Nazim Babayev (atlet)

Vikipediya, azad ensiklopediya
Naviqasiyaya keç Axtarışa keç
Vikipediyada bu ad-soyadlı digər şəxslər haqqında da məqalələr var; bax: Nazim Babayev.
Nazim Babayev
Nazim Babayev 2015-ci ildə
Nazim Babayev 2015-ci ildə
Şəxsi məlumatlar
Tam adı Nazim Tahir oğlu Babayev
Ləqəbi Nico
Vətəndaşlığı Azərbaycan Azərbaycan
Doğum tarixi (27 yaş)
Doğum yeri Bakı, Azərbaycan
Boyu 186 sm.
İdman növü Yüngül atletika
Məşqçisi Ziyad Xəlfəyev
Medallar
Vikianbarın loqosu Vikianbarda əlaqəli mediafayllar

Nazim Tahir oğlu Babayev (8 oktyabr 1997[1], Bakı) — Azərbaycanı təmsil edən yüngül atlet.[2]

Həyatı

[redaktə | mənbəni redaktə et]

Nazim Babayev 1997-ci il oktyabrın 8-də Bakı şəhərində anadan olub. 2008-ci ildən idmanla məşğul olur. Məşqçisi Ziyad Xəlfəyevdir.

Karyerası

[redaktə | mənbəni redaktə et]

Nazim Babayev 2013-cü ildə Utrext şəhərində (Niderland) baş tutan Avropa Yeniyetmələrinin Olimpiya Festivalında 15.54 metr nəticə göstərdi və turnirin qızıl medalına sahib oldu.

Daha sonra Nazim Babayev 2014-cü ildə Nancin şəhərində (Çin) baş tutan Yeniyetmələrin II Yay Olimpiya Oyunlarında mübarizə apardı.[2] Oğlanların üçtəkanla tullanma turnirində mübarizə aparan Nazim Babayev isə təsnifat mərhələsində 15.65 metr nəticə göstərdi.[3] Bu nəticəyə əsasən Nazim Babayev mərhələni 17 atlet sırasında 2-ci pillədə başa vurdu və final mərhələsinə vəsiqə qazandı.[3] Bu mərhələdə isə 15.96 metr nəticə göstərən Nazim Babayev, Yeniyetmələrin II Yay Olimpiya Oyunlarının bürünc medalına sahib oldu.[4][5]

Nazim Babayev 2015-ci ilin iyununda Birinci Avropa Oyunlarında mübarizə apardı. Azərbaycan Prezidenti İlham Əliyevin 29 iyun 2015-ci il tarixli Sərəncamına əsasən Birinci Avropa Oyunlarında qazandığı nailiyyətlərə və Azərbaycan idmanında xidmətlərinə görə Nazim Tahir oğlu Babayev Azərbaycan Prezidentinin fəxri diplomu ilə təltif edildi.[6]

Daha sonra Nazim Babayev İsveçdə baş tutan yeniyetmələr arasında Avropa Çempionatında mübarizə apardı və 17.04 metr nəticə göstərdi. Bu nəticələrə əsasən Nazim Babayev turnirin qızıl medalına sahib oldu və 2016-cı ildə baş tutacaq Rio-de-Janeyro Olimpiadasına vəsiqə qazandı.[2]

Nazim Babayev 2016-cı ildə Portlend şəhərində (ABŞ) baş tutan Dünya Salon Çempionatında mübarizə apardı. Turnirdə 16.44 metr nəticə göstərən Nazim Babayev 8-ci pillənin sahibi oldu. İyulda isə Nazim Babayev Amsterdam şəhərində (Niderland) baş tutan Avropa Çempionatında mübarizə apardı və 16.06 metr nəticə ilə turniri 22-ci pillədə başa vurdu. Avqustda Rio-de-Janeyro şəhərində (Braziliya) baş tutan XXXI Yay Olimpiya Oyunlarında mübarizə aparan Nazim Babayev 16.38 metr nəticə göstərdi və Olimpiadanı 25-ci pillədə başa vurdu.[7]

2017-ci ildə IV İslam Həmrəyliyi Oyunlarının qalibi olan Nazim Babayev 2017 və 2019-cu illərdə baş tutan Universiada Oyunlarının da qızıl medallarına sahib olub.[2] 2019-cu ildə Nazim Babayev həm də Şotlandiyanın Qlazqo şəhərində baş tutan Avropa Salon Çempionatının qızıl medalına sahib oldu.[2]

Nazim Babayev 2021-ci ildə Yaponiyada baş tutan XXXII Yay Olimpiya Oyunlarında mübarizə apardı.[2] Turnirdə 16.72 metr nəticə göstərən Nazim Babayev olimpiadanı 15-ci pillədə başa vurdu.[8][9]

İstinadlar

[redaktə | mənbəni redaktə et]
  1. ↑ Nazim Babayev // World Athletics database.
  2. ↑ 1 2 3 4 5 6 Olympedia.org. "Nazim BABAYEV". www.olympedia.org (ingilis). 2022-08-30. 2022-02-05 tarixində arxivləşdirilib. İstifadə tarixi: 30.08.2022.
  3. ↑ 1 2 Azerisport.com idman portalı. "Азербайджанский прыгун стал вторым в квалификации Юношеской Олимпиады". www.azerisport.com ( (rus.)). 01.11.2022. 2022-11-02 tarixində arxivləşdirilib. İstifadə tarixi: 01.11.2022.
  4. ↑ Azerisport.com idman portalı. "Золото, серебро и бронза Азербайджана в девятый день Юношеской Олимпиады". www.azerisport.com ( (rus.)). 01.11.2022. 2022-11-02 tarixində arxivləşdirilib. İstifadə tarixi: 01.11.2022.
  5. ↑ Azerisport.com idman portalı. "Еще три медали Азербайджана на Юношеской Олимпиаде". www.azerisport.com ( (rus.)). 01.11.2022. 2022-11-02 tarixində arxivləşdirilib. İstifadə tarixi: 01.11.2022.
  6. ↑ Azerisport.com idman portalı. "Президент Азербайджана наградил Мехрибан Алиеву, Азада Рагимова и чемпионов Евроигр". www.azerisport.com (rus). 22.08.2022. 2022-11-02 tarixində arxivləşdirilib. İstifadə tarixi: 22.08.2022.
  7. ↑ Olympedia.org. "2016 Summer Olympics / Athletics / Triple Jump / Men". www.olympedia.org (ingilis). 2022-08-30. İstifadə tarixi: 30.08.2022.[ölü keçid]
  8. ↑ Olympedia.org. "2020 Summer Olympics / Athletics / Triple Jump / Men". www.olympedia.org (ingilis). 2022-08-30. İstifadə tarixi: 30.08.2022.[ölü keçid]
  9. ↑ Azerisport.com idman portalı. "Токио-2020. Назим Бабаев стал 15-м и не попал в финал". www.azerisport.com ( (rus.)). 11.03.2023. 2022-08-02 tarixində arxivləşdirilib. İstifadə tarixi: 11.03.2023.
Mənbə — "https://az.wikipedia.org/w/index.php?title=Nazim_Babayev_(atlet)&oldid=7712230"