Emin Alməmmədov

Vikipediya, azad ensiklopediya
Jump to navigation Jump to search
Emin Alməmmədov
Şəxsi məlumatlar
Doğum tarixi
Doğum yeri Şəmkir, Azərbaycan SSR
Vəfat tarixi (31 yaşında)
Vəfat yeri Kəlbəcər rayonu, Azərbaycan
Dəfn yeri Şəmkir, Azərbaycan
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2020
Rütbə
OR-8 AZE ARMY.svg Gizir
Döyüşlər Vətən müharibəsi
 • Murovdağ döyüşləri
Təltifləri "Vətən uğrunda" medalı — 2020 "Kəlbəcərin azad olunmasına görə" medalı "Hərbi xidmətlərə görə" medalı — 2020

Emin Akif oğlu Alməmmədov (27 fevral 1989; Şəmkir, Azərbaycan SSR29 sentyabr 2020; Kəlbəcər rayonu, Azərbaycan) — Azərbaycan Silahlı Qüvvələrinin giziri, Vətən müharibəsinin şəhidi.

Həyatı[redaktə | əsas redaktə]

Emin Alməmmədov 1989-cu il fevralın 27-də Şəmkir şəhərində anadan olub.[1] 1996-cı il tarixində Cahangir Rüstəmov adına tam orta məktəbə daxil olub. 16 sentyabr 2012-ci il tarixində ailə həyatı qurub, 2 övladı var. Atası - Alməmmədov Akif Kamil oğlu, 01 avqust 1962-ci il tarixində Gədəbəy rayon Yeni Günəşli kəndində anadan olun. Hərbiçi kimi xidmət göstərib. 2006-cı ildə vəfat edib. Anası - Alməmmədova Xədicə İbrahim qızı, 3 avqust 1959-cu il tarixində Gədəbəy rayon Nəriman kəndində anadan olub. Evdar qadındır. Qardaşı - Alməmmədov Etibar Akif oğlu, 03 iyul 1990-cı il tarixində Şəmkir rayonunda anadan olub. İşləmir. Həyat yoldaşı - Alməmmədova Mələk Mahir qızı, 26 may 1991-ci il tarixində Şəmkir şəhərində anadan olub. Evdar qadındır. Oğlu - Alməmmədov Əbəlfəz Emin oğlu, 07 oktyabr 2014-cü il tarixində Şəmkir rayon Dəllər-Cəyir kəndində anadan olub. Məktəblidir. Qızı - Alməmmədova Xədicə Emin qızı, 03 mart 2017-ci il tarixində Şəmkir rayon Dəllər-Cəyir kəndində anadan olub.

Hərbi xidməti[redaktə | əsas redaktə]

2014-cü ildə Şəmkir şəhərində N saylı hərbi hissəyə MAHHXHQ kimi işə qəbul olub. Sonra göstərdiyi xidmətlərinə görə çavuş rütbəsinə layiq görülüb. 03.10.2018-ci il tarixində Azərbaycan Respublikası Silahlı Qüvvələrinin təlim və tədris Mərkəzində 30.11.2018-ci il tarixinədək gizir rütbəsi ilə fəaliyyət göstərmiş və idarəetmə maşın heyəti rəisi ixtisası kursunu bitirmişdir. O, həm də “Ən yaxşı top komandiri” adı uğrunda keçirilən yarışlarda yüksək nəticələr göstərib və fəxri fərmanla təltif olunub. Gizir Alməmmədov Emin Akif oğlu 2014-cü ildən Şəmkir, Tovuz, Goranboy, Ağstafa və Daşkəsən rayon hərbi hissələrində xidmət edib və 2016-cı ildə Aprel döyüşlərinin də iştirakçısı olub. Azərbaycan Ordusunun giziri olan Emin Alməmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Murovdağ istiqamətində gedən döyüşlərdə savaşıb. Emin Alməmmədov sentyabrın 29-da Murovdağ döyüşləri zamanı şəhid olub. Şəmkir şəhərində dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Emin Alməmmədov ölümündən sonra "Vətən uğrunda" medalı ilə təltif edildi.[2]

Azərbaycanın Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Emin Alməmmədov ölümündən sonra "Kəlbəcərin azad olunmasına görə" medalı ilə təltif edildi.[3]

Azərbaycan ərazilərinin işğaldan azad olunması zamanı döyüş tapşırıqlarını və xidməti vəzifələrini yerinə yetirən zaman fərqləndiyinə görə Azərbaycan Prezidenti İlham Əliyevin 30.12.2020-ci il tarixli Sərəncamına əsasən Emin Alməmmədov ölümündən sonra "Hərbi xidmətlərə görə" medalı ilə təltif edildi.[4]

Təltifləri[redaktə | əsas redaktə]

İstinadlar[redaktə | əsas redaktə]

  1. Müdafiə Nazirliyi (22.01.2021). "Vətən müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Müdafiə Nazirliyinin rəsmi saytı) (azərb.). 2021-01-22 tarixində arxivləşdirilib (PDF). İstifadə tarixi: 22.01.2021.
  2. Azərbaycan Prezidentinin saytı (15.12.2020). "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az(azərb.)). 2020-12-15 tarixində arxivləşdirilib. İstifadə tarixi: 15.12.2020.
  3. Azərbaycan Prezidentinin saytı (29.12.2020). "Azərbaycan Silahlı Qüvvələrinin hərbi qulluqçularının "Kəlbəcərin azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.president.az(azərb.)). 2020-12-29 tarixində arxivləşdirilib. İstifadə tarixi: 29.12.2020.
  4. Azərbaycan Prezidentinin saytı (30.12.2020). "Azərbaycan Silahlı Qüvvələrinin hərbi qulluqçularının "Hərbi xidmətlərə görə" medalı ilə təltif edilməsi haqqında Azərbaycan Prezidentinin 30.12.2020-ci il tarixli Sərəncamı". www.president.az(azərb.)). 2020-12-30 tarixində arxivləşdirilib. İstifadə tarixi: 30.12.2020.
  5. Normativ hüquqi sənədlərin vahid internet bazası (15.12.2020). "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az(azərb.)). 2020-12-15 tarixində arxivləşdirilib. İstifadə tarixi: 15.12.2020.
  6. Normativ hüquqi sənədlərin vahid internet bazası (29.12.2020). "Azərbaycan Silahlı Qüvvələrinin hərbi qulluqçularının "Kəlbəcərin azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.e-qanun.az(azərb.)). 2021-12-29 tarixində arxivləşdirilib. İstifadə tarixi: 29.12.2020.
  7. Normativ hüquqi sənədlərin vahid internet bazası (30.12.2020). "Azərbaycan Silahlı Qüvvələrinin hərbi qulluqçularının "Hərbi xidmətlərə görə" medalı ilə təltif edilməsi haqqında Azərbaycan Prezidentinin 30.12.2020-ci il tarixli Sərəncamı". www.e-qanun.az(azərb.)). 2021-12-30 tarixində arxivləşdirilib. İstifadə tarixi: 30.12.2020.