları ilə təltif edilmişdir. Azərbaycan SSR XKS nəzdində incəsənət işləri idarəsinin müdiri, AMEA Tarix İnstitutunda şöbə müdiri, Quba qəza maarif şöbəsinin müdiri olmuşdur.Səməd Vurğunun böyük və yeganə qardaşı, diplomat Cavanşir Vəkilovun atası, Yusif Səmədoğlu, Vaqif Səmədoğlu, Aybəniz Vəkilovanın əmisidir. Səməd Vurğunun "Komsomol poemasında" Cəlal obrazının prototipi.
• Yusif Səmədoğlunun (1935-1998) ata yurdu – xalq yazıçısı. Səməd Vurğunun böyük oğlu. 1958-ci ildən AYB-nın üzvü, Azərbaycan komsomolu mükafatı laureatı (1970), Azərbaycanın Əməkdar İncəsənət xadimi (1980), "Şöhrət" ordenli (1995). İlk çağırış Milli Məclisin üzvü olmuşdur. "Azərbaycanfilm" kinostudiyasının direktor müavini (1969-1976), Azərbaycan Yazıçılar Birliyi katibliyi heyətinə nəsr üzrə katib seçilmişdir (1991). Yuxarı Salahlı kəndindəndir, Bakı şəhərində anadan olub.
• Vaqif Səmədoğlunun (1939-2015) ata yurdu – xalq şairi. Səməd Vurğunun kiçik oğlu. Dramaturq-publisist. 1970-ci ildən Azərbaycan Yazıçılar Birliyinin üzvü, Əməkdar incəsənət xadimi (1989), "Şöhrət" və "İstiqlal" ordenli, “Şərəf” ordeni ilə təltif olunub (2009). Milli Məclisin üzvüdür (2000, 2005). "Nəsimi" mükafatı laureatı (2014). Yuxarı Salahlı kəndindəndir, Bakı şəhərində anadan olub.
• Mirzə Nəbi Qayıbzadə (1810-1869) - şair. Abbas ağa Nazirin atasıdır.
• Abbas ağa Nazir (Qayıbzadə) (1849-1919) - 19-20-ci əsr şairi, tərcüməçi və maarif xadimi.
• Fəxri Vəkilov (1916-1987) – görkəmli səhiyyə təşkilatçısı, Azərbaycanın Səhiyyə Naziri, Azərbaycan Respublikası Nazirlər Soveti İşlər İdarəsinin müdiri. Tibb alimi, bir neçə dəfə Azərbaycan SSR Ali Sovetinin deputatı, Azərbaycanın əməkdar həkimi, səhiyyə əlaçısı, tibb elmləri namizədi, Elmi-Tədqiqat Vərəm İnstitutunda direktor (1970-1976). 1-ci dərəcəli Vətən Müharibəsi ordeni, Qırmızı Əmək Bayrağı ordeni, bir cox SSRİ medalları, Laosun Üç Fil ordeni ilə təltif etmişdir. 1947-1952-ci illərdə SSRİ Səhiyyə naziri olmuş Yefim İvanoviç Smirnovun (1904-1989) baş referenti, Azərbaycanın əməkdar həkimi, səhiyyə əlaçısı, tibb elmləri namizədi. Məmmədrza ağa Vəkilovun oğlu. Mənsur Vəkilovun atası.
• Nigar xanım Usubova – görkəmli musiqişünas-pianoçu, Konservatoriyanın prorektoru və professoru. Sergey Raxmaninovun dostu və məsləkdaşı məşhur professor, Moskva Konservatoriyasının rektoru, SSRİ xalq artisti, Stalin mükafatı laureatı Aleksandr Borisoviç Qoldenveyzerin tələbəsi. Əməkdar incəsənət xadimi. İbrahim ağa Usubovun qızı. Bakı şəhərində anadan olub.
• Mirzalı ağa Kosalı (Kosaoğlu)-16 – 17-ci əsrlər. Qədim əsərlərdə ərəb əlifbasında "ı" hərfi olmadığına görə, bu soy ad Kosalu şəklində yazılmışdır.
