Namiq Cavadov (leytenant)

Vikipediya, azad ensiklopediya
Jump to navigation Jump to search
Namiq Cavadov
Şəxsi məlumatlar
Doğum tarixi
Doğum yeri Xocalı, Azərbaycan SSR
Vəfat tarixi (46 yaşında)
Vəfat yeri Füzuli rayonu, Azərbaycan
Dəfn yeri II Fəxri Xiyaban
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Silahlı Qüvvələri
Qoşun növü Azərbaycan Quru Qoşunları
Xidmət illəri 2020
Rütbə
Azərbaycan Silahlı Qüvvələrinin Quru Qoşunlarının leytenantı.png Leytenant
Döyüşlər Vətən müharibəsi
 • Füzuli döyüşləri
 • Xocavənd döyüşləri
 • Laçın döyüşləri
 • Qubadlı döyüşləri
Təltifləri "Vətən uğrunda" medalı — 2020 "İgidliyə görə" medalı — 2020 "Xocavəndin azad olunmasına görə" medalı — 2020 "Füzulinin azad olunmasına görə" medalı — 2020 "Şuşanın azad olunmasına görə" medalı — 2020

Namiq Rəhbər oğlu Cavadov (7 noyabr 1973; Xocalı, Azərbaycan SSR25 oktyabr 2020; Laçın rayonu, Azərbaycan) — Azərbaycan Silahlı Qüvvələrinin leytenantı, Vətən müharibəsi şəhidi.

Həyatı[redaktə | mənbəni redaktə et]

Namiq Cavadov 1973-cü il noyabrın 7-də Xocalı şəhərində anadan olub.[1]

İkinci Qarabağ müharibəsinin şəhidlərindən biri olan Namiq Rəhbər oğlu Cavadov 1973-cü ilin noyabr ayının 7 də Xocalı rayonunun Cəmilli kəndində anadan olmuşdur. Şəhidimiz leytenant Namiq Cavadov 1980 ci ildə Tofiq Hüseynov adına Xocalı şəhər 2 saylı tam orta məktəbin 1 ci sinifinə qəbul olmuşdur.Oxuduğu illər ərzində vətənpərvərliyi ilə seçilən Namiq, elə həmin vaxtdan öz millətinə, dövlətinə bağlılığı ilə seçilirmiş. Nümunəvi şagird kimi müəllimləri tərəfindən hər zaman sevilən, dürüstlüyü və dostluğu ilə sinif yoldaşlarının özünə  ən yaxın bildiyi biri olmuşdur.Vətənə, torpağa uşağlıqdan bağlı olan Namiq 16 yaşında, Qarabağda döyüşlər gedən ərəfədə əsgərliyə heç kimin xəbəri olmadan könüllü getmişdir.

1993-cü ildə BDU-nin coğrafiya fakültəsinə daxil olmuşdur. 1997 ci ilə qədər davam edən ali təhsili zamanı həm də həmin universitetin hərbi kafedrasında da təhsil almışdır.

Bu bağlılığı hər zaman dilinə gətirən , Qarabağ həsrəti ilə ürəyi döyünən şəhidimizin ən böyük arzusu bu torpaqları bir daha görmək idi.Hər zaman  deyirdi ki, torpaqlarımızı geri qaytarmalıyıq. Ərazilərimiz düşməndən təmizlənməlidir. Getdiyi bütün yerlərdə özünə dost tapmağı bacarırdı Namiq, deyən-gülən, şən biri kimi xatırlayır dostları onu.

Hər zaman üzündə gülüş olsa da, daxilində qəbul etmədiyi onu üzən hadisələrdə az olmamışdı.2012 ci ildə atası Rəhbər Cavadovu itirmişdir.

Namiq Böyük vətənpərvər idi. Vətənə, ailəsinə, anasına və balalarına çox bağlı idi. Amma vətən, yurd, doğma torpaq sevgisi Namiq üçün ən öndə gedən sevgi,  ən uca tutduğu bağlılıq idi.

1997 ci ilə ailə həyatı quran Namiqin 2 övladı var.Qızı Fidaın 22 yaşı, oğlu Rəhbərin 20 yaşı var. Namiq övladlarını da çox vətənpərvər böyüdüb. Övladları da özü kimi çox vətənpərvərdir. Oğluna uşağ vaxtı hərbi geyimlər alırdı. Hər zaman Qarabağın gözəlliyindən onlara bəhs edər, o torpaqları övladlarının da görməsini arzu edərdi.

Leytenant Cavadov 2003-cü ildə Naxçıvan şəhərinin Sədərək rayonunda 2 il 6 ay vətənə xidmət etmişdir. Xidmət etdiyi zaman əsgərlərinin və zabit heyətinin dərin hörmətini qazanmışdır. Namiqlə olan xatirələrdən danışan zabit yoldaşları onun səlistliyi, dəqiq qərarlığı, əsgərlərinə necə diqqətlə yanaşmasını , onlara canının bir qardaş bir valideyn kimi yanmasını dilə gətirir.Öz ixtisasının atıcı-snayperçi olmasına baxmayaraq tank sürməyi, mina dəf etməyi bacarırmış. Əsgərlərinə ən çətin şəraitdə belə səbrli olmağı, ac və susuz dözümlü qalmağın dərsini öyrədirmiş.

