Rüfət Mustafayev

Rüfət Mustafayev
Şəxsi məlumatlar
Doğum tarixi	12 mart 1996(1996-03-12)
Doğum yeri	Sumqayıt, Azərbaycan
Vəfat tarixi	12 oktyabr 2020(2020-10-12) (24 yaşında) və ya 10 oktyabr 2020(2020-10-10) (24 yaşında)
Vəfat yeri	Tərtər rayonu, Azərbaycan
Vəfat səbəbi	Şəhid olub
Dəfn yeri	Sumqayıt Şəhidlər Xiyabanı
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2019–2020
Rütbə	Əsgər
Döyüşlər	Vətən müharibəsi  • Suqovuşan döyüşü
Təltifləri
Vikianbarda əlaqəli mediafayllar

Rüfət Mustafayev (tam adı: Rüfət Zöhrab oğlu Mustafayev; 12 mart 1996; 12 mart 1996, Sumqayıt – 12 oktyabr 2020 və ya 10 oktyabr 2020, Tərtər rayonu) — Azərbaycan Silahlı Qüvvələrinin əsgəri, Vətən müharibəsi şəhidi.

Həyatı

Rüfət Mustafayev 12 mart 1996-cı il Sumqayıt şəhərində dünyaya göz açmışdır. İbtidai təhsilinə 2002-ci ildə Sumqayıt şəhəri 18 nömrəli məktəbdə təhsil almağa başlamış və 2013-cü ildə həmin məktəbdə məzun olmuşdur. Elə həmin il dövlət imtahanını uğurla keçərək Azərbaycan Texniki Universitetinin "Maşınqayırma və robototexnika" fakültəsinə qəbul olunub. 2019-cu ildə Azərbaycan Silahlı Qüvvələri Quru Qoşunlarının sıralarında həqiqi hərbi xidmət keçmək üçün ordu sıralarına könüllü getmişdir.

Şəhadəti

27 sentyabr tarixində Azərbaycan-Ermənistan arasında başlanmış Vətən müharibəsinə əsgər Rüfət Mustafayev də qatılmışdır. Döyüşlərin ən qaynar nöqtələrində xidmətinə davam etmişdir. 2020-ci il oktyabrın 9-dan 10-a keçən gecə Ağdərə istiqamətində gedən şiddətli döyüşlər zamanı Ermənistan Silahlı Qüvvələrinin hücum cəhdinin qarşısını alarkən idarə etdiyi minik avtomobili ilə minaya düşərək komandiri Polkovnik-leytenant Cəfərov Zaur ilə birlikdə qəhrəmancasına həlak olmuşdur.

Oktyabrın 13-də əsgər Rüfət Mustafayevin nəşi əvvəlcə valideynlərinin yaşadığı Sumqayıt şəhərinə gətirilmişdir. Şəhidin cənazəsi yaşadığı ərazidə izdihamla qarşılanmışdır. Oradan avtomobil karvanı ilə Sumqayıt Şəhidlər Xiyabanına yürüş olmuşdur. Rüfət həmin gün Sumqayıt şəhərinin dövlət rəsmilərinin, icra nümayəndəliklərinin, rəhbər şəxslərin və şəhər sakinlərinin iştirakı ilə yaylım atəşi ilə təntənəli şəkildə torpağa tapşırılmışdır.

Təltifləri

• (15.12.2020) — "Vətən uğrunda" medalı — Vətən müharibəsindəki hərbi vəzifəsini yerinə yetirərkən igidlik və mərdlik nümunəsi göstərdiyinə görə ölümündən sonra Azərbaycan Respublikası Prezidentinin Sərəncamı ilə təltif edilib.
• (15.12.2020) — "Suqovuşanın azad olunmasına görə" medalı — Vətən müharibəsidə Suqovuşanın azad olunmasında göstərdiyi qəhrəmanlığa görə ölümündən sonra Azərbaycan Respublikası Prezidentinin Sərəncamı ilə təltif edilib.
• (18.12.2020) — "Cəsur döyüşçü" medalı — Vətən müharibəsidə göstərdiyi şücaətə görə ölümündən sonra Azərbaycan Respublikası Prezidentinin Sərəncamı ilə təltif edilib.