• Vəkil Kazım ağa Mirzalı ağa oğlu Kosalı (Kosaoğlu)-17- ci əsr. Vəkil-müəyyən inzibati vahiddə işləri idarə edən, diplomatik funksiyalara da malik olan şəxs.
• Vəkil Səfixan bəy Kərim ağa oğlu- 18-ci əsr.
• Vəkil Məhəmməd Şərif ağa Molla Əhməd oğlu Kosalı (Kosaoğlu)-18-ci əsr.
• Vəkil Pənah bəy Məhəmməd Şərif ağa oğlu Kosalı (Kosaoğlu)- 18-ci əsr.
• Vəkil Alı ağa- mayor – Pənay bəy oğlu Kosalı (Kosaoğlu)- 18-19-cu əsrlər.
• Osman ağa Gülməmmədov (1892-1950) – Üç Georgi xaçı kavaleri, "Müqəddəs Georgi" medalı (dördüncü, üçüncü və ikinci dərəcəli), polkovnik. Əhməd ağa Gülməmmədovun qardaşıdır.
• Abbasqulu bəy Vəkilovun ata yurdu- polkovnik, Kavaler ordenləri, Hərbi fərqlənmə ordenilə (1861), üçüncü dərəcəli Müqəddəs Stanislav (1873), dördüncü dərəcəli Müqəddəs Vladimir (bant və qılıncla birgə, 1873), ikinci dərəcəli Müqəddəs Stanislav (qılıncla birgə, 1879), ikinci dərəcəli Müqəddəs Anna (1888) və başqa orden, medalla təltif olunmuşdur. Gəray bəy Vəkilov (polkovnik) və praporşik Lütfəli bəy Vəkilov‎un atası, Rəşid Behbudovun babasıdır.
• Mirzə Xudadat bəy Vəkilovun ata yurdu – polkovnik, Qafqaz Əlahiddə Ordusunda şərq dilləri üzrə mütərcim-tərcüməçi. dördüncü dərəcəli Müqəddəs Anna (1847), üçüncü dərəcəli Müqəddəs Anna, bantla birgə (1851), Müqəddəs Stanislav (1858), İmperatorun tacqoyma mərasimi münasibətilə orden (1860), ikinci dərəcəli Müqəddəs Anna, qılıncla birgə (1861), Dördüncü dərəcəli Vladimir bantla, birgə (1875), üçüncü dərəcəli Müqəddəs Vladimir (1883) və 1862-ci ildə İranın üçüncü dərəcəli "Şire-Xorşid" ordeni ilə təltif edilmişdir. Müsavat lideri Əlimərdan bəy Topçubaşovun Əlimərdan bəy Topçubaşovun dayısı, Məmmədrza ağa Vəkilovun əmisi oğludur.
• Gəray bəy Vəkilov (1884-1952) - 1918-ci ildə yeni yaranan süvari rotalarının təşkilatçılarından olub.Birinci süvari alayının komandiri kimi Gəncə, Tərtər və Bakıda xidmət edib. 1920-ci ilin əvvələrində isə Bakıdakı birinci kadet korpusunda hərbi təhsil idarəsinin rəisi idi. (polkovnik). Abbasqulu bəy Vəkilovun oğludur. “Müqəddəs Georgi” ordeninin üçüncü dərəcəsilə təltif olunub. Yuxarı Salahlı kəndindəndir.
• Kərim Vəliyev (d.1961) - Azərbaycan Respublikası Müdafiə nazirinin şəxsi heyət üzrə müavini-Şəxsi Heyət Baş İdarəsinin rəisi, General-leytenant. Anası Leyla Kərim qızı Vəkilova Vəkilovlar soyundandır.
• Elvin Namazov (1990-2016) — Azərbaycan Silahlı Qüvvələrinin zabiti (baş leytenantı). 2016-cı ildə Aprel döyüşləri zamanı şəhid olub, ölümündən sonra "Vətən uğrunda" medalı ilə təltif edilib.
