Tağı Abdullazadə

Vikipediya, azad ensiklopediya
Jump to navigation Jump to search
Tağı Abdullazadə
Tağı Abdullazadə.jpg
Şəxsi məlumatlar
Doğum tarixi
Doğum yeri Sədərək, Azərbaycan
Vəfat tarixi (28 yaşında)
Vəfat yeri Hadrut, Azərbaycan
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Xüsusi Təyinatlı Qüvvələr
Rütbə
OR-4 AZE ARMY.svg Kiçik çavuş
Döyüşlər Vətən müharibəsi
Füzuli əməliyyatı
Hadrut döyüşləri
Təltifləri "Vətən uğrunda" medalı — 2020 "Şuşanın azad olunmasına görə" medalı — 2020

Tağı Abdullazadə (tam adı: Tağı İlham oğlu Abdullazadə; 5 may 1992; Sədərək, Azərbaycan2 noyabr 2020; Hadrut, Azərbaycan) — Azərbaycan Silahlı Qüvvələrinin xüsusi təyinatlı kiçik çavuşu, Vətən müharibəsinin şəhidi.[1]

Həyatı[redaktə | əsas redaktə]

Tağı Abdullazadə 1992-ci il 5 may tarixində Naxçıvan şəhəri Sədərək rayonunda anadan olub. 1999-2010-ci illərdə orta təhsilini, Sədərək rayon 1 nömrəli tam orta məktəbində alıb.

Ailəsi[redaktə | əsas redaktə]

Ailəli idi, bir övladı var.

Hərbi xidməti[redaktə | əsas redaktə]

Tağı Abdullazadə 2010-ci ildə Azərbaycan Silahlı Qüvvələrinin sıralarında müddətli həqiqi hərbi xidmətə çağrılıb. 2011-ci ildə hərbi xidmətdən qayıtdıqdan sora Sədərək rayon Heydərabad qəsəbəsində tam orta məktəbində hərbi müəllimi vəzifəsində işləyib.

2019-cu il Azərbaycan Respublikası Müdafiə Nazirliyinin tabeçiliyində olan və qərargahın nəzdində fəaliyyət göstərən Xüsusi Təyinatlı Qüvvələrin 3 aylıq təməl kursuna qəbul olub. Kursu bitirdikdən sonra Xüsusi Təyinatlı Qüvvələri sırasında xidmət edir.

Azərbaycan Ordusunun xüsusi təyinatlısı olan Tağı Abdullazadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsidə FüzuliHadrut isdiqamətində gedən döyüşlərdə olub. Tağı Abdullazadə noyabrın 2-də Hadrutun Tuzluca istiqamətində gedən döyüşlər zamanı boğazından aldığı qəlpə yarasından şəhid olub. Naxçıvan şəhərinin Sədərək rayonunda dəfn edilib.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Tağı Abdullazadə ölümündən sonra "Vətən uğrunda" medalı ilə təltif edildi.[2]

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Tağı Abdullazadə ölümündən sonra "Şuşanın azad olunmasına görə" medalı ilə təltif edildi.[3]

Təltifləri[redaktə | əsas redaktə]

İstinadlar[redaktə | əsas redaktə]

  1. "Vətən müharibəsində şəhid olan hərbi qulluqçuların siyahısı" (PDF) (azərb.). mod.gov.az. 2020-12-08. 2020-12-08 tarixində arxivləşdirilib (PDF). İstifadə tarixi: 2020-12-10.
  2. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  3. "Azərbaycan Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı"(azərb.)). 29.12.2020. 2020-12-29 tarixində arxivləşdirilib. İstifadə tarixi: 29.12.2020.

Xarici keçidlər[redaktə | əsas redaktə]