Mahmud Xudaverdiyev (Azərbaycan)

Mahmud Xudaverdiyev
Şəxsi məlumatlar
Doğum tarixi	19 iyul 2001
Doğum yeri	Dardoqqaz, Zaqatala rayonu, Azərbaycan
Vəfat tarixi	14 oktyabr 2020 (19 yaşında)
Vəfat yeri	Tərtər rayonu, Azərbaycan
Dəfn yeri	Dardoqqaz
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2019—2020
Rütbəsi	Əsgər
Döyüşlər	İkinci Qarabağ müharibəsi  • Madagizin azad edilməsi
Təltifləri

Mahmud Əhməd oğlu Xudaverdiyev (19 iyul 2001; Dardoqqaz, Zaqatala rayonu — 14 oktyabr 2020; Tərtər rayonu, Azərbaycan) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Həyatı

Mahmud Xudaverdiyev 2001-ci il iyulun 19-da Zaqatala rayonunun Dardoqqaz kəndində anadan olub.

2007-2016-cı illərdə Sumaylı kənd tam orta məktəbində təhsil alıb. Subay idi.

Hərbi xidməti

Mahmud Xudaverdiyev 2019-cu ildə müddətli həqiqi hərbi xidmətə çağırılıb.

İkinci Qarabağ müharibəsinə qədər Azərbaycan Silahlı Qüvvələrinin Goranboy rayonunda yerləşən “N” saylı hərbi hissəsində xidmət edirdi.

Azərbaycan Silahlı Qüvvələrinin əsgəri olan Mahmud Xudaverdiyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsi zamanı Suqovuşanın azadlığı uğrunda gedən döyüşlərdə iştirak edib.

Mahmud Xudaverdiyev oktyabrın 14-də Madagizin azad edilməsi zamanı şəhid olub. Zaqatala rayonunun Dardoqqaz kəndində torpağa tapşırılıb.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Mahmud Xudaverdiyev ölümündən sonra "Vətən uğrunda" medalı ilə təltif edildi.

Təltifləri

• (15.12.2020) — "Vətən uğrunda" medalı (ölümündən sonra)