• Mədət bəy Alinaqov- Salhlı bəylərindən, Səməd Vurğunun "Komsomol poemasında" Gəray bəy obrazının prototipi (prof. Mehdixan Vəkilovun xatirələri üzrə).
• Rəhim bəy Vəkilov (1898-1934) – ADR Parlamentinin üzvü, görkəmli siyasi xadim.
• Məmməd ağa Vəkilov (1862-1941) - ADR Parlamenti dəftərxanasının rəisi, Qori seminariyasının məzunu, türkoloq.
• Faris bəy Vəkilov (1886-1978) – ADR-in Gürcüstanda diplomatik nümayəndəsi. İbrahim ağa Vəkilovun oğlu.
• Qara Rüstəm Vəkilov- xeyriyəçi, cəsur və ədalətli insan.
• Elbrus Qəmgin (1952) — Şair, Azərbaycan Yazıçılar Birliyinin üzvü.
• Mənsur Vəkilovun ata yurdu. Şair, "Literaturnıy Azerbaydjan" jurnalının baş redaktoru. Fəxri Vəkilovun oğlu. Yuxarı Salahlı kəndindəndir, Bakı şəhərində anadan olub.
• Mustafa ağa Vəkilov (1899-1943) – Azərbaycanın ilk hüquq professoru, Sarbonna Universitetinin məzunu.Yuxarı Salahlı kəndindəndir.
• Fuad Şıxıyevin ata yurdu – SSRİ miqyasında tanınmış hidrotexnik alim, professor, Odessa Milli Dənizçilik Universitetinin hidrotexnika fakültəsinin yaradıcılarından biri, prorektoru, Maqsud Şeyxzadənin kiçik qardaşı. Yuxarı Salahlı kəndindəndir, Ağdaş şəhərində anadan olub.
• Fatma Vəkilova - Professor, Geoloqiya-mineralogiya elmləri doktoru. Bakı Sovetinin bir neçə çağırış deputatı olmuşdur. "Şərəf nişanı" ordeni və bir sıra medallarla təltif edilmişdir. Görkəmli riyaziyyatçı alim, professor Şamil Vəkilovun bacısı. Tanınmış rejissor Yalçın Əfəndiyevin anası. Azərbaycan EA-nın müxbir üzvü, geokimya elmləri doktoru, professor Heydər Əfəndiyevin həyat yoldaşı.
• Şamil Vəkilov – görkəmli riyaziyyatçı alim, professor. Fatma xanım Vəkilovanın qardaşı.
• Əfrasiyab Vəkilov- görkəmli sovet türkoloqu, Leninqrad Universiteti, Şərqşünaslıq fakültəsi. "Azərbaycan SSR əməkdar ali məktəb işçisi" fəxri adı verilmişdir. Yuxarı Salahlı kəndindəndir, Bakı şəhərində anadan olub.
• Maqsud Şeyxzadənin ata yurdu – yeni özbək ədəbiyyatının əsasını qoyanlardan biri. Fuad Şıxıyevin qardaşıdır. Yuxarı Salahlı kəndindəndir, Ağdaş şəhərində anadan olub.
• Sabir Qayıbovun ata yurdu – görkəmli hüquqşünas alim. İsmət Qayıbovun böyük qardaşı. Gəncə şəhərində anadan olub.
• Mahmud Vəkilov – tarixçi alim.
• Rafiq Vəkilov – ədəbiyyatşünas alim.
• Yusif Alıyev (1979) - Azərbaycan alimi, fizika üzrə fəlsəfə doktoru, Bakı Pedaqoji Kadrların İxtisasartırma və Yenidənhazırlanma İnstitutunun təbiət elmləri kafedrasının müdiri, AMEA Fizika İnstitutunun böyük elmi işçisi, dosent.
