Üzeyir Hacıbəylinin ev-muzeyi (Bakı)

Vikipediya, açıq ensiklopediya
(Üzeyir Hacıbəylinin Ev Muzeyi səhifəsindən istiqamətləndirilmişdir)
Jump to navigation Jump to search
Üzeyir Hacıbəylinin Ev Muzeyi
Fotoqrafiya
Əsası qoyulub 20 noyabr 1975
Mövzu Azərbaycan musiqisi
Yerləşir Bakı, Azərbaycan,
Ünvan Yasamal rayonu,
Ak. Şamil Əzizbəyov küçəsi 67/69
Direktor Sərdar Fərəcov
Telefon (+994 12) 595-25-58
(muzey)
(+994 12) 595-25-34
(administrativ hissə)
İş rejimi Çərşənbə axşamı - Şənbə 09:00 -18:00,
Bazar 10:00 - 17:00
İstirahət günü - Bazar ertəsi

Üzeyir Hacıbəylinin Ev Muzeyi — Azərbaycan professional musiqisinin banisi, Şərqin ilk operasının Leyli və Məcnun, Azərbaycan Dövlət Konservatoriyasının (indiki Üzeyir Hacıbəyli adına Bakı Musiqi Akademiyası), ilk simli kvartetin, ilk dövlət xorunun yaradıcısı, ilk xalq çalğı alətləri orkestrinin yaradıcısı və Azərbaycan Respublikasının Dövlət Himninin bəstəkarı Üzeyir bəy Hacıbəylinin (keçmiş Verxnyaya priyutskaya, sonralar Ketsxoveli) indiki Ak. Şamil Əzizbəyov 67/69 ünvanında yerləşən 1915-1942-ci illər ərzində yaşadığı evdə təşkil olunmuş muzeydir.

Tarixi[redaktə | əsas redaktə]

KP MK-nın birinci katibi vəzifəsində çalışan Heydər Əliyevin təşəbbüsü ilə Bakıdakı (keçmiş Verxnyaya priyutskaya, sonralar Ketsxoveli) indiki Şamil Əzizbəyov 67 ünvanında yerləşən – bəstəkarın 1915-1942-ci illər ərzində yaşadığı evdə muzey təşkil olundu və 1975-ci il noyabr ayının 20 –də muzeyin təntənəli açılışı oldu. Muzeyin tərtibatında və hazırlanmasında Azərbaycan xalq rəssamı Kazım Kazımzadə-nin və memar Eduard Kruikinin böyuk əməyi olmuşdur.

Bəstakarın 1915-1942-ci illər ərzində yaşadığı bu evdə onun bir çox əsərləri, o cümlədən Azərbaycan milli musiqisinin tacı olan "Koroğlu" operası bəstələnmişdi. Vaxtı ilə Üzeyir bəyin şəxsi katibi olmuş, sonradan isə ev muzeyinin direktoru vəzifəsində çalışmış Ramazan Həmzət oğlu Xəlilovun təşəbbüsü ilə bəstəkarın şəxsi və ev əşyaları toplanıb muzeyə təhvil verilmişdir.

Muzeyin müxtəlif dövrlərdə direktorları[redaktə | əsas redaktə]

  1. Şıxıyev N.M (1972-1975)
  2. Xəlilov R.H (1975-1999)
  3. Xəlilova N.R (01.1999-09.1999)
  4. Mirzəzadə S.İ (1999-2005)
  5. Fərəcov S.F (2005-)

Strukturu[redaktə | əsas redaktə]

Muzey 4 otaq, şüşəbənd, kinozal, sərgi salonu və administrativ hissədən ibarətdir.

Tabeçiliyi[redaktə | əsas redaktə]

Muzey Azərbaycan Respublikası Mədəniyyət Nazirliyi - nin tabeliyində fəaliyyət göstərir.

Həmçinin bax[redaktə | əsas redaktə]