Nurlan Qurbanlı

Nurlan Qurbanlı
Şəxsi məlumatlar
Doğum tarixi	27 sentyabr 2001
Doğum yeri	Xırdalan şəhəri, Azərbaycan
Vəfat tarixi	5 oktyabr 2020 (19 yaşında)
Vəfat yeri	Cəbrayıl rayonu, Azərbaycan
Dəfn yeri	Şamaxı Şəhidlər Xiyabanı
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Xüsusi Təyinatlı Qüvvələr
Xidmət illəri	2019-2020
Rütbə	Əsgər
Döyüşlər	Vətən müharibəsi  • Cəbrayıl döyüşləri
Təltifləri

Nurlan Süleyman oğlu Qurbanlı (27 sentyabr 2001; Xırdalan şəhəri, Azərbaycan — 5 oktyabr 2020; Cəbrayıl rayonu, Azərbaycan) — Azərbaycan Silahlı Qüvvələrinin əsgəri, Vətən müharibəsi şəhidi.

Həyatı

Nurlan Qurbanlı 2001-ci il sentyabrın 27-də Xırdalan şəhərində anadan olmuşdur. 2007-2018-ci illərdə Abşeron rayonu Nübar qəsəbəsində yerləşən Xanlıq kənd 3 saylı tam orta məktəbdə təhsil almış, ardınca təhsilini Dəniz Nəqliyyatı, Gəmiqayırma və Liman İşləri üzrə Bakı Dövlət Peşə Təhsil Mərkəzində davam etdirmişdir. Kollecdən “Gəmi mexanizmlərinin təmiri üzrə çilingər” ixtisası üzrə məzun olmuşdur.

Nişanlı idi.

Hərbi xidməti

Nurlan Qurbanlı 2019-cu ildə müddətli həqiqi hərbi xidmətə çağrılmış və Azərbaycan Silahlı Qüvvələrinin Cəlilabad rayonunda yerləşən “N” saylı hərbi hissəsində xidmət etmişdir.

İkinci Qarabağ müharibəsində iştirakı

Azərbaycan Silahlı Qüvvələrinin əsgəri olan Nurlan Qurbanlı 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın azadlığı uğrunda gedən döyüşlərdə iştirak edib. Nurlan Qurbanlı oktyabrın 5-də Cəbrayıl döyüşləri zamanı qəhrəmancasına həlak olmuşdur.

Şəhid Şamaxı Şəhidlər Xiyabanında torpağa tapşırılıb.

Təltifləri

• (15.12.2020) — "Vətən uğrunda" medalı (ölümündən sonra)
• (18.12.2020) — "Cəsur döyüşçü" medalı (ölümündən sonra)

Xarici keçidlər

• Youtube-da bax: Xüsusi təyinatlı şəhid Nurlan Qurbanlı