Azərbaycan Respublikası Fövqəladə Hallar Nazirliyinin Akademiyası
|
Azərbaycan Respublikası Fövqəladə Hallar Nazirliyinin Akademiyası |
|
|---|---|
 |
|
| Yaranma tarixi | 2 iyun 2008 |
| Rektor | general-mayor Pənah Süleymanov |
| Şəhər | Bakı |
| Ölkə | Azərbaycan |
| Ünvan | Azərbaycan, Bakı Hövsan qəsəbəsi, Elman Qasımov küçəsi |
| Vebsayt | akademiya.fhn.gov.az |
Azərbaycan Respublikası Fövqəladə Hallar Nazirliyinin Akademiyası - xüsusi təyinatlı dövlət ali təhsil müəssisəsi
Azərbaycan Respublikası Fövