Nurəddin Məstəliyev

Vikipediya, azad ensiklopediya
Jump to navigation Jump to search
Nurəddin Məstəliyev
Nurəddin Məstəliyev.jpg
Şəxsi məlumatlar
Doğum tarixi
Doğum yeri
Vəfat tarixi (20 yaşında)
Dəfn yeri
Vətəndaşlığı
Atası Hasil Məstəliyev
Anası Nigar Məstəliyeva
Hərbi fəaliyyəti
Mənsubiyyəti Coat of arms of the Azerbaijani Armed Forces.png A.R. Silahlı Qüvvələri
Xidmət illəri 2019-2020
Rütbə
Azərbaycan Silahlı Qüvvələrinin Quru Qoşunlarının əsgəri.png Əsgər
Vəzifəsi Kəşfiyyatçı
Döyüşlər Vətən müharibəsi
 • Şuşa uğrunda döyüşlər
Təltifləri "Xocavəndin azad olunmasına görə" medalı — 2020 "Füzulinin azad olunmasına görə" medalı — 2020 "Vətən uğrunda" medalı — 2020

Nurəddin Hasil oğlu Məstəliyev (13 fevral 2000(2000-02-13), Qızıldaş2020) — Dövlət Sərhəd Xidmətinin kəşfiyyatçı əsgəri, Vətən müharibəsinin şəhidi.

Həyatı[redaktə | əsas redaktə]

Nurəddin Məstəliyev 2000-ci il fevralın 13-də Bakı şəhəri, Qaradağ rayonu, Qızıldaş qəsəbəsində dünyaya göz açmışdır. Əslən Yardımlı rayonunun Ökü kəndindəndir. İbtidai təhsilinə 2007-ci ildə Azər Namazov adına 180 saylı orta məktəbdə başlamışdır. Nurəddin kiçik yaşlarından idmanla məşğul olmağa başlayıb. Bir çox turnirlərə qatılan Nurəddin dəfələrlə rəqiblərindən fərqlənərək mükafatlar, sertifikatlarmedallar ilə təltif olunmuşdur. İdman məşğuliyyətini peşəkar səviyyəyə çatdıran Nurəddin Karatenin Gōjū-ryū növü üzrə 80 kq çəki dərəcəsində bütün rəqiblərinə qalib gələrək Respublika Birincisi kimi ən yüksək mükafata layiq görülüb. 2016-cı ildə orta məktəbi bitirdikdən sonra 8 saylı texniki peşə liseyində "qaynaqçı" peşəsi üzrə ixtisaslaşıb. Peşə təhsilini bitirdikdən sonra hərbi xidmətə yola düşüb.

Hərbi illəri[redaktə | əsas redaktə]

Nurəddin 2019-cu il iyul ayında hərbi xidmətə yollanıb. 2020-ci ilin sentyabr ayına qədər Dövlət Sərhəd Xidmətində hərbi xidmət keçib. Peşəkar idmançı olduğu üçün kəşfiyyat bölüyünə qoşulub.

Şəhadəti[redaktə | əsas redaktə]

Sentyabrın 27-də Vətən müharibəsinin başlaması ilə döyüşə yollanıb. CəbrayılXocavənd uğrunda gedən döyüşlərdə şücaət göstərmişdir. Şuşa uğrunda gedən döyüşlərdə qəhrəmancasına döyüşmüşdür. Döyüş meydanında düşmən snayperinin gülləsinə tuş gəlmişdir. Aldığı xəsarətdən yerindəcə şəhidlik zirvəsinə ucalmışdır. Şəhid, 13 noyabr 2020-ci ildə doğulub boya-başa çatdığı, valideynləri ilə yaşadığı Qızıldaş qəsəbəsinə gətirilmiş, qəsəbə sakinləri tərəfindən izdihamla qarşılanmış və təntənəli surətdə torpağa tapşırılmışdır. Vida mərasimində Milli Məclisin deputatı, YAP Qaradağ rayon təşkilatının sədri Aydın Hüseynov, Qaradağ rayon İcra Hakimiyyətinin başçısı Süleyman Mikayılov, Qızıldaş bələdiyyəsinin sədri İdris Alışanov, sədr müavini Fərid Tağıyev və Müdafiə Nazirliyinin nümayəndələri iştirak etmişdir.

Uğurları[redaktə | əsas redaktə]

19 Dekabr 2015 - Ümumilli lider Heydər Əliyevin xatirəsinə həsr olunmuş yeniyetmələr, gənclər, qızlar və kişilər arasında Qocyu-ryu Okinava Karate-do və Kobudo idman növü üzrə Açıq Respublika turniri İRİQUMİ-CYUQO döyüş qaydaları üzrə +65 kq çəki dərəcəsində bacarıq göstərərək II yerə layiq görülmüşdür.

20 Yanvar şəhidlərinin xatirəsinə həsr olunmuş yeniyetmələr, gənclər, qızlar və kişilər arasında Qocyu-ryu Okinava Karate-do və Kobudo idman növü üzrə respublika turnirində 75 kq çəki dərəcəsində III yeri tutmuşdur.

13 Mart 2016 - Azərbaycan Qocyu-Ryu Okinava Karate-Do və Kobudo Növləri Federasiyasının 20 illiyinə həsr olunmuş XIX Açıq Bakı birinciliyi və çempionatının +16 yaş, +75 kq çəki dərəcəsində I yerə layiq görülüb.

21-22 May 2016 - Azərbaycan Qocyu-Ryu Okinava Karate-Do və Kobudo Növləri Federasiyası. Beynəlxalq Juqo Kobute və Kempo-Ryu Federaiyası. Ümumilli Lider Heydər Əliyevin 93-cü ildönümünə həsr olunan XIX Açıq Respublika Kuboku İRİQUMİ-CYUQO döyüş qaydaları üzrə +65 kq çəki dərəcəsində bacarıq göstərərək II yerə layiq görülmüşdür.

17 İyul 2016 - Azərbaycan Qocyu-Ryu Okinava Karate-Do və Kobudo Növləri Federasiyası yeniyetmələr və Gənclər arasında Bakı Şəhər Açıq Turniri -60 kq çəki dərəcəsində III yerə layiq görülüb.

Azərbaycan Qocyu-Ryu Okinava Karate-Do və Kobudo Növləri Federasiyası və Juqo Kobute və Kempo-Ryu Federasiyasının böyüklər, gənclər və yeniyetmələr arasında XIX Açıq Respublika Çempionatı və Birinciliyində İRİQUMİ-CYUQO döyüş qaydaları üzrə 70 kq çəki dərəcəsində bacarıq göstərərək III yerə layiq görülmüşdür.

Təltif və mükafatları[redaktə | əsas redaktə]

Həmçinin bax[redaktə | əsas redaktə]

Seymur Sərxoşov

Qızıldaş qəsəbəsi

İstinadlar[redaktə | əsas redaktə]