• İsmayıl Umudlu (1952) – tanınmış jurnalist, tarixçi-etnoqraf. Qazaxın, o cümlədən, Salahlı kəndinin tarixi haqqında bir sıra fundamental əsərlərin müəllifi. "Tərəqqi" medalı ilə təltif edilmişdir (2010).
• Şahbala Məmmədov (1936) – Azərbaycanın əməkdar iqtisadçısı, Dövlət Statistika Komitəsi Sədrinin müavini, Baş Hesablama Mərkəzinin Direktoru. "Şərəf nişanı" ordeni (1981), fəxri fərmanlar və bir sıra dövlət mükafatları ilə təltif edilmişdir. 1959-cu ilin yanvarında əhalinin siyahıyaalınmasını respublika rayonları arasında birinci olaraq, dəqiq və keyfiyyətlə yerinə yetirdiyinə görə respublika Ali Sovetinin fəxri fərmanına layiq görülmüşdür.
• Məmməd Namazov – Dövlət Maşınqayırma və Konversiya Komitəsinin Sədri. 1990-95-ci illərdə Azərbaycan Ali Sovetinin deputatı. Milli hərbi sənaye kompleksinin yaradıcılarından biri.
• Hacı Vəkilovun ata yurdu – SSRİ XİN-in Bolqarıstan, ABŞ, İsveçrədə fəaliyyət göstərən diplomatı. Diplomatlar İsrafil Vəkilov (Azərbaycan Respublikasının Misirdə səfiri (1994-2004) və Azad Vəkilovun atası.
• Cavanşir Vəkilovun (1951-2013) ata yurdu – diplomat, pedaqoq, tarix elmləri namizədi (1988), görkəmli ictimai-siyasi xadim, tarixçi, yazıçı, pedaqoq, vikipediyaçı. Azərbaycan Respublikasının Təbrizdə ilk Baş Konsulu vəzifəsini icra edən. Mehdixan Vəkilovun oğlu. Yuxarı Salahlı kəndindəndir, Bakı şəhərində anadan olub.
• İsrafil Vəkilov - (Azərbaycan Respublikasının Misirdə səfiri (1994-2004).
• Azad Vəkilov - Diplomat.
• Şöhrət Vəkilovun (1957) ata yurdu – Azərbaycanlı iqtisadçı, vergi mütəxəssisi, 1994-1999-cu illərdə Azərbaycan Respublikası Baş Dövlət Vergi Müfəttişliyinin rəisi.
• Vahiddin Bayramov – Sumqayıt aliminium zavodunun Baş mühəndisi və Gəncə aliminium zavodunun direktoru. Əlvan metallurqiya sahəsi üzrə SSRİ miqyasında tanınmış mütəxəssis.
• Bayram İbrahimxəlilov – Çörək Məhsulları Nazirinin müavini. Tanınmış iqtisadçı.
• Leyla Vəkilovanın (1927-1999) ata yurdu – Azərbaycanın milli balet sənətinin əfsanəvi və klassik dühalarından, Azərbaycan SSR Xalq Artisti, SSRİ Xalq Artisti, professor, "Lenin" ordenli, Bakı Xoreoqrafiya Məktəbinin bədii rəhbəri. Yuxarı Salahlı kəndindəndir, Bakı şəhərində anadan olub.
• Lətifə Əliyeva (1944) — Aktrisa, Əməkdar artist (2000). Yuxarı Salahlı kəndindəndir.
• Həmid Vəkilov (1949) – Məşhur novator tarzən. Professor, Azərbaycan SSR əməkdar artisti, Xalq müəllimi. Şamil Vəkilovun oğludur.
• Zülfüqar Qayıbov – tanınmış pedaqoq, bioloq.
• Süleyman bəy Qayıbov- görkəmli pedaqoq.i.
• Əhməd ağa Mustafayev- Azərbaycanın görkəmli pedaqqoqu, maarif fədaisi.
• Badisəba xanım Vəkilova (1881-?) – görkəmli maarif xadimi, qadın təhsilinin təşkilatçısı, Firidun bəy Köçərlinin xanımı.