Hər zaman işğal olunmuş torpağların həsrətindən danışan, müharibə olmağını səbrsizliklə gözləyən Namiq şəhidlik zirvəsinin ucalığından, müqəddəsliyindən hər zaman danışardı. Gerbinə, bayrağına düşkün olan Namiq hər zaman milli atributları əziz tutub hər şeydən uca bilirdi.47 yaşlı bu şəhidimizin ləyaqətli həyat tarixcəsindən bütün onu tanıyanlar, qohumları,qonşuları,dostları ağızdolusu danışır. “O qədər həya sahibi idi ki, onun nəlayiq kəlmə bildiyinə şübhəm var.”Onun zəhmətkeşliyi, ədəbli-ərkanlı biri olması heç vaxt yaddaşımızdan silinməyəcək.Yoldaşı Gültəkin xanım və anası Svetlana xanım onun haqqında danışarkən, necə səxavətli, xeyirxah bir insan olmasından bəhs etdilər. Şəhidimizin dostları, qohumları arasında necə sevildiyindən o qədər danışdılar ki, bir daha əmin olduq ki , şəhidlik zirvəsinə yalnız seçilmişlər yüksəlir.. Balalarına bütöv vətən əmanət qoyub gedən şəhidimiz, haqqınız ödənməz!

Şəhidimiz Namiq ömrünü xalqına qulluqda gördü və həyatını da Azərbaycanımızın, vətənimizin bütövlüyünə görə qurban verməkdə gördü!

Hərbi xidməti[redaktə | mənbəni redaktə et]

Azərbaycan Ordusunun leytenantı olan Namiq Cavadov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin,Qubadlının, XocavəndinLaçının azadlığı uğrunda gedən döyüşlərdə savaşıb.

Döyüşlər başlayandan könüllü kimi getməyin mübarizəsini aparıb. Könüllülərin aparılması dayandırılsa da, dəfələrlə Xocalı rayon Hərbi Komissarlığına müraciət edərək onu da aparmaqlarını xahiş edib. Leytenant Namiq Cavadov yaşının 35 dən yuxarı olmasına baxmayaraq Səfərbərlik Xidmətinə  çoxsaylı müraciətlər etməsinin nəticəsində İkinci Qarabağ, Vətən müharibəsinə könüllü olaraq oktyabrın 19-u  çağırılmışdır. Hərbidən ayrıldığı 15 ilə yaxın olmasına baxmayaraq könüllü olaraq ön cəbhəyə getmiş, döyüşlərdə iştirak etmişdir. 60 əsgərdən ibarət kazarmanı təhlükəli vəziyyətdən çıxarmış, 20 yaralı əsgərə köməklik göstərərək həyatlarını xilas etmişdir. 8 nəfər xüsusitəyinatlı əsgərlərlə birlikdə düşmənin neçə canlı qüvvəsini məhv ediblər.Oktyabr ayının 25 i, döyüşə yollandığının 6 cı günündə Namiq Cavadov Füzuli döyüşləri zamanı şəhid olub. II Fəxri Xiyabanda dəfn olunub.[2]

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Namiq Cavadov ölümündən sonra "Vətən uğrunda" medalı ilə təltif edildi.[3]

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Namiq Cavadov ölümündən sonra "Xocavəndin azad olunmasına görə" medalı ilə təltif edildi.[4]

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Namiq Cavadov ölümündən sonra "Füzulinin azad olunmasına görə" medalı ilə təltif edildi.[5]

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Namiq Cavadov ölümündən sonra "Şuşanın azad olunmasına görə" medalı ilə təltif edildi.[6]

Azərbaycan ərazilərinin işğaldan azad olunması zamanı döyüş tapşırıqlarını yerinə yerinə yetirən zaman mərdliyin və igidliyin göstərilməsinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Namiq Cavadov ölümündən sonra "İgidliyə görə" medalı ilə təltif edildi.[7]

Təltifləri[redaktə | mənbəni redaktə et]

İstinadlar[redaktə | mənbəni redaktə et]

  1. Müdafiə Nazirliyi. "Vətən müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Müdafiə Nazirliyinin rəsmi saytı) (az.). 22.01.2021. 2021-01-22 tarixində arxivləşdirilib (PDF). İstifadə tarixi: 22.01.2021.
  2. (#empty_citation)
  3. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (Azərbaycan Prezidentinin saytı). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  4. "Azərbaycan Silahlı Qüvvələrinin hərbi qulluqçularının "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.president.az (Azərbaycan Prezidentinin saytı). 25.12.2020. 2021-01-19 tarixində arxivləşdirilib. İstifadə tarixi: 25.12.2020.
  5. "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.president.az (Azərbaycan Prezidentinin saytı). 25.12.2020. 2021-01-17 tarixində arxivləşdirilib. İstifadə tarixi: 25.12.2020.
  6. "Azərbaycan Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.president.az (Azərbaycan Prezidentinin saytı). 29.12.2020. 2020-12-29 tarixində arxivləşdirilib. İstifadə tarixi: 29.12.2020.
  7. Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "İgidliyə görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.president.az. 24.06.2021. 2021-07-01 tarixində arxivləşdirilib. İstifadə tarixi: 24.06.2021.
  8. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az. 15.12.2020. 2021-01-16 tarixində arxivləşdirilib. İstifadə tarixi: 15.12.2020.
  9. "Azərbaycan Silahlı Qüvvələrinin hərbi qulluqçularının "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.e-qanun.az (az.). 25.12.2020. 2021-01-18 tarixində arxivləşdirilib. İstifadə tarixi: 25.12.2020.
  10. "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". e-qanun.az. 25.12.2020. 2021-01-16 tarixində arxivləşdirilib. İstifadə tarixi: 25.12.2020.
  11. "Azərbaycan Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.e-qanun.az. 29.12.2020. 2021-01-18 tarixində arxivləşdirilib. İstifadə tarixi: 29.12.2020.
  12. Azərbaycan Dövlət İnformasiya Agentliyi. "Azərbaycan Silahlı Qüvvələrinin hərbi qulluqçularının "İgidliyə görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.azertag.az. 24.06.2021. 2021-07-01 tarixində arxivləşdirilib. İstifadə tarixi: 24.06.2021.