İlkin Vəliyev

Vikipediya, açıq ensiklopediya
Jump to navigation Jump to search
İlkin Vəliyev
İlkin Vəliyev.jpg
bayraqAzərbaycan Respublikası
Vergilər Nazirinin müavini
bayraq
29 mart 2016 — indiyə kimi
Şəxsi məlumatlar
Təhsili Azərbaycan Qərb Universitetinin “İqtisadiyyatın hüquqi tənzimlənməsi” fakultəsi
Doğum tarixi 28 may 1980 (1980-05-28) (39 yaş)
Doğum yeri Gəncə
Uşağı 2 övladı var

İlkin Etibar oğlu Vəliyev (d.28 may 1980, Gəncə) — Azərbaycan Respublikası vergilər nazirinin müavini, 3-cü dərəcəli dövlət vergi xidməti müşaviri.

Həyatı[redaktə | əsas redaktə]

28 may 1980-ci il tarixdə Gəncə şəhərində anadan olmuşdur.

2001-ci ildə Azərbaycan Qərb Universitetinin “İqtisadiyyatın hüquqi tənzimlənməsi” fakultəsini bitirmişdir.

2001-2002-ci illərdə Azərbaycan Ordusu sıralarında hərbi xidmətdə olmuşdur.

2002-2004-cu illərdə Azərbaycan Respublikası Vergilər Nazirliyinin Vergi ödəyicilərinin auditi baş idarəsidə dövlət vergi müfəttişi vəzifəsində çalışmışdır.

2004-2009-cu illərdə Azərbaycan Respublikası Vergilər Nazirliyinin Beynəlxalq münasibətlər idarəsində baş dövlət vergi müfəttişi vəzifəsində işləmişdir.

2009-2010-cu illərdə Azərbaycan Respublikası Vergilər Nazirliyinin Beynəlxalq münasibətlər idarəsinin rəis müavini işləmişdir.

2010-2011-ci illərdə Kommersiya hüquqi şəxslərin dövlət qeydiyyatının təşkili və iqtisadi təhlil baş idarəsinin rəis müavini işləmişdir.

2011-2013-cü illərdə Vergi borclarının məcburi alınması işinin təşkili idarəsinin rəisi vəzifəsində çalışmışdır.

2013-2015-ci və 2015-2016-cı illərdə Azərbaycan Respublikası Vergilər Nazirliyinin İqtisadi təhlil və sahibkarlıq subyektlərinin dövlət qeydiyyatı baş idarəsinin rəisi, 2015-ci ildə Vergilər Nazirliyi yanında Bakı Vergilər Departamentinin rəis müavini vəzifələrində çalışmışdır.

2016-cı ilin fevral-mart aylarında Azərbaycan Respublikası Vergilər Nazirliyinin Vergi risklərinin təhlili və nəzarəti baş idarəsinin rəisi vəzifəsində çalışmışdır.

09.02.2015-ci ildə Azərbaycan Respublikası Prezidentinin müvafiq Sərəncamı ilə “Dövlət qulluğunda fərqlənməyə görə” medalı ilə tərtif olunmuşdur.

Azərbaycan Respublikası Prezidentinin 29 mart, 2016-cı il tarixli Sərəncamı ilə vergilər nazirinin müavini vəzifəsinə təyin edilmişdir.

Ailəlidir, 2 övladı var.