• Sadıq Vəkilov (1899-1973) - Zaqafqaziya Müəllimlər Seminariyasının (Qori) məzunu. Tanınmış rus dili pedaqoqu.
• Mədinə Qiyasbəyli (Vəkilova) (1889-1938) – Azərbaycanın görkəmli maarif xadimi, pedaqоq, məktəbdar, jurnalist, tərcüməçi, qadın təhsilinin təşkilatçısı.
• Paşa ağa Vəkilov (1826-1864)- Çar ordusunun praporşiki. İbrahim ağa Vəkilovun atası, Qalib bəy Vəkilovun babası. Yuxarı Salahlı kəndindəndir.
• Orxan Vəliyev (1993) (Yuxarı Salahlı) - Peşəkar qaydasız döyüşçü, V.K.B.S-dən dünya çempionatının qalibi (2013), qızıl kəmər sahibi (2013), BJJ (Braziliski JİU Jutsu) üzrə beynəlxalq yarışın qalibi, MMA-Qaydasız döyüş üzrə dünya çempionu (2015).
• Əfqan Xaşalov (Əfqan Kamil oğlu Xaşalov) (1997 Yuxarı Salahlı) - Sərbəst güləş üzrə Avropa çempionu, 2015-ci ildə Dağıstanda “ən yaxşı texnikalı güləşçi” nominasiyasında kubokla təltif edilib. 2016-cı ildə Fransanın Makon şəhərində dünya çempionu olmuşdur.
• Qismət Vəkilov (Qismət Səxavət oğlu Vəkilov) (1994) - Qol güləşi üzrə yeniyetmələr və gənclər kateqoriyalarında 8 qat Avropa, 5 qat dünya çempionu, Azərbaycan Respublikasının idman ustası.
• Nemət Vəkilov (Nemət Səxavət oğlu Vəkilov) - Qol güləşi üzrə yeniyetmələr və gənclər arasında dünya və Avropa çempionatlarının qalibi. Dünya çempionu Qismət Vəkilovun qardaşıdır.
• Xəlil ağa Vəkilov
• Səməd bəy Vəkilov- görkəmli dəmiyol mühəndisi, dəmir yolu və teleqraf sahələri üzrə ilk milli kadrların yetişdiricisi.
• Nəsib ağa Vəkilov
• Reyhan xanım Vəkilovanın ata yurdu, Azərbaycan generalı, hərb xadimi İbrahim ağa Vəkilovnun qızı.
• Şamil Vəkilov – xalq müəllimi. Həmid Vəkilovun atası.
• Cəmil Vəkilov – 4 saylı Avtobazanın rəisi (Xalq arasında "Bandobaza" adlandırılırdı). Xalq müəllimi Şamil Vəkilovun qardaşı.
• İbrahim (Amaqo) Vəkilovun ata yurdu – polkovnik, hərbi komissar, Azərbaycan boks federasiyasının üzvü.
• Mahmud Alıyev – Yuxarı Salahlı kəndində uzun müddət kolxoz sədri və sovxoz direktoru. Aərbaycan SSR Ali Sovetinin deputatı.
• Abbas Yolçiyev – Kürdəmir, Ucar, Ağsu Məhəlli İstehsalat İdarəsinin rəisi. Ağsu rayonun rəhbəri.
• Leyla Kərim qızı Vəkilovanın ata yurdu – general-leytenant Kərim Vəliyevin anası.
• Məsim Nəsibov – milis polkovniki.

Həmçinin bax

• Qazax rayonu

Xarici keçidlər

• Azərbaycan Respublikasi Qazax Rayon İcra Hakimiyyəti. Bələdiyyələr

Mənbə

İsmayıl Umudlu. Vəkiloğulları. Bakı: "QAPP-poliqraf" nəşriyyatı, 2003. 536 səh. İsmayıl Umudlu. Salahlı eli. Tarix-etnoqrafiya-insanlar-yurd bilgisi. Bakı, Apostroff nəşriyyatı, 2011. 912 səh.