Anar Məmmədzadə

Anar Məmmədzadə
Şəxsi məlumatlar
Doğum tarixi	3 avqust 1999
Doğum yeri	Zərdab rayonu,Azərbaycan
Vəfat tarixi	8 oktyabr 2020 (21 yaşında)
Vəfat yeri	Füzuli rayonu, Azərbaycan
Dəfn yeri	Gəlmə, Zərdab rayonu, Azərbaycan
Vətəndaşlığı	Azərbaycan
Milliyyəti	azərbaycanlı
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2020
Rütbə	Əsgər
Döyüşlər	Vətən müharibəsi  • Füzuli döyüşləri  • Cəbrayıl döyüşləri
Təltifləri

Anar Nazim oğlu Məmmədzadə (3 avqust 1999, Zərdab rayonu – 8 oktyabr 2020, Füzuli rayonu) — Azərbaycan Silahlı Qüvvələrinin əsgəri, Vətən müharibəsi şəhidi.

Həyatı

Anar Məmmədzadə 1999-cu il avqustun 3-də Zərdab rayonunda anadan olub.

2005-2016-cı illərdə Zərdab rayon 1 saylı məktəb-liseyində təhsil alıb.

2016-2019-cu illərdə Azərbaycan Texniki Universitetində (AzTU) təhsil alıb. 2019-cu ildə təhsilini müvəqqəti olaraq dondurub. Subay idi.

Hərbi fəaliyyəti

Anar Məmmədzadə 2020-ci ildə müddətli həqiqi hərbi xidmətə çağırılıb.

Vətən müharibəsinə qədər Azərbaycan Silahlı Qüvvələrinin Bakı şəhərində yerləşən “N” saylı hərbi hissəsində xidmət edib.

Vətən müharibəsi

Azərbaycan Ordusunun əsgəri olan Anar Məmmədzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsinə qoşulub.

Vətən müharibəsi zamanı Füzuli və Cəbrayıl istiqamətində gedən döyüşlərdə iştirak edib.

Anar Məmmədzadə oktyabrın 8-də Füzuli döyüşlərində şəhid olub.

Noyabrın 19-da Zərdab rayonunun Gəlmə kəndində torpağa tapşırılıb.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Anar Məmmədzadə ölümündən sonra "Vətən uğrunda" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Anar Məmmədzadə ölümündən sonra "Füzulinin azad olunmasına görə" medalı ilə təltif edildi.

Təltifləri

• (15.12.2020) — "Vətən uğrunda" medalı (ölümündən sonra)
• (25.12.2020) — "Füzulinin azad olunmasına görə" medalı (ölümündən sonra)