Vilhelm Rentgen

Vilhelm Rentgen
Röntgen Vilhelm Konrad
Doğum tarixi	27 mart 1845
Doğum yeri	Remşeyd (Lennep), Almaniya
Vəfat tarixi	10 fevral 1923 (77 yaşında)
Vəfat yeri	Münhen, Yuxarı Bavariya, Bavariya, Veymar Respublikası
Vəfat səbəbi	kolorektal xərçəng
Vətəndaşlığı	Almaniya
Elm sahəsi	Fizika
Elmi dərəcəsi	elmlər doktoru
Elmi adı	professor
İş yerləri	Münhen Lüdviq-Maksimilian Universiteti (1900–1920), Vürtsburq Universiteti (1888–), Gissen Universiteti (1879–), Sürix Universiteti
Təhsili	İsveçrə Federal Texnologiya İnstitutu (1865–1868), Sürix Universiteti, Utrext Universiteti, Münhen Lüdviq-Maksimilian Universiteti
Üzvlüyü	Prussiya Elmlər Akademiyası[d], Bavariya Elmlər Akademiyası[d], İsveç Kral Elmlər Akademiyası
Mükafatları	Fizika üzrə Nobel mükafatı(1901)
Vikianbarda əlaqəli mediafayllar

Vilhelm Konrad Rentgen (alm. Wilhelm Conrad Röntgen‎; 27 mart 1845^[…] – 10 fevral 1923^[…], Münhen) — Alman fiziki, Fizika üzrə Nobel mükafatı laureatı. Rentgen şüalarının kəşfi ilə tanınır.

Həyatı

Rentgen 1845-ci ildə Almaniyanın Remşayd şəhərinin Lennep kəndində doğulmuşdur. Uşaqlığı və ilk təhsil illəri Hollandiya və İsveçrədə keçmişdir. 1865-ci ildə daxil olduğu Sürix Politexnikdə universitet təhsili görmüş və 1868-ci ildə "maşın mühəndisi" olaraq məzun olmuşdur.

1869-cu ildə Sürix Universitetinin doktoranturasını almışdır. Ali təhsil aldıqdan sonra elmi işlərinə görə Strasburq (1876), Qisensk (1879), Vürtsburq (1888) və Münhen universitetlərinin professoru adlarına yiyələnmişdir. 1900-cu ildə Münhen universiteti Fizika kürsüsünə və yeni Fizika İnstitutunun rəhbərliyinə gətirilmişdir.

Arvadının ölümündən dörd il sonra, yəni 1923-cü ildə Birinci dünya müharibəsinin yaratdığı yüksək inflyasiya iqtisadiyyatı mühitində maddi çətinliklər içərisində Münhendə həyatını itirmişdir.

Elmi işləri

Tədqiqatları pyezoelektrik və piroelektrik xassələrinə, onlarda elektrik və optik hadisələr arasındakı əlaqəyə və maqnetizmə aiddir. X-şüalarını (röntgen şüaları) kəşf etmiş, ilk rentgen borusunu yaratmışdır. Röntgen şüalarının kəşfi elmin bütün sahələrinə güclü təsir etmişdir. Röntgen və qamma şüalanmaları vahidi rentgen onun şərəfinə aid edilmişdir.