Tural Dəmirçiyev

Tural Dəmirçiyev
Şəxsi məlumatlar
Doğum tarixi	1 oktyabr 1992(1992-10-01)
Doğum yeri	Bakı, Azərbaycan
Vəfat tarixi	5 oktyabr 2020(2020-10-05) (28 yaşında)
Vəfat yeri	Füzuli rayonu, Azərbaycan
Dəfn yeri	Bakı
Vətəndaşlığı	Azərbaycan
Hərbi fəaliyyəti
Rütbə	əsgər
Təltifləri

Tural Rəfail oğlu Dəmirçiyev (1 oktyabr 1992, Bakı – 5 oktyabr 2020, Füzuli rayonu) — Vətən müharibəsi şəhidi.

Həyatı

Tural Dəmirçiyev 1992-ci il oktyabrın 1-də Bakı şəhərində anadan olmuşdur. 1999-cu il Sabunçu rayonu Yeni Ramana qəsəbəsi Rixard Zorge adına 90 saylı orta məktəbin 1-ci sinifinə qədəm qoymuşdur. Orta məktəbi əla qiymətlərlə bitirdikdən sonra 2010-cu ildə "Azərbaycan Dövlət Pedaqoji Universitetinin" "Menecment" fakültəsinə qəbul olmuşdur. Universiteti bitirdikdən sonra Tərtər rayonu "N2 saylı hərbi hissədə xidmət etmişdir. Tural Tərtər rayonunda ön cəbhədə xidmətini layiqincə yerinə yetirmiş 2015-ci ildə tərxis olunmuşdur. Daha sonra 2017-ci ildə "SOCAR"-ın "Təhlükəsizlik idarəsinin" mühafizəçisi vəzifəsində çalışmağa başlamışdır.

Hərbi xidməti

Tural sentyabrın 21-də könüllü olaraq hərbi səfərbərliyə cəlb olunan hərbçilərimizdən biri idi. 2-ci Qarabağ savaşının ilk günündən torpaqlarımızın işğaldan azad edilməsi uğrunda gedən qızğın döyüşlərin iştirakçısı olub. Oktyabrın 1-də 28 yaşını döyüş bölgəsində qarşılayan Tural cəsarəti və mərdliyi ilə əsgər yoldaşlarının hörmətini qazanmışdı.

5 oktyabr 2020-ci ildə Füzuli rayonu istiqamətində əks-hücum əməliyyatında qəhrəmanlıq göstərən Tural Dəmirçiyev qəlpə yarası alaraq Şəhidlik zirvəsinə yüksəlir.

Təltifləri

Ölümündən sonra Azərbaycan Respublikası Ali Baş Komandanı İlham Əliyevin Fərmanına əsasən "Vətən uğrunda" "Füzulinin azad olunması uğrunda" medalları ilə təltif olunmuşdur.