Saməddin Əmrahov

Saməddin Əmrahov
Şəxsi məlumatlar
Doğum tarixi	2 oktyabr 1978(1978-10-02)
Doğum yeri	Kəlbəcər rayonu, Azərbaycan SSR, SSRİ
Vəfat tarixi	4 oktyabr 2020(2020-10-04) (42 yaşında)
Vəfat yeri	Murovdağ, Kəlbəcər rayonu, Azərbaycan
Dəfn yeri	Calut
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	1996—2020
Rütbə	Əsgər
Döyüşlər	Vətən müharibəsi  • Murovdağ döyüşləri
Təltifləri

Saməddin Şamil oğlu Əmrahov (2 oktyabr 1978(1978-10-02), Kəlbəcər rayonu – 4 oktyabr 2020(2020-10-04), Murovdağ, Kəlbəcər rayonu) — Azərbaycan Silahlı Qüvvələrinin müddətdən artıq xidmət edən hərbi qulluqçusu, 2-ci Qarabağ müharibəsinin şəhidi.

Həyatı

Saməddin Əmrahov 2 oktyabr 1978-ci ildə Kəlbəcər rayonunda anadan olub. 1985-ci ildə Kəlbəcərdə 3 nömrəli tam orta məktəbin birinci sinfinə getmişdir. Kəlbəcər erməni təcavüzkarları tərəfindən işğal olunduqdan sonra ailəsi Oğuz rayonuna köçmüş, rayonun Calut kəndində məskunlaşmışdır. Elə buna görə də Saməddin Əmrahov daha sonra təhsilini Calut kənd məktəbində davam etdirmiş, 1996-cı ildə məktəbi bitirmişdir. Ailəli idi, Aysu və Şamil adlı övladları yadigar qaldı.

Hərbi xidməti

Saməddin Əmrahov 1996-cı ildə Azərbaycan Silahlı Qüvvələrində müddətli həqiqi hərbi xidmət keçmişdir. Əsgəri xidmətini bitirdikdən sonra Azərbaycan Ordusunda müddətdən artıq xidmət edən hərbi qulluqçusu kimi xidmətinə davam etmişdir.

İkinci Qarabağ müharibəsində iştirakı

Azərbaycan Silahlı Qüvvələrinin müddətli həqiqi hərbi xidmət hərbi qulluqçusu olan Saməddin Əmrahov 2020-ci il sentyabrın 27-də Azərbaycan və Ermənistan arasında başlanan 2-ci Qarabağ müharibəsi zamanı Murovdağ döyüşlərində savaşıb. Saməddin Əmrahov oktyabrın 4-də Murovdağ döyüşlərində qəhrəmancasına vuruşaraq şəhid olmuşdur. Saməddin Əmrahov oktyabrın 4-də Oğuz rayonunun Calut kəndində dəfn olunmuşdur.

Azərbaycanın ərazi bütövlüyünün bərpa edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Saməddin Əmrahov ölümündən sonra "Vətən uğrunda" medalı ilə təltif edildi.

Azərbaycanın Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Saməddin Əmrahov ölümündən sonra "Kəlbəcərin azad olunmasına görə" medalı ilə təltif edildi.

Təltif və mükafatları

• (15.12.2020) — "Vətən uğrunda" medalı (ölümündən sonra)
• (29.12.2020) — "Kəlbəcərin azad olunmasına görə" medalı (ölümündən sonra)