Abbas Qasımov

Vikipediya, azad ensiklopediya
Jump to navigation Jump to search
ABBAS QASIMOV
Abbas Qasımov.jpg
Doğum tarixi 24 yanvar 1970(1970-01-24)
Doğum yeri Nəbiağalı, Samux rayonu
Vəfat tarixi 5 iyul 1992 (22 yaşında)
Vəfat yeri Ağdərə, Qarabağ Azərbaycan Azərbaycan
Vəfat səbəbi şəhid
Dəfn yeri Nəbiağalı, Samux rayonu
Atası Talıb Sayad oğlu Kərimov
Milliyyəti azərbaycanlı

Qasımov Abbas Talıb oğlu — "Snayper Abbas" ləqəbli döyüşçü.

Həyatı[redaktə | əsas redaktə]

Abbas Qasımov 24 yanvar 1970-ci ildə Samux rayonunun Nəbiağalı qəsəbəsində doğulmuşdur. Atası Talıb Göyçə mahalının Daşkənd kəndindəndir[1]..

Abbas orta məktəbi bitirdikdən sonra Rusiyanın Kamensk şəhərində hərbi xidmətdə olub[2].

Xanlar rayon Hərbi Komisarlığı tərəfindən 3 yanvar 1992-ci ildə Milli Orduya göndərilmiş, 701-ci hərbi hissənin avtomatçısı olmuşdur[3].

Abbas Qasımov ailəsinin narazılığı olmasına baxmayaraq könüllü olaraq Qarabağ uğrunda gedən döyüşlərə qoşulmuşdur. Yoldaşları arasında "Snayper Abbas" deyə çağırılırmışdır. Sərrast atıcı və minaları təhlükəsizləşdirən hərbçi idi[1].

5 iyul 1992-ci ildə Ağdərə rayonunda gedən qızğın döyüşdə ayağından yaralanmasına baxmayaraq geri çəkilməmiş və son damla qanına qədər düşmənlə üz-üzə döyüşmüş və qəhrəmancasına şəhid olmuşdur. Abbas Qasımov Samux rayonunun Nəbiağalı qəsəbəsində dəfn edilmişdir. O, Samux rayonunun ilk şəhididir[1]..

Gülüstanın alınmasında, Ağdərənin Talış, Qırmızıkənd, Maqadis kəndlərində gedən döyüşlərdə Abbas xüsusən fəallıq göstərmişdir[4].

22 iyul 1992-ci il tarixli «Yeni Samux» qəzetində və "Samux şəhidləri" adı altında kitabda "snayper" Abbasın döyüş yolu haqqında geniş məlumat verilmişdir[5].

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 3 Araz Yaquboğlu, "Ömrün şəhidlik zirvəsi", Bakı, “Elm və təhsil”, 2012.
  2. Nəcibə Əlizadə. "Xalqımızın qəhrəman və şəhid oğulları", Bakı, 2013. səh.76-77.
  3. "Azərbaycan Respublikası Xatirə Kitabı" 3-cü cild, "Q" hərfi. Bakı-2001. səh.106
  4. Füzuli Ramazanoğlu, "Bu da bir taledir". Bakı, «Nurlan», 2009.
  5. «Yeni Samux» qəzeti, 22 iyul 1992-ci il.