Rəşad Hüseynli

Vikipediya, azad ensiklopediya
Naviqasiyaya keçin Axtarışa keçin
Rəşad Hüseynli
Şəxsi məlumatlar
Doğum tarixi
Doğum yeri Yaycı, Culfa rayonu, Azərbaycan
Vəfat tarixi (22 yaşında)
Vəfat yeri Zəngilan rayonu, Azərbaycan
Dəfn yeri Yaycı, Culfa rayonu, Azərbaycan
Vətəndaşlığı Azərbaycan Azərbaycan
Atası Ramiz Hüseynov
Anası Lətifə Hüseynova
Təhsili orta
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Sərhəd Qoşunları
Xidmət illəri 2018—2022
Rütbə Baş çavuş
Döyüşlər Azərbaycan–Ermənistan sərhəd toqquşması (2022)
Təltifləri "Azərbaycan Bayrağı" ordeni — 2022"Vətən uğrunda" medalı — 2022

Rəşad Ramiz oğlu Hüseynli (21 may 2000; Yaycı, Culfa rayonu, Azərbaycan15 sentyabr 2022; Zəngilan rayonu, Azərbaycan) — Azərbaycan Dövlət Sərhəd Xidmətinin Sərhəd Qoşunlarının baş çavuşu. 2022-ci il sentyabrın 15 iErmənistan Silahlı Qüvvələrinin Zəngilan istiqamətində Azərbaycan Ordusuna qarşı törətdiyi təxribat nəticəsində şəhid olmuşdur.

Həyatı[redaktə | mənbəni redaktə et]

Rəşad Hüseynli 21 may 2000-ci ildə Culfa rayonunun Yaycı kəndində Ramiz Hüseynovun və Lətifə Hüseynovanın ailəsində anadan olmuşdur.[1] 2006-2017-ci illərdə Culfa rayon Yaycı kənd 2 saylı tam orta məktəbində orta təhsil almışdır. Subay idi.

Hərbi xidməti[redaktə | mənbəni redaktə et]

Rəşad Hüseynli 2018-ci ildə Səfərbərlik və Hərbi Xidmətə Çağırış üzrə Dövlət Xidmətinin Culfa rayon şöbəsi tərəfindən hərbi xidmətə çağırılmışdır. Azərbaycan Silahlı Qüvvələrinin sıralarında, "N" saylı hərbi hissələrdən birində sıravi əsgər kimi hərbi xidmət etmişdir. 2020-ci ildə ordudan tərxis olunmuş və mülki fəaliyyətə geri dönmüşdür. Bir müddət sonra "müddətdən artıq həqiqi hərbi xidmət" kurslarına yazılmış, Şəki şəhərində kurs keçmişdir. 2021-ci ilin aprel ayında kursu bitirərək Dövlət Sərhəd Xidmətinin Sərhəd Qoşunlarının sıralarında müddətdən artıq həqiqi hərbi xidmət qulluqçusu olaraq hərbi xidmətini davam etdirmişdir.[2] Əvvəlcə, "çavuş", sonra "baş çavuş" rütbəsi almışdır. CəlilabadCəbrayıl rayonlarında xidmət edən Rəşad Hüseynlinin son xidmət yeri Zəngilan rayonu idi.

2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilmişdir. Təxribat nəticəsində Azərbaycan-Ermənistan sərhədində sərhəd toqquşması baş vermişdir. Dövlət Sərhəd Xidmətinin Sərhəd Qoşunlarının hərbçisi Rəşad Hüseynli döyüşlərdə snayper kimi iştirak etmiş, 15 sentyabr 2022-ci ildə Zəngilan rayonu istiqamətində döyüş tapşırığını yerinə yetirərkən şəhid olmuşdur.[3] 16 sentyabr 2022-ci ildə nəşi evinə gətirilərək doğulduğu Culfa rayonunun Yaycı kəndində dəfn edilmişdir. Dəfn mərasimində dövlət və hökumət nümayəndələri, Naxçıvan Əlahiddə Ümumqoşun Ordusunun, Səfərbərlik və Hərbi Xidmətə Çağırış üzrə Dövlət Xidmətinin, Culfa Rayon İcra Hakimiyyətinin əməkdaşları, ictimaiyyət nümayəndələri, Culfa sakinləri iştirak etmişlər.[4]

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Rəşad Hüseynli Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra "Azərbaycan Bayrağı" ordeni"Vətən uğrunda" medalı ilə təltif edilmişdir.[5]

Təltifləri[redaktə | mənbəni redaktə et]

İstinadlar[redaktə | mənbəni redaktə et]

  1. Azərbaycanın Müdafiə Nazirliyi. "2022-ci il sentyabrın 12-dən etibarən Ermənistan Silahlı Qüvvələrinin törətdiyi genişmiqyaslı təxribatların qarşısının alınması zamanı şəhid olan hərbi qulluqçuların siyahısı" (PDF). www.mod.gov.az (ingilis). 2022-09-17. 2022-09-17 tarixində arxivləşdirilib (PDF). İstifadə tarixi: 17.09.2022.
  2. Ağayev, ALİM. "Rəşadətinlə xalq öyünür, Rəşad!". www.serqqapisi.az (az.). 2022-10-07. İstifadə tarixi: 12.01.2023.[ölü keçid]
  3. "Şəhid Rəşad Hüseynli Culfa rayonunda dəfn olunub". www.azerbaijan-news.az (az.). 16.09.2022. İstifadə tarixi: 12.01.2023.
  4. "Şəhid Rəşad Hüseynli doğma kəndində torpağa tapşırıldı - VİDEO". www.ntv.az (az.). 2022-09-16. İstifadə tarixi: 12.01.2023.
  5. Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
  6. Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
  7. Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.