Elnur Əsədullayev

Elnur Əsədullayev
Şəxsi məlumatlar
Doğum tarixi	13 iyun 1998(1998-06-13)
Doğum yeri	Lerik rayonu, Azərbaycan
Vəfat tarixi	14 oktyabr 2020(2020-10-14) (22 yaşında)
Vəfat yeri	Füzuli rayonu, Azərbaycan
Dəfn yeri	Lerik rayonu
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2018-2020
Rütbə	Kiçik gizir
Vəzifəsi	Tank komandiri
Döyüşlər	Vətən müharibəsi  • Füzuli əməliyyatı
Təltifləri

Elnur Əsədullayev (tam adı: Elnur İmran oğlu Əsədullayev; 13 iyun 1998(1998-06-13), Lerik rayonu – 14 oktyabr 2020(2020-10-14), Füzuli rayonu) — Azərbaycan Silahlı Qüvvələrinin kiçik giziri, Vətən müharibəsinin şəhidi.

Həyatı

Şəkil:Elnur Əsədullayev idman nəaliyyəti.jpg

199x199px

Elnur Əsədullayev 1998-ci il iyunun 13-də Lerik rayonununda anadan olub. Onun uşaq yaşlarından idmana həvəsi olmuş 7-8-ci siniflərdə sərbəst güləşdə yeniyetmələr üzrə turnirlərdə iştirak etmiş medal və təltiflərə layiq görülmüşdü. Onun əmisi oğlu və bibisi oğlu Lerik rayonu-nun ilk şəhidlərindən olmuş, hərbiçi ailəsində böyümüş və vətənpərvər ruhla yetişmişdi. Subay idi.

Təhsili

2005-2016-cı illərdə Valeh Müslümov adına Lerik şəhəri 2 sayılı tam orta məktəbində təhsil almışdır.

Hərbi xidməti

2016-cı ilin iyul ayında Qazax rayonu N sayılı hərbi hissədə xidmətə başlamışdır. 2018-ci il yanvar ayında təxris olmuşdur. Hərbi xidmət dövrünün Aprel döyüşlərindən sonra olması hərbiçi olmaq istəyinin onda yaranmasında böyük töhvəsi olmuşdur. Nəticədə o həqiqi hərbi xidmətini başa vurduqdan sonra öz istəyi ilə müddətdən artıq hərbi xidmət qulluqçusu kimi Beyləqan rayonu N sayılı hərbi hissədəön xəttdə xidmət edir. Xidmət zamanı göstərdiyi şücaətlə hər kəsin diqqətini cəlb edir və qısa müddət sonra kiçik gizir rütbəsinə layiq görülür.

Azərbaycan Ordusunun əsgəri olan Elnur Əsədullayev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. Füzuli istiqamətində gedən döyüşlərdə düşmənin xeyli sayda hərbi və canlı qüvvəsini məhv edib. Vətən müharibəsinin ilk günlərindən göstərdiyi igidliklərə görə ona "Tank komandiri" vəzifəsi verilir. Elnur Əsədullayev bu vəzifənin üstəsindən layiqincə gəlir. O evə son dəfə 13 oktyabr tarixində zəng edir və ondan nigaran qalmamalarını deyir.14 oktyabr baş verən qızğın döyüşlərdə düşmənin qüvvələri məhv edilərkən Tank komandiri kiçik gizir Elnur Əsədullayev qəhrəmancasına şəhid olur. O 30 oktyabr 2020-ci il tarixində doğulub boya-başa çatdığı Lerik rayonunda torpağa tapşırılır.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elnur Əsədullayev ölümündən sonra "Vətən uğrunda" medalı ilə təltif edildi.

Təltifləri

• (15.12.2020) — "Vətən uğrunda" medalı (ölümündən sonra)