Azərbaycan Dövlət Bədən Tərbiyəsi və İdman Akademiyası Tələbə Gənclər Təşkilatı

Vikipediya, açıq ensiklopediya
Jump to navigation Jump to search
Azərbaycan Dövlət Bədən Tərbiyəsi və İdman Akademiyası Tələbə Gənclər Təşkilatı
ADBTİA TGT
AdbtiaTGTkomanda.jpg
ADBTİA TGT-nin fəalları Heydər Əliyev mərkəzində

Növü tələbə gənclər təşkilatı
Yaranma tarixi 30 may 2005
Rəsmi dili Azərbaycan dili
Mərkəzi Azərbaycan, Bakı, Fətəli Xan Xoyski küç., 98
Sədri İlkin Həsənov
sport.edu.az/az/student-…

Tarixi[redaktə | əsas redaktə]

ADBTİA Tələbə Gənclər Təşkilatı (TGT) 30 may 2005-ci ildə təsis edilmişdir. Təşkilatın ilk sədri Yusif Babanlı olmuşdur. Təşkilat tələbələrin özlərini idarəetmə orqanı, tələbələrin fərdi və peşəkar inkişafı üçün müxtəlif imkanlar yaradan bir platformadır.

Tələbə Gənclər Təşkilatının strategiyası aşağıdakılardan ibarətdir:

  • tələbə özünüidarəetməsində məşğulluğun gücləndirilməsi;
  • tələbələrin fərdi inkişafı üçün qeyri-formal təhsil metodların istifadə edilməsi;
  • tələbələrin asudə vaxtını səmərəli təşkil etmək üç maraq dairəsi üzrə klubların yaradıılması və dəstəklənməsi;
  • tələbələrin vətəndaşlıq mövqeyinin gücləndirilməsi və sosial məsuliyyətinin formalaşdırılması üçün müxtəlif aksiyaların keçirilməsi;
  • tələbələr və məzunlar üçün yeni perspektivlərin yaradılması məqsədilə əməkdaşlıq etdiyi təşkilat və qurumların sayının genişləndirilməsi.

ADBTİA TGT-nın sədri İlkin Həsənovdur.

ADBTİA Tələbə Gənclər Təşkilatının üzvləri TGT-nin imkanlarından yararlanaraq özlərini departament rəhbəri, klub rəhbəri, dizayner, müəllim, fotoqraf və s. peşələrdə sınaya bilərlər. ADBTİA Tələbə Gənclər Təşkilatının mütəmadi şəkildə tələbələr arasında idman yarışları, intellektual oyun və debat turnirləri, ekskursiyalar və xeyriyyə aksiyaları, görkəmli idmançılarla görüş və s. tədbirlər həyata keçirir.

Klublar[redaktə | əsas redaktə]

TGT-nin nəzdində hazırda 11 maraq klubu fəaliyyət göstərir. Bunlar danışıq klubu (ingilis dilini öyrənmək istəyən tələbələr üçün conversation club), musiqi klubu (ödənişsiz gitara dərsləri təşkil olunur), idman klubu (tələbələr arasında müxtəlif idman növləri üzrə yarışlar təşkil olunur), kitab klubu (tələbələr arasında kitablara maraq artırmaq üçün müxtəlif tədbirlər təşkil olunur), rəqs klubu (ödənişsiz rəqs dərsləri təşkil olunur), foto və incəsənət klubu (tələbələrin fotoqrafiya bacarıqlarını artırmaq üçün müxtəlif təcrübə sessiyaları təşkil olunur), debat klubu (tələbələrin müxtəlif debat turnir və təlimlərində iştirakı təmin olunur), gənclik klubu (FAİREX ilə əməkdaşlıq çərçivəsində Heydər Əliyev zirvəsinə və digər rayonlara səfərlər təşkil olunur), KVN klubu (KVN turnirlərində çıxışlar edir, KVN yarışları keçirir), Fan klub (Akademiyanın idman komandalarına çıxışları zamanı dəstək verir) və Qadınlar klubudur (Akademiyada təhsil alan xanımları öz ətrafında birləşdirir).

Sədrlər[redaktə | əsas redaktə]

  • Yusif Babanlı (2005-2009)
  • Hüseyn Məmmədov (2009-2011)
  • Vasif Hüseynov (2011-2014)
  • Rəsul Kərimov (2014-2016)
  • İlkin Həsənov (2016-günümüz)

İstinadlar[redaktə | əsas redaktə]

Xarici keçidlər[redaktə | əsas redaktə]

http://sport.edu.az/az/student-life/tgt