Şöhrət Qasımov

Vikipediya, azad ensiklopediya
Jump to navigation Jump to search
Şöhrət Qasımov
Qasımov Şöhrət Şakir oğlu
ŞöhrətQasımov3.jpg
Şəxsi məlumatlar
Doğum tarixi
Doğum yeri Gədəbəy, Azərbaycan
Vəfat tarixi (28 yaşında)
Vəfat yeri Suqovuşan, Tərtər, Azərbaycan
Dəfn yeri Sumqayıt Şəhidlər Xiyabanı
Vətəndaşlığı Azərbaycan Azərbaycan
Həyat yoldaşı Türkan Qasımzadə
Uşaqları Murad Qasımzadə, İlayda Qasımzadə
Atası Şakir Qasımov
Anası Mehbarə Orucova
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2009—2020
Rütbə
Azərbaycan Silahlı Qüvvələrinin Quru Qoşunlarının baş leytenantı.png Baş leytenant
Döyüşlər
Təltifləri "Azərbaycan Ordusunun 100 illiyi (1918-2018)" yubiley medalı 3-cü dərəcəli "Vətənə xidmətə görə" ordeni — 2020 "Vətən uğrunda" medalı — 2020

Şöhrət Qasımov (tam adı: Şöhrət Şakir oğlu Qasımov; 16 avqust 1992; Gədəbəy rayonu, Azərbaycan29 sentyabr 2020; Suqovuşan, Tərtər rayonu, Azərbaycan) — Azərbaycan Silahlı Qüvvələrinin baş leytenantı, Tibb xidməti rəisi, Vətən müharibəsinin Şəhidi. O, həmçinin, Vətən müharibəsində Şəhid olan ilk hərbi həkimimizdir.

Həyatı və hərbi xidməti[redaktə | əsas redaktə]

Şöhrət Qasımov 16 avqust 1992-ci ildə Gədəbəy rayonunda dünyaya göz açmışdır.[1] İlk təhsilini 1998-ci ildə Sumqayıt şəhəri 18 saylı tam orta məktəbdə alan Şöhrət 2009-cu ildə Sumqayıt şəhərində yerləşən Cəbrayıl rayonu 5 saylı orta məktəbi bitirmişdir. Həmin il yüksək balla Azərbaycan Tibb Universitetinin (ATU) hərbi tibb fakültəsinə qəbul olmuşdur. Universiteti müvəffəqiyyətlə bitirdikdən sonra Müdafiə Nazirliyinin Yevlax rayonunda yerləşən N saylı hərbi hissəsində xidmətə başlamışdır. 3 ay sonra Tərtər rayonunun ön xətdə yerləşən hərbi hissəsində xidmətini davam etdirmişdir. Hərbi tibb qulluqçusu olmuş və qısa zamanda tibb xidməti baş leytenantı rütbəsinə yüksəlmişdir.

Tibb xidməti leytenantı Şöhrət Qasımov 2016-cı ildə Aprel döyüşlərində də iştirak etmişdir. Bundan 2 il sonra, 2018-ci ildə Şöhrət Qasımova baş leytenant rütbəsi verilmişdir. Qısa zamanda tibb xidməti rəisi vəzifəsinə təyin olunub. Xidməti dövründə nümunəvi zabit və savadlı həkim kimi hər kəsin rəğbətini qazanmışdır. Hərbi xidməti dövründə bir çox fəxri fərmanlar və təşəkkürnamələr ilə təltif edilmişdir.

Vətən müharibəsi[redaktə | əsas redaktə]

Şöhrət Qasımov1.jpg

Tibb xidməti rəisi, baş leytenant Şöhrət Qasımov da 27 sentyabr 2020-ci ildən başlayan İkinci Qarabağ müharibəsindəki hərbi əməliyyatlarda iştirak edən hərbi həkimlərimizdən biri olur. 2 gün içərisində bir çox mühüm tapşırıqları icra edir və neytral zonada da, döyüş bölgəsində də qalan yaralılarımızı və Şəhidlərimizi çıxarda bilir. Sonuncu dəfə, 29 sentyabr 2020-ci ildə, Tərtər rayonunun Suqovuşan kəndi istiqamətində gedən döyüşlərdə böyük şücaət göstərərək 3 çətin tapşırığın öhdəsindən gəlir. Yaralıları döyüş bölgəsindən çıxaran zaman düşmən tankı ilə üz-üzə gəlir və üzərində olan xidməti silahla onunla mübarizə aparır, sona qədər vuruşur. Həmin vaxt da zirehli maşında olan 4 nəfəri xilas edir. Həmin gün hərbi həkim baş leytenant Şöhrət Qasımov şəhid olur. DNT analizi ilə Şöhrət Qasımovun nəşi aşkar olunur. 9 oktyabr 2020-ci ildə Sumqayıt Şəhidlər Xiyabanında dəfn olunmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Şöhrət Qasımov ölümündən sonra "Vətən uğrunda" medalı ilə təltif edildi.[2]

Azərbaycanın ərazi bütövlüyünün bərpa edilməsi zamanı döyüş əməliyyatlarının rəhbəri olan, düşmənin canlı qüvvəsinin və döyüş texnikasının məhv edilməsində rəşadət göstərən, vəzifə borcunu ləqayətlə və vicdanla yerinə yetirdiyinə görə Azərbaycan Prezidenti İlham Əliyevin 15.12.2020-ci il tarixli Sərəncamına əsasən Şöhrət Qasımov ölümündən sonra 3-cü dərəcəli "Vətənə xidmətə görə" ordeni ilə təltif edildi.[3]

Təltifləri[redaktə | əsas redaktə]

Ailəsi[redaktə | əsas redaktə]

2016-cı ildə Türkan Qasımzadə ilə ailə həyatı qurub. Murad və İlayda adlı 2 övladı var.

İstinadlar[redaktə | əsas redaktə]

  1. "Vətən müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycanın Müdafiə Nazirliyi)(azərb.)). 08.12.2020. İstifadə tarixi: 08.12.2020.
  2. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  3. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  4. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-17 tarixində arxivləşdirilib. İstifadə tarixi: 15.12.2020.
  5. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-17 tarixində arxivləşdirilib. İstifadə tarixi: 15.12.2020.