Şahgündüz Cabbarov

Şahgündüz Cabbarov
Şəxsi məlumatlar
Doğum tarixi	13 yanvar 1995(1995-01-13)
Doğum yeri	Mollalı, Bərdə rayonu, Azərbaycan
Vəfat tarixi	25 oktyabr 2020(2020-10-25) (25 yaşında)
Vəfat yeri	Aşağı Əbdürrəhmanlı, Füzuli rayonu, Azərbaycan
Dəfn yeri	Binə
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Silahlı Qüvvələri
Qoşun növü	Quru Qoşunları
Xidmət illəri	2016-2017, 2020
Rütbə	Əsgər
Döyüşlər	Vətən müharibəsi
Təltifləri

Şahgündüz Habil oğlu Cabbarov (13 yanvar 1995, Mollalı, Bərdə rayonu – 25 oktyabr 2020, Aşağı Əbdürrəhmanlı, Füzuli rayonu) — Azərbaycan Silahlı Qüvvələrinin əsgəri, Vətən müharibəsi şəhidi.

Həyatı

Şahgündüz Cabbarov 13 yanvar 1995-cü ildə Bərdə rayonunun Mollalı kəndində anadan olub. Əslən Laçın rayonunun Oğuldərə kəndindəndir. Bərdənin Meşəçilik qəsəbəsində yerləşən Laçın rayon tam orta məktəbində təhsil alıb. 2012-ci ildə Azərbaycan Dövlət Neft və Sənaye Universitetinin Qaz-neft və mədən fakültəsinə daxil olur. Təhsilini başa vurduqdan sonra 2016-cı ildə müddətli həqiqi hərbi xidmətə yollanıb. Xidmət zamanı göstərdiyi nizam-intizama görə korpus komandiri Mais Bərxudarov tərəfindən fəxri fərmanla təltif edilib. Hərbi xidmətdən geri döndükdən sonra Azərbaycan Dövlət Neft Şirkətində qazmaçı kimi işə başlayır.

Hərbi xidməti

2016-2017-ci illərdə "N" saylı hərbi hissələrdən birində müddətli həqiqi hərbi xidmətdə olmuşdur.

İkinci Qarabağ müharibəsində iştirakı

Azərbaycan Ordusunun əsgəri olan Şahgündüz Cabbarov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı könüllü döyüşlərə yollanaraq, Füzulinin, Cəbrayılın, Qubadlının,Hadrutun,Tuğun və Zəngilanın azadlığı uğrunda gedən döyüşlərdə fəal iştirak edərək şücaət göstərmişdir. Şahgündüz Cabbarov 25 oktyabr 2020-ci ildə Füzuli rayonunun Yuxarı Əbdürrəhmanlı kəndi istiqamətində gedən döyüşlərdə şəhid olmuşdur.

Şəhid Xəzər rayonu, Binə sovxoz qəbiristanlığında dəfn edilib. Ölümündən sonra "Vətən uğrunda", "Füzulinin azad olunmasına görə", "Xocavəndin azad olunmasına görə", "Cəbrayılın azad olunmasına görə", və "Cəsur Döyüşçü" medalları ilə təltif olunub.

İrsi

2021-ci ildə Şahgündüz Cabbarovun "Gözləyin dağlar, gəlirəm" adlı kitabı Qanun nəşriyyatında çap olunub.

Təltifləri

• (15.12.2020) — "Vətən uğrunda" medalı (ölümündən sonra)
• (25.12.2020) — "Füzulinin azad olunmasına görə" medalı (ölümündən sonra)
• (25.12.2020) — "Xocavəndin azad olunmasına görə" medalı (ölümündən sonra)
• (05.11.2021) — "Cəbrayılın azad olunmasına görə" medalı (ölümündən sonra)
• (11.11.2020) — Cəsur Döyüşçü (ölümündən sonra)

Xarici keçidlər

• Şah Gündüz,şəhid Gündüz / AzTv
• Laçını görmədən ömrünü onun uğrunda qurban verən Laçınlı - ŞAHGÜNDÜZ CABBAROV
• Şəhid Cabbarov Şahgündüz Kamil oğlu
• Əbdürrəhmanlıda şəhid olan Şahgündüz Cabbarov
• Şahgündüz Cabbarovun anım mərasimi keçirilib