Svazilend

Vikipediya, açıq ensiklopediya
Keçid et: naviqasiya, axtar
Svazilend Krallığı
Kingdom of Swaziland
Umbuso weSwatini
Svazilend bayrağı Svazilend gerbi
Bayrağı Gerbi
Şüar: svati. Siyinqaba (Biz qalayıq)
Himn: Nkulunkulu Mnikati wetibusiso temaSwati(Oh, svatiya zövq verən Allah)
Svazilend – xəritədə yeri
Paytaxt Mbabane (rəsmi)- 66 min sakin ( 2014-ci il) ,Lobamba (krallığlı və parlamentin)
Böyük şəhərlər Manzini
Rəsmi dil İngilis, Svati
İdarəetmə forması konsultasıya orqanlı Mütləq Monarxiya
Kral III Msvati [25.IV.1986 ]
Baş Nazir Barnabas Sibusiso Dlamini [ 25.VII.1996 - 29.IX.2003 ]; [ 23.X.2008 ]
Yaranması
 - Elan olunub 6 sentyabr 1968
Ərazi
• Ümumi
• Su sahəsi (%-lə)

17 364 km² (157-cü yer)
0,9
Əhali
• Təxmini sayı (2015)
• Siyahıyaalma (2007)
Əhali sıxlığı

1 119 000 nəfər (154-ci yer)
1 018 449 nəfər
68.2 nəfər/km²  (135)
ÜDM (AQP)
  • Cəmi (2016)
  • Adam başına

$11.061 milyard
$9,768
ÜDM (nominal)
  • Cəmi (2016)
  • Adam başına

$3,430 milyard
$3,029
İnsan inkişafı indeksi (2015) 49.5  (yüksək) ()
Pul vahidi Lilangeni (SZL)
Saat qurşağı (UKV+2)
İnternet domeni .sz
Telefon kodu +268
Svazilend

Svazilend Krallığı (ing. Kingdom of Swaziland, svati. Umbuso weSwatini) — Afrikanın cənubunda MozambikCAR-ın arasında uzunluğu 200, eni isə 130 kilometr olan kiçik bir ölkədir. Afrikanın son mütləq monarxiyasıdır. Paytaxtı rəsmən Mbabane olsa da kralın sarayı və ondan asılı olan parlamen Lobamba şəhərində yerləşir.

Etimologiyası[redaktə | əsas redaktə]

Ölkənin adı olan Svazilend, Svazilerin yaşadığı ölkə mənasını daşımaqdadır. Ölkə müstəqilliyinə qovuşmadan əvvəl fikirləşilən ilk ad olan Ngwane adı isə Svazilendin ilk kralı kimi qəbul edilən III. Ngwanedən gəlir. XVIII əsrdə yaşayan və 1780-ci ildə qədər hökmdarlıq etmiş III. Ngwane hökmdarlığı altındakı bölgələrə kaNgwane adını vermişdir. Ngwanenin sahib olduğu ölkə mənasını verən bu ifadəni əsas götürərək verilməsi planlaşdırılan ölkə ad daha sonra reallaşdırılmamışdir. Hazırda da Svazilanddə bir çox adam öz millətini bildirmək üçün Ngwane adından istifadə edir.

Əhalisi[redaktə | əsas redaktə]

Ölkə əhalisinin 90%-i özünü Bantu etnik qrupunun cənub qrupu üzvü olan Svazi etnik qrupuna üzv hesab edir. Nguni birliyin bir alt qolu olan Svazilərdən başqa ölkədə çox az da olsa soto, Zulu, Tsonqa etnik qrupuna daxil üzvlər ilə ağlar və qaradərili yaşamaqdadır.

Svazilend gənc əhalidən ibarət olub, 2016 təxmini məlumatlarına görə 57,69%-i 0-24 yaş aralığındadır. Ölkənin yalnız 3,9%-i 65 yaş və yuxarıdır.

0-14 yaş: 35.5% (kişi 260,507 / qadın 254,811)
15-24 Yaş: 22.19% (kişi 162,880 / qadın 159,229)
25-54 Yaş: 34.12% (kişi 256,696 / qadın 238,471)
55-64 Yaş: 4.28% (kişi 24,758 / qadın 37,399)
65 Yaş və yuxarı: 3.9% (kişi 21,842 / qadın 34,835)

Şəhərdə yaşayanların nisbəti 2015-ci ilin məlumatlarına görə 21,3% təşkil edir.

Əhalinin illik artım nisbəti 2016-cı ilin təxmini məlumatlarına görə 1,1% səviyyəsindədir.

Dil[redaktə | əsas redaktə]

Ölkədə əhalinin çox böyük bir nisbəti ana dil kimi Nguni dilinin bir qolu olan Swati dilində danışır. Bu dilidən başqa az da olsa ana dili kimi TsongacaZuluca dillərində danışan qruplarda var. İngilis dili ölkənin təhsil dili olması ilə bərabər ikinci rəsmi dil funksiyasını da daşıyır.

Din[redaktə | əsas redaktə]

Ölkə daxilində hakim olan din Xristian dini olub, əhalinin 40% -i protestant, xristianlıq və Afrika yerli dinlərinin qarışığı ilə meydana gələn Afrika Sionizm inanclarına etiqad edirlər. Xristianlığın bir digər məzhəbi olan katolik məzhəbinə görə yaşayan əhalinin nisbəti 20% səviyyəsindədir. İslami dəyərlərə görə yaşayanların nisbəti 10% səviyyəsində olub, bu qrupun əksəriyyətini cənub Asiyadan gələn immiqrantlar təşkil edir. Əhalinin geri qalan 30%-i isə Hinduizm, Bahailik, Yəhudilik və Afrika yerli dinlərinə inanır.

Siyasi sistem[redaktə | əsas redaktə]

İngilis Millətlər Cəmiyyəti ölkələri içərisində mütləq monarxiya ilə idarə olunan bir ölkə olan Svazilenddə Ngwenyana (Dilimizdə: Aslan) ünvanına sahib kral siyasətdə çox əhəmiyyətli bir təsirə malikdir. Ndlovukati (Dilimizdə: Dişi fil) ünvanına sahib kralın anası kraliça olaraq kralın yerinə icra dövlət rəhbərliyi vəzifəsini icra edə bilər. Ndlovukati olmaq üçün kralın anası olma əsas sayılmayıb, başqa bir adam da bu vəzifəyə gətirilə bilər. 1986-ci ildən bu yana III. Mswatinin anası olan Ntombi bu vəzifəni icra etməkdədir. Kral sarayı ölkənin iki böyük şəhəri olan ManziniMbabane arasında yerləşən Lobambadadır. Kral və Ndlovukatinin ölkədə bir çox pul və markalarının üzərində şəkilləri var.

Çoxpartiyalı sistem mövcud olsa da, siyasi partiyalar leqal fəaliyyət göstərə bilmir. Krala qarşı müxalif fikir söyləyənlərə qarşı sərt cəza tədbirləri gerçəkləşdirilir.

Parlament[redaktə | əsas redaktə]

Lobambadə Libandla olaraq adlandırılan parlament binası da yerləşir. Senatda olan 30 üzvün 20-si kral tərəfindən təyin olunub, geriyə qalan 10 üzv isə parlamentin iki palata olan House of Assembly tərəfindən müəyyənləşdirilir. 66 ədəd kürsüsü olan House of Assemblydə (Milli Assamleya) isə 55 üzv Tinkhundla olaraq adlandırılan seçki bölgələrindən seçilərək gəlməkdədir. Bu məclisə 10 adam yenə kral tərəfindən təyin edilir, bir kürsü isə Attorney General olaraq adlandırılan Baş prokurorluk üzvünə ayrılmışdır. Svazilend Krallığının Parlamenti iki palatalı olmasına baxmayaraq müstəqil qərar vermək səlahiyyətləri yoxdur. Kral nə əmr etdisə, onu da yerinə yetirirlər. Hər beş ildən bir keçirilən seçkilər ilə həm Senat həm də House of Assembly üzvləri seçilir və təyin edilir. Sonuncu dəfə 2013-cü il Avqust / Sentyabr aylarında keçirilən seçkilər ilə parlament üzvləri seçilmişdir.

1973-ci ildə etibarən qadağan olan siyasi partiyaların vəziyyəti 2006-ci ildən bu yana naməlum bir vəziyyətdədir. Ölkədə çox partiyalı bir sistemi dəstəkləyən People’s United Democratic Movement (PUDEMO) (Dilimizdə: Birləşmiş Demokratik Xalq Hərəkatı) kimi müxalif hərəkətlər ilə Ngwane National Liberatory Congress (NNLC) (Dilimizdə: Ngwane Milli Qurtuluş Konqresi) və Communist Party of Swaziland (Dilimizdə: Svaziland Kommunist Partiyası) kimi partiyaların 2006-ci ildə kralın mütləq gücünü təsdiq etməklə birlikdə yeni qanun ilə partiyaların seçkilərdə iştirakı qadağan edilmir.

Məhkəmə[redaktə | əsas redaktə]

Ölkədəki mütləq güc kralın əlində olub, məhkəmə, icra və qanunvericilik onun sərəncamindadır. Kral diplomatik toxunulmazlığa malikdir. Ölkənin ən yüksək məhkəmə orqanı Supreme Court (Ali məhkəmə) olub, ondan aşağı səviyyədə High Court (Yüksək Məhkəmə) və Industrial Court (sənaye məhkəməsi) məhkəmə orqanları var.

Xarici siyasəti[redaktə | əsas redaktə]

Svazilend Krallığı xarici siyasətdə bloklara qoşulmamaq xəttini tutub. Kralın könlü hansı dövləti istəyir, onunla da əməkdaşlıq edir.

İqtisadiyyat[redaktə | əsas redaktə]

Svazilend dünyanın ən yoxsul ölkələrindən biri sayılır. Ölkə əhalisinin çox hissəsinin gündəlik qazanc bir Avrodan azdır. 2005-ci ilin məlumatlarına görə ölkə əhalisinin az qala beşdə birinə bərabər olan 200.000 adam beynəlxalq təşkilatların həyata keçirdiyi qida yardımına möhtac vəziyyətdədir. Ölkə əhalisinin 60%-i şəxsi istehlak və istifadəsi üçün kənd təsərrüfatı məhsulları əkirlər. Bu əkilən məhsullar əksəriyyətini şəkər qamışı, qarğıdalı, darı, düyü, sitrus, pambıqfıstıq təşkil edir. Əhali arasında heyvandarlıqla da məşğul olanlar var ki, onlar inək, qoyun və keçi kimi heyvanlar saxlayırlar.

Svazilend, Cənubi Afrika Respublikası, Lesotho, BotsvanaNamibiya ilə ortaq pul vahidi bölgəsini təşkil edir. Rand Monetary Area olaraq adlandırılan bölgədə Cənubi Afrika Respublikasının pul vahidi Rand yerli pul vahidləri ilə bərabər ortaq pul vahidi kimi istifadə edilməkdədir. 1980-ci ildən bu yana Svazilenddə istifadə Lilangeni ilə Rand 1:1 nisbətidə deyişdirilir. 2011-ci ilin məlumatlarına görə 7,2% inflyasiya nisbətinə sahib ölkə, ortaq pul vahidi bölgəsini təşkil edən ölkələr ilə birlikdə Southern African Customs Union (SACU) yəni Cənubi Afrika Gömrük Birliyini təşkil edir.

Həmçinin bax[redaktə | əsas redaktə]