Qasım xan Xançobanlı

Vikipediya, açıq ensiklopediya
Jump to navigation Jump to search
Qasım xan Xançobanlı-Sərkər
VII Şirvan xanı
1789-1792 / 1795 - 1796
Sələfi Əsgər xan Xançobanlı
Xələfi Mustafa xan Xançobanlı

Doğum tarixi 1763(1763-Şablondakı doğum və ya ölüm tarixində texniki yanlışlıq var!-00)
Doğum yeri Şamaxı
Vəfat tarixi 1828
Atası Məhəmmədsəid xan Xançobanlı
Anası Mehparə xanım
Həyat yoldaşı Kafiyə xanım Ağası xan qızı Sərkər


Qasım xan Məhəmmədsəid xan oğlu Xançobanlı - 7-ci Şirvan xanı (1789-1792)

Həyatı[redaktə | əsas redaktə]

Məhəmmədsəid xanın 5-ci оğlu Qasım xan da ömrünün bir hissəsini qardaşı Əsgər xan və əmisi оğlu Mustafa xanla qaçqınlıqda keçirmiş və 1786-1789-cu illərdə xanlıq kürsüsündə böyük qardaşı Əsgər xanı əvəz etmişdir. 1792-ci ilin əvəllərindən etibarən Şirvan əyanlarının ona incikliyi başladı. O təbəələr arasında fərq qoymur, şirvanlılara arxalanmaq yerinə Məhəmməd şamxalın oğlu Şahbaz bəyi bir dəstə ləzgi ilə gətirdərək xalqa məsləhət verirdi. 1792-ci ildə Şirvan əyanları Hovuz mahalının naibi Yüzbaşı bəy və Sərdərin mahalının naibi Ömər sultanın təklifi ilə Mustafa bəyi Əlvənddən Ağsuya dəvət etdilər. Mustafa xan Şirvan xanı oldu. Qasım xan tərəfdarları ilə Qəbələyə, oradan Quba xanlığına getdi. [1]

Xanlığı geri almaq cəhdləri[redaktə | əsas redaktə]

1794-cü ildə Məhəmmədhəsən xan, Quba xanı Şeyxəli xan və Şirvan xanlığına iddialı Qasım xan birlikdə Ağsu üzərinə hücum etdilər. Ağsu bir neçə ay mühasirədə qaldı. Bir gün güclü yağış yağdı və sel çadırların böyük bir hissəsini məhv etdi. Ordunun vəziyyəti pisləşdi. Mühasirə altında olanlar Sərdərin mahalının naibi Ömər sultanın başçılığı ilə mühasirə edənlərə qarşı hücuma keçdilər. Şeyxəli xan və Məhəmmədhəsən xan öz xanlıqlarına qayıtdılar. Qasım xan isə Quba və Şəki arasındakı Qaraburqa dağında məskunlaşdı. 1795-ci ildə V. Zubovun yürüşü zamanı Qasım xan Hovuz mahalının naibi Yüzbaşı bəyin köməyi ilə Qaraburqa dağından endi və Ağsu şəhərinin yaxınlığında düşərgə salmış qraf Valeryan Zubovun hüzuruna gəldi. Qraf Valeryan Zubov onu Şirvan xanı kimi tanıdı. Yenidən xan olmuş Qasım xan 1796-cı iləcən yenidən hakimiyyətdə qaldı və sonra Şəkiyə qaçdı.


Qasım xan 1828-ci ildə İranda və Bəhrud deyilən yerdə dəfn edilmişdir.

Ailəsi[redaktə | əsas redaktə]

Qasım xan 1793-cü ildə əmisi Ağası xanın qızı Kafiyyə xanımla evlənmiş, оnların Isgəndər bəy (1795-1864), Allahverdi bəy (1796-1818) və Məmməd Səid xan (1797-1827) adlı оğlanları оlmuşdur.

Mənbə[redaktə | əsas redaktə]

  1. Fariz Xəlilli, Ağsu Ekspedisiyası http://farizkhalilli.files.wordpress.com/2011/09/aqsu_kataloq_pdf.pdf