II Əbdülməcid

Vikipediya, açıq ensiklopediya
Keçid et: naviqasiya, axtar
II Əbdülməcid
türk. Abdülmecit
II Əbdülməcid
İslamın sonuncu - 102-ci xəlifəsi
18 noyabr 1922 — 3 mart 1924
Sələfi: VI Mehmed
Xələfi: yoxdur
 
Təvəllüdü: 29 may 1868(1868-05-29)
Vəfatı: 23 avqust 1944 (76 yaşında)
Paris, Flag of France.svg Fransa

II Əbdülməcid (türk. Abdülmecit; 29 may 1868 - 23 avqust 1944) — İslamın sonuncu - 102-ci xəlifəsi[1].

1922-ci il noyabrın 1-də Xilafətdə Osmanlı xanədanının varlığına son qoyulduqdan sonra Vəhdətdin ölkəni tərk etdi və beləliklə, 18 noyabr 1922-ci ildə Türkiyə Böyük Millət Məclisi Şahzadə II Əbdülməcid Əfəndini xəlifə təyin etdi.

Başda Papalıq olmaqla bütün xristian təşkilatları yeni İslam xəlifəsinə təbrik ünvanlayaraq, yeni vəzifəsində müvəffəqiyyətlər arzuladılar. Bu, əslində nəzakət jestindən başqa bir şey deyildi və çox qısa zaman kəsiyində baş verəcək hadisələr istər İslam dünyası, istərsə də Avropa üçün böyük əhəmiyyət kəsb edirdi. Türkiyə Cumhuriyyəti elan olunduqdan sonra Ankara Cümhuriyyətin, İstanbul isə Xilafətin mərkəzinə çevrildi. Lakin ingilislər Xilafətin İslam birliyini təmin edən yeganə səbəb olduğunu bildikləri üçün israrla onun ləğvini tələb edirdilər. 1924-cü il martın 3-də Türkiyə Böyük Millət Məclisi qəbul etdiyi qərarla Xilafətin mövcudluğuna son qoydu. Beləliklə, İslamın ilk xəlifəsi Həzrət Əbubəkr(ə), son və 102-ci xəlifəsi isə xəlifə II Əbdülməcid oldu.

İslamın son xəlifəsi Sultan II Əbdülməcid Əfəndi ömrünün sonunadək öz vəzifəsini şərəflə yerinə yetirdi. Fransada sürgün həyatı yaşayan II Əbdülməcid Əfəndi bütün çətinliklərə baxmayaraq, xanədanın protokol qaydalarına israrla riayət edir, Cümə namazlarını Parisdəki məsciddə qılardı.

II Əbdülməcid Əfəndi 1944-cü il avqust ayının 23-də Parisdə ürək tutmasından vəfat etdi. Ömrünün son illərini yoxsulluq və ehtiyac içində keçirən II Əbdülməcid Əfəndinin cənazəsi Türkiyə tərəfindən qəbul edilməsi üçün 10 il Paris məscidində saxlandı. Lakin Türkiyə cənazəni qəbul etmədi və İslamın son xəlifəsinin nəşi Məkkəyə gətirilərək Baqi qəbiristanında dəfn edildi. Uzun əsrlər boyu İslamın bayraqdarı missiyasının şərəfli daşıyıcısı olan türk millətinin bu layiqli oğlunun və İslami Birliyin simvolu olan Xilafətin son başçısının axır məqamı, son dayanacağı yenə də İslamın başlandığı nöqtə oldu.

İstinadlar[redaktə]

  1. Sonuncu islam xəlifəsinə xristianlıq təklif olundu