İlqar Baxışov

İlqar Baxışov
Şəxsi məlumatlar
Doğum tarixi	21 noyabr 2000
Doğum yeri	Horadiz, Azərbaycan
Vəfat tarixi	15 oktyabr 2020 (19 yaşında)
Vəfat yeri	Suqovuşan, Tərtər rayonu, Azərbaycan
Dəfn yeri	Horadiz, Azərbaycan
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Silahlı Qüvvələri
Qoşun növü	Quru Qoşunları
Xidmət illəri	2020
Rütbə	Əsgər
Döyüşlər	Vətən müharibəsi  • Suqovuşan döyüşləri
Təltifləri

İlqar Adışirin oğlu Baxışov (21 noyabr 2000; Horadiz, Azərbaycan – 15 oktyabr 2020; Suqovuşan, Azərbaycan) — Azərbaycan Silahlı Qüvvələrinin əsgəri, Vətən müharibəsi şəhidi.

Həyatı

İlqar Baxışov 21 noyabr 2000-ci ildə Horadiz şəhərində anadan olmuşdur. 2007-ci ildə Horadiz şəhəri 2 nömrəli tam orta məktəbin 1-ci sinifə getmişdir. 2018-ci ildə həmin məktəbin 11-ci sinifini bitirmişdir. İlqar davanışı ilə, hərəkətləri ilə yoldaşlarına nümunə olmuşdur.

Hərbi xidməti

2019-cu ilin iyul ayında Səfərbərlik və Hərbi Xidmətə Çağırış üzrə Dövlət Xidməti tərəfindən həqiqi hərbi xidmətə çağırılmışdır. Hərbi xidmətini Tərtər rayonunda aparmışdır və rayonun Suqovuşan kəndinin işğalçılardan azad olunması zamanı 15.10.2020-ci il tarixdə şəhid olmuşdur. Horadiz şəhər qəbiristanlığında dəfn edilmişdir.

Azərbaycanın ərazi bütövlüyünün bərpa edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən İlqar Baxışov ölümündən sonra "Vətən uğrunda" medalı ilə təltif edildi.

Təltifləri

• (15.12.2020) — "Vətən uğrunda" medalı (ölümündən sonra)

AZ For Heroism Medal ribbon (2nd version)

(24.06.2021)"İgidliyə görə" medalı