Ramiq Tağıyev

Vikipediya, azad ensiklopediya
Jump to navigation Jump to search

Ramiq Tağıyev (tam adı: Ramiq Teymur oğlu Tağıyev; 31 oktyabr 1998; Kəlvəz, Lerik rayonu, Azərbaycan10 noyabr 2020; Şuşa, Azərbaycan) — Azərbaycan Silahlı Qüvvələrinin kiçik giziri, Vətən müharibəsi şəhidi.

Ramiq Tağıyev
Ramiq Teymur oğlu Tağıyev
Şəxsi məlumatlar
Doğum tarixi
Doğum yeri Kəlvəz, Lerik rayonu, Azərbaycan
Vəfat tarixi (22 yaşında)
Vəfat yeri Şuşa, Azərbaycan
Vətəndaşlığı Azərbaycan Azərbaycan
Atası Teymur Tağıyev
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Xüsusi Təyinatlı Qüvvələr
Xidmət illəri 2016-2020
Rütbə
OR-7 AZE ARMY.svg Kiçik gizir
Döyüşlər Vətən müharibəsi
 • Şuşa döyüşləri
Təltifləri "Vətən uğrunda" medalı — 2020

Həyatı və hərbi xidməti[redaktə | əsas redaktə]

Ramiq Tağıyev 31 oktyabr 1998-ci ildə Lerik rayonunun Kəlvəz kəndində anadan olmuşdur[1]. Orta məktəbi Lerik rayonunun Kəlvəz kəndində yerləşən Milli Qəhrəman Fəxrəddin Şahbazov adına tam orta məktəbdə başa vurmuşdur.

Ramiq 18 yaşına çatdıqda həqiqi hərbi xidmətə çağırılmışdır. Hərbi xidmət müddətini başa vurduqdan sonra O, Azərbaycan Xüsusi Təyinatlı Qüvvələrində öz xidmətini davam etdirmək qərarına gəlmişdir. Ramiq Tağıyev hərbi xidmətini davam etdirdiyi müddətdə XTQ-nin hərbi təlim toplantılarında iştirak etmiş, xidmətinə görə kiçik gizir rütbəsini almışdır.

27 sentyabr 2020-ci ildən Vətən Müharibəsində iştirak edən Ramiq Füzulinin, Cəbrayılın, Qubadlının azad edilməsi uğrunda gedən döyüşlərdə xüsusi igidlik göstərmişdir. Noyabr ayının əvvəllərindən başlayan Şuşa döyüşlərində də iştirak edən kiçik gizir Ramiq Tağıyev 10 noyabr 2020-ci ildə həmin döyüşlərdə döyüş tapşırığını yerinə yetirərkən şəhid olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Ramiq Tağıyev ölümündən sonra "Vətən uğrunda" medalı ilə təltif edildi.[2]

Təltifləri[redaktə | əsas redaktə]

İstinadlar[redaktə | əsas redaktə]

  1. "Vətən müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycanın Müdafiə Nazirliyi)(azərb.)). 08.12.2020. 2020-12-08 tarixində arxivləşdirilib (PDF). İstifadə tarixi: 08.12.2020.
  2. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  3. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-17 tarixində arxivləşdirilib. İstifadə tarixi: 15.12.2020.