Əli Kərimov (nazir)

Vikipediya, azad ensiklopediya
(Əli Kərimov (siyasətçi) səhifəsindən istiqamətləndirilmişdir)
Jump to navigation Jump to search
Əli Kərimov
Əli Kərimov (siyasətçi).png
bayraqAzərbaycan SSR Dövlət Əmək və Sosial Məsələlər Komitəsinin sədribayraq
13 oktyabr 1987 — 22 may 1991[a]
Sələfi komitənin adı dəyişdirilib
Xələfi Svetlana Qasımova
bayraqAzərbaycan SSR Dövlət Əmək Komitəsinin sədribayraq
20 dekabr 1980 — 13 oktyabr 1987
Sələfi Ziya Kurmakayev
Xələfi komitənin adı dəyişdirilib
bayraqAzərbaycan Kommunist Partiyası Bakı Şəhər Komitəsinin birinci katibibayraq
1970 — 1980
Sələfi Abdulla Qədirov
Xələfi Vaqif Hüseynov
bayraqAzərbaycan SSR Xalq Nəzarəti Komitəsinin sədribayraq
22 dekabr 1965 — 7 may 1970
Sələfi komitə təsis edilib
Xələfi Hacıbaba Əfəndiyev
bayraqAzərbaycan KP MK və Azərbaycan SSR Nazirlər Soveti Partiya-Dövlət Nəzarəti Komissiyasının sədribayraq
27 dekabr 1962 — 22 dekabr 1965
Sələfi komitə təsis edilib
Xələfi komitə ləğv edilib
bayraqAzərbaycan SSR Nazirlər Soveti sədrinin müavinibayraq
4 fevral 1960 — 22 dekabr 1965
Sədrlər Məmməd İsgəndərov
Ənvər Əlixanov
bayraqAzərbaycan SSR daxili işlər naziribayraq
13 avqust 1956 — 4 fevral 1960
Sələfi Andrey Bulıqa
Xələfi Xəlil Məmmədov
bayraqAzərbaycan Lenin Kommunist Gənclər İttifaqı Mərkəzi Komitəsinin birinci katibibayraq
1947 — 1952
Xələfi Nazim Hacıyev
Şəxsi məlumatlar
Doğum tarixi 20 sentyabr 1919(1919-09-20)
Doğum yeri
Vəfat tarixi 5 iyun 2000(2000-06-05) (80 yaşında)
Partiya
Təhsili

Təltifləri "Lenin" ordeni "Lenin" ordeni "Oktyabr inqilabı" ordeni "Qırmızı əmək bayrağı" ordeni “Əmək igidliyinə görə” medalı

Əli Həbib oğlu Kərimov (20 sentyabr 1919, Bakı5 iyun 2000) — Azərbaycan dövlət xadimi, Azərbaycan SSR daxili işlər naziri (1956–1960), Azərbaycan SSR Nazirlər Soveti sədrinin müavini (1960–1965), Azərbaycan SSR Partiya-Dövlət Nəzarəti Komissiyasının (1962–1965) və Xalq Nəzarəti Komitəsinin sədri (1965–1970), Azərbaycan Kommunist Partiyası Bakı Şəhər Komitəsinin birinci katibi (1970–1980), Azərbaycan SSR Dövlət Əmək Komitəsinin (1980–1987) və Dövlət Əmək və Sosial Məsələlər Komitəsinin sədri (1987–1991), Azərbaycan Respublikası xalq deputatları seçkiləri üzrə Mərkəzi seçki komissiyasının sədri (1992-ci ilədək).

Həyatı[redaktə | mənbəni redaktə et]

Əli Həbib oğlu Kərimov 1919-cu ildə Bakıda, qulluqçu ailəsində anadan olmuşdur. 1937-ci ildə orta məktəbi bitirdikdən sonra Azərbaycan Sənaye İnstitutunun neft mexanikası fakültəsində oxumuşdur. Təhsil aldığı illərdə fakültə, sonra isə institut komsomol təşkilatının katibi olmuşdur.[1] 1942-ci ildə institutu bitirmiş[2] və sonralar qiyabi olaraq ÜİK(b)P Mərkəzi Komitəsi yanında Ali Partiya Məktəbində[ru] təhsil almışdır.[3]

1942-ci ildən Əli Kərimov Dzerjinski adına zavodda yoxlayıcı usta, bir qədər sonra isə nəzarət şöbəsi rəisinin müavini vəzifəsində işləmişdir. O, eyni zamanda zavod komsomol təşkilatına rəhbərlik etmişdir.[1] Bundan sonra o, komsomol işinə daha yaxından cəlb olunmuş və 1943-cü ildə Orconikidze (hazırkı Suraxanı) rayonunun komsomol komitəsinin katibi seçilmişdir. 1944–1945-ci illərdə isə Bakı komsomol komitəsinin katibi, 1945–1947-ci illərdə isə birinci katibi vəzifələrində çalışmışdır.[2] 1947-ci ilin oktyabr ayında Azərbaycan Lenin Kommunist Gənclər İttifaqı Mərkəzi Komitəsinin birinci katibi seçilmişdir. Sovet nümayəndə heyəti tərkibində Ümumdünya Gənclər Federasiyasının Budapeştdə keçirilmiş konqresinin işlərində iştirak etmişdir.[1]

Əli Kərimov 1952–1956-cı illərdə Azərbaycan Kommunist Partiyası Mərkəzi Komitəsində şöbə müdiri olmuşdur.[4] 1956–1960-cı ildə Azərbaycan SSR daxili işlər naziri, 1960–1965-ci illərdə isə Azərbaycan SSR Nazirlər Soveti sədrinin müavini vəzifələrində işləmişdir. Həmin dövrdə, 1962–1965-ci illərdə paralel olaraq Azərbaycan KP MK və Azərbaycan SSR Nazirlər Soveti Partiya-Dövlət Nəzarəti Komissiyasının sədri və Azərbaycan KP MK katibi olmuş, 1965–1970-ci illərdə Azərbaycan SSR Xalq Nəzarəti Komitəsinin sədri vəzifəsində çalışmışdır.[5]

Əli Kərimov 1970-ci ildə Azərbaycan Kommunist Partiyası Bakı Şəhər Komitəsinin birinci katibi təyin edilmiş və bu vəzifədə 1980-ci ilədək işləmişdir. 1980-ci ildən isə Azərbaycan SSR Dövlət Əmək Komitəsinin sədri olmuşdur.[6]

Əli Kərimov 1943-cü ildə ÜİK(b)P (Sov.İKP) üzvlüyünə qəbul edilmişdir. O, 1953–1981-ci illərdə Azərbaycan Kommunist Partiyası Mərkəzi Komitəsinin üzvü, 1962–1966-cı və 1971–1981-ci illərdə Mərkəzi Komitə Siyasi Bürosunun üzvü, 1966–1971-ci illərdə isə Siyasi Büro üzvlüyünə namizəd olmuşdur.[6] 5 çağırış (3, 5, 8–10-cu) SSRİ Ali Sovetinin, 5 çağırış (2, 4–7-ci) Azərbaycan SSR Ali Sovetinin, eləcə də Bakı Şəhər Zəhmətkeş Deputatlar Sovetinin deputatı seçilmişdir.

Əli Kərimov 5 iyun 2000-ci ildə vəfat etmişdir.[7]

Qeydlər[redaktə | mənbəni redaktə et]

  1. 5 fevral – 22 may 1991-ci ildə Azərbaycan Respublikası Dövlət Əmək və Sosial Məsələlər Komitəsinin sədri kimi

İstinadlar[redaktə | mənbəni redaktə et]

  1. 1 2 3 Әли Һәбиб оғлу Кәримов // Альбом плакатов-биографий депутатов Верховного Совета Азербайджанской ССР четвертого созыва. 6 марта 1955 года. Бакы. 1956. С. 76.
  2. 1 2 Kerimov, Ali Gabibogly // Prominent personalities in the USSR (ingilis). Metuchen, New Jersey: Scarecrow Press. 1968. səh. 255–256.
  3. Кәримов Әли Һәбиб оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 163.
  4. Кәримов Әли Һәбиб оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 201.
  5. Kerimov, Ali Gabib ogly // Who's Who in the Socialist Countries (ingilis). New York; München: Saur; Verlag Dokumentation Saur. 1978. səh. 277. ISBN 0-89664-011-6.
  6. 1 2 Kerimov, Ali Gabib ogly // Who's who in the Soviet Union (ingilis). München; New York; London; Paris: Saur. 1984. səh. 148–149. ISBN 3-598-10467-7.
  7. Әли Һәбиб оғлу Кәримов // Azərbaycan. № 126 (2537). 6 iyun 2000-ci il. S. 6.