Nəcməddin Bədirov

Vikipediya, azad ensiklopediya
Jump to navigation Jump to search
Nəcməddin Bədirov
Nəcməddin Nurəddin oğlu Bədirov
Nəcməddin Bədirov.jpg
Şəxsi məlumatlar
Doğum tarixi
Doğum yeri Düz Qırıqlı, Tovuz rayonu, Azərbaycan
Vəfat tarixi (18 yaşında)
Vəfat yeri Qaraxanbəyli, Füzuli rayonu, Azərbaycan
Vətəndaşlığı Azərbaycan Azərbaycan
Atası Nurəddin Bədirov
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2019-2020
Rütbə
Azərbaycan Silahlı Qüvvələrinin Quru Qoşunlarının əsgəri.png Əsgər
Döyüşlər Vətən müharibəsi
 • Füzuli döyüşləri
Təltifləri "Vətən uğrunda" medalı — 2020

Nəcməddin Bədirov (tam adı: Nəcməddin Nurəddin oğlu Bədirov; 8 noyabr 2001; Düz Qırıqlı, Tovuz rayonu, Azərbaycan10 oktyabr 2020; Qaraxanbəyli, Füzuli rayonu, Azərbaycan) — Azərbaycan Silahlı Qüvvələrinin əsgəri, Vətən müharibəsinin Şəhidi.

Həyatı və hərbi xidməti[redaktə | əsas redaktə]

Nəcməddin Bədirov 8 noyabr 2001-ci ildə Tovuz rayonunun Düz Qırıqlı kəndində anadan olmuşdur.[1]

2007-ci ildə ilk təhsilini Tovuz rayonu Düz Qırıqlı kənd tam orta məktəbində alan Nəcməddin 2018-ci ildə müvəffəqiyyətlə həmin məktəbi bitirmişdir. Nəcməddin 2019-cu ilin yanvarında həqiqi hərbi xidmətə yollanmışdır. Əvvəlcə, Ağcabədi rayonundakı N saylı hərbi hissədə xidmətini davam etdirən Nəcməddin andiçmə mərasimindən sonra Beyləqandakı N saylı hərbi hissədə xidmət etmişdir.

Hərbi xidmət müddətində nümunəvi əsgər olduğuna görə, 3 tərifnamə almışdır.

Vətən Müharibəsi və şəhidliyi[redaktə | əsas redaktə]

Əsgər Nəcməddin Bədirov 27 sentyabr 2020-ci ildən başlayan Vətən Müharibəsinin ilk günündən əsgər yoldaşları ilə birgə döyüşlərə atılmış, bir çox hərbi əməliyyatlarda, xüsusilə də, Füzuli əməliyyatında döyüş tapşırıqlarını müvəffəqiyyətlə yerinə yetirmişdir.

Ailəsi ilə sonuncu dəfə 28 sentyabrda danışan Nəcməddinə ailəsi 30 sentyabrda bir daha zəng vurmuş, lakin, Nəcməddinlə əlaqə saxlaya bilməmişdilər.

Əsgər Nəcməddin Bədirov 10 oktyabr 2020-ci ildə Füzuli rayonunun Qaraxanbəyli kəndi istiqamətində gedən döyüşlərdə döyüş tapşırığını yerinə yetirən zaman 18 yaşında şəhid olmuşdur.

Nəcməddinlə əlaqə kəsildikdən sonra, itkin kimi bir müddət axtarıldı. 23 noyabrda Şəhid olduğu xəbəri təsdiqlənən Nəcməddin Bədirovun nəşi 24 noyabr 2020-ci ildə doğulduğu Düz Qırıqlı kəndinin qəbiristanlığında dəfn edilmişdir.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Nəcməddin Bədirov ölümündən sonra "Vətən uğrunda" medalı ilə təltif edildi.[2]

Təltifləri[redaktə | əsas redaktə]

AZ For The Fatherland medal ribbon (2nd version).png (15.12.2020) — "Vətən uğrunda" medalı (ölümündən sonra)

İstinadlar[redaktə | əsas redaktə]

  1. "Vətən müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycanın Müdafiə Nazirliyi)(azərb.)). 08.12.2020. 2020-12-08 tarixində arxivləşdirilib (PDF). İstifadə tarixi: 08.12.2020.
  2. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.