Ayşə Sultan (II Əbdülhəmidin qızı)

Ayşə Sultan
عائشة سلطان
Şəxsi məlumatlar
Doğum tarixi	1887(1887-Şablondakı doğum və ya ölüm tarixində texniki yanlışlıq var!-00)
Doğum yeri	İstanbul, Osmanlı imperiyası
Vəfat tarixi	10 avqust 1960 (73 yaşında)
Vəfat yeri	İstanbul, Türkiyə
Atası	II Əbdülhəmid
Anası	Müşfiqə Qadınəfəndi
Həyat yoldaşı	Əhməd Nami bəy Mehmed Əli Rauf bəy
Uşağı	Ömər Nami Osmanoğlu Osman Nami Osmanoğlu Əbdülhəmid Rauf Osmanoğlu

Ayşə Sultan və ya Ayşə Osmanoğlu (d. 1887, İstanbul - ö. 10 avqust 1960, İstanbul) - 34. Osmanlı sultanı II Əbdülhəmidin qızıdır. 1960 tarixində Atam Sultan Əbdülhəmid adlı xatirələri ilə məşhurlaşdı. Anası dördüncü qadınəfəndi Müşfiqə xanımdır.

Həyatı

Ayşə Sultan 1887-ci ildə İstanbulda Ulduz sarayının Kiçik Mabeyn köşkündə dünyaya gəlmişdir. Atası Osmanlı sultanı II Əbdülhəmid, anası isə onun səkkizinci xanımı Müşfiqə xanım idi. Yazdığı xatirələrində qeyd edir ki, qızının doğulması xəbərini eşidən atası Sultan Əbdülhəmid xəbəri verən Filurya kalfaya bahalı bir cəvahirat, doğuşda iştirak edən Əbəzadə Kamilə xanıma isə 300 lirə hədiyyə etmişdir. Saraydakı süd anası Pərvin xanım, dayəsi isə saray xidmətçilərindən Diləsrar kalfa olmuşdur.

Özündən 3 ay böyük olan bacısı Şadiyə Sultanla birlikdə Ulduz sarayında xüsusi dərslər almış, fars və ərəb dilləri ilə yanaşı, tarix, coğrafiya, hesab və Quran-i kərim dərsləri almışdır. Bundan başqa Dürrüyekta xanımdan (sonralar böyük qardaşı Mehmed Səlim Əfəndi ilə evləndirilmişdir) piano dərsləri də almağa başlamışdı.

27 aprel 1909 tarixində II Əbdülhəmidin taxtdan endirilməsinin ardından atası və ailəsiylə birlikdə bir müddət Selanikdəki bir köşkdə həbs olundu. Əhməd Nami bəylə baş tutan evliliyindən Ömər Nami və Osman Nami, Mehmed Əli Rauf bəylə baş tutan ikinci evliliyindən isə Əbdülhəmid Rauf adlı övladları dünyaya gəldi. 1924 tarixində digər xanədan üzvləri ilə birlikdə ölkədən sürgün edildi. 28 il Parisdə yaşadıqdan sonra 1952 tarixində çıxan əfv qanunu ilə İstanbula geri döndü. 1960 tarixində nəşr olunan Atam Sultan Əbdülhəmid adlı xatirələri ilə məşhurlaşdı.

Övladları

• Ömər Nami Osmanoğlu 1911 tarixində dünyaya gəldi. Parisdə hüquq təhsili aldı və daha sonra Beyruta köçdü. Sədrəzəm Kamil Paşanın nəvəsi Səadət xanımla evləndi. Bu evlilikdən Ayşə Rabiyə adlı bir qızı oldu. 1977 tarixində İstanbula geri döndü və burada vəfat etdi.
• Osman Nami Osmanoğlu 1918 tarixində İsveçrədə dünyaya gəldi. Parisdə mühəndislik ixtisası üzrə təhsil aldıqdan sonra uzun müddət Livan və Tunisdə yaşadı. 1975 tarixində İstanbula geri döndü. İlk xanımı Adilə xanımdan üç qızı: Mədiha Şükriyə, Fəthiyə Nemət və Ayşə Adilə dünyaya gəldi. Alman əsilli ikinci xanımından da iki qızı: Gülnur Dorothe və Ərman Kunterlə evli olan Aytən Sofiya dünyaya gəldi. Nəvəsi aktrisa Rəfiha Roksan Osmanoğludur. 15 iyul 2010 tarixində İstanbulda vəfat etdi.
• Əbdülhəmid Rauf Osmanoğlu 1922 tarixində İstanbulda dünyaya gəldi. Parisdə anasıyla yaşadı. 1981 tarixində İstanbulda vəfat etdi.