Anar Qarayev
| Anar Qarayev | |
|---|---|
| Şəxsi məlumatlar | |
| Doğum tarixi | 16 iyun 1998(1998-06-16) |
| Doğum yeri | Almalı kəndi, Qax, Azərbaycan |
| Vəfat tarixi | |
| Vəfat yeri | Azərbaycan |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Quru Qoşunları |
| Xidmət illəri | 2020 |
| Rütbə |
 Əsgər |
| Döyüşlər |
Suqovuşan döyüşü Vətən müharibəsi |
Anar Qarayev (16 iyun 1998, Almalı, Qax rayonu – 4 oktyabr 2020, Suqovuşan, Tərtər rayonu) — Azərbaycan Silahlı Qüvvələrinin əsgəri, Vətən müharibəsi şəhidi.[1]
Həyatı və təhsili[redaktə | mənbəni redaktə et]
Anar Qarayev 1998-ci il iyun ayının 16-si Qax rayonunun Almalı kəndində anadan olub. O, doğulduğu kənddə böyüyüb və həmin kəndin orta məktəbində təhsil alıb. Anar 2016-cı ildə UNEC Zaqatala filialına qəbul olub[2], universiteti fərqlənmə ilə bitirib. O, unversitetdə oxuduğu müddətdə heç bir müəllim yanına getmədən ərəb, alman, ingilis və rus dillərini təmiz öyrənib.[3][4]
Hərbi xidməti[redaktə | mənbəni redaktə et]
Anar 2020-ci il iyulun 10-da Goranboy rayonu “N” saylı hərbi hissəsində əsgəri xidmətə başlayıb, sentyabrın 15-də Ağdamın “N” saylı hərbi xidmətini davam etdirib.[5]
Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində Talış kəndi və Suqovuşanın azadlığı uğrunda gedən döyüşlərdə fəal iştirak edib.[5]
Döyüşçü yoldaşı, Turan Quşiyevin Anar Qarayev haqqında xatirələri[6]:
|
Anar əsgərlik həyatına başladığı gündən hamıya sevdirmişdi özünü. Bilikli olduğu qədər də çox cəsarətli idi. O, qəhrəmanlıqla vuruşurdu. Canavar kimi, cəsarətlə addımını irəli atırdı. Ailənin nəsil davamçısı kimi sıradan bir oğul olmadığını sübut etdi və daha böyük missiya ilə həyata gəldiyini düşünməyə əsas verdi. Suqovuşanda düşmənin atdığı mərmidən bəzilərimiz yaralandıq, Anar və başqa döyüşçülərimiz şəhid düşdülər. Anar tariximizi yaxşı bilirdi. O, Azərbaycan tarixinin hansı səhifəsindən istəsən diskussiya açır, isbatla, faktlarla şərh verirdi. Cəsarət və fəallığına görə o, batalyon komandirindən təltif də almışdı. O, fədaidir! Vətən uğrunda canından keçdi. Onun əziz xatirəsi hər zaman yaddaşımızda yaşayacaq. | 
|
Anar Qarayev 4 oktyabr 2020-ci ildə Suqovuşan uğrunda gedən döyüşdə şəhid olub. Qaxın Almalı kəndində Şəhidlər Xiyabanında dəfn edilib. Ölümündən sonra “Vətən uğrunda” və “Suqovuşanın azad olunmasına görə” medalı ilə təltif edilib.[6]
Təltifləri[redaktə | mənbəni redaktə et]
(15.12.2020) — "Vətən uğrunda" medalı (ölümündən sonra)[7]
(29.12.2020) — "Suqovuşanın azad olunmasına görə" medalı (ölümündən sonra)[8]
.png){kind=small}
İstinadlar[redaktə | mənbəni redaktə et]
- ↑ "Vətən müharibəsində şəhid olan hərbi qulluqçuların siyahısı" (PDF). 8 dekabr 2020. 8 dekabr 2020 tarixində arxivləşdirilib (PDF). İstifadə tarixi: 10 dekabr 2020.
- ↑ "UNEC-in Zaqatala filialının kollektivi şəhidlərin məzarını ziyarət edib" Arxivləşdirilib 2021-11-23 at the Wayback Machine. news.unec.edu.az
- ↑ "Diplomu məzarı başına gətirilən şəhid Anar Qarayev" Arxivləşdirilib 2021-11-22 at the Wayback Machine. interaz
- ↑ "Anar Qarayev" Arxivləşdirilib 2021-11-23 at the Wayback Machine. AZTV YouTube kanalı
- ↑ 1 2 "Şəhid Anar Qarayevin cənnətdəki ilk ad günü" Arxivləşdirilib 2021-11-23 at the Wayback Machine. News.unec.edu.az
- ↑ 1 2 Şərafət Şəfa. "Diplomu məzarına gətirilən şəhid-Anar Qarayev". agsaqqallar.com. 21 noyabr 2020. 2020-12-10 tarixində arxivləşdirilib. İstifadə tarixi: 10 dekabr 2020.
- ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az. 15.12.2020. 2021-01-16 tarixində arxivləşdirilib. İstifadə tarixi: 15.12.2020.
- ↑ "Azərbaycan Silahlı Qüvvələrinin hərbi qulluqçularının "Suqovuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". 29.12.2020. 2021-01-04 tarixində arxivləşdirilib. İstifadə tarixi: 29.12.2020.
