Vüsal Nağıyev

Vüsal Nağıyev
Şəxsi məlumatlar
Doğum tarixi	5 mart 1990
Doğum yeri	Buzluq, Goranboy rayonu, Azərbaycan SSR
Vəfat tarixi	30 oktyabr 2020 (30 yaşında)
Vəfat yeri	Murovdağ, Azərbaycan
Dəfn yeri	Balakürd
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2008-2020
Rütbə	Gizir
Döyüşlər	Vətən müharibəsi  • Murovdağ döyüşləri  • Suqovuşan-Talış döyüşləri
Təltifləri

Vüsal Əmirastan oğlu Nağıyev (5 mart 1990; Başqışlaq(Buzluq) Goranboy rayonu, Azərbaycan SSR — 30 oktyabr 2020; Murovdağ, Azərbaycan) — Azərbaycan Silahlı Qüvvələrinin giziri, Vətən müharibəsi şəhidi.

Həyatı

Vüsal Nağıyev 1990-cı il martın 5-də Goranboy rayonunun Buzluq kəndində anadan olub. 1996-cı ildə S.Pirəliyev adına Buzluq kənd tam orta məktəbinə gedib.

Ailəli idi. Ayxan və Əmirxan adında 2 oğul övladı yadigar qaldı.

Hərbi xidməti

2008-ci ildə həqiqi hərbi xidmətə getmişdir. 5 may 2009-cu ilədək Qazax rayonunda müddətli həqiqi hərbi xidmət keçib.

2009-cu ildə Silahlı Qüvvələrin Təlim və Tədris Mərkəzinin "MAHHXHQ hazırlığı", 2018-ci ildə "Gizir hazırlığı" kurslarını bitirib.

Silahlı Qüvvələrin Baş Qərargah rəisinin 8 dekabr 2018-ci il tarixli əmri ilə "gizir" hərbi rütbəsi verilib.

2020-ci il sentyabrın 27-də başlayan 2-ci Qarabağ müharibəsi zamanı Talış kənd, Suqovuşan, Murovdağ döyüşlərində iştirak etmişdir. Oktyabrın 30-u Murovdağ yüksəkliyində yaralıları çıxartmağa çalışarkən düşmənin atdığı artilleriya mərmisi nəticəsində şəhid olmuşdur. Oktyabrın 31-i Goranboy rayonunun Balakürd kənd Şəhidlər Xiyabanında dəfn edilib.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Vüsal Nağıyev ölümündən sonra "Vətən uğrunda" medalı ilə təltif edildi.

Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyev 24.06.2021-ci il tarixli Sərancamına əsasən Vüsal Nağıyev ölümündən sonra "Suqovuşanın azad olunmasına görə" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 24.06.2021-ci il tarixli Sərancamına əsasən Vüsal Nağıyev ölümündən sonra "Cəsur döyüşcü" medalı ilə təltif edildi.

Təltifləri

• (24.06.2013)- "Azərbaycan Respublikası Silahlı Qüvvələrinin 95 illiyi (1918–2013)" yubiley medalı (ölümündə öncə)

• (26.06.2019)-"Qüsursuz xidmətə görə" medalı (ölümündən öncə)

• (15.12.2020) — "Vətən uğrunda" medalı (ölümündən sonra)
• (24.06.2021)- "Suqovuşanın azad olunmasına görə" medalı (ölümündən sonra)
• (24.06.2021)- ""Cəsur döyüşçü" medalı" medalı (ölümündən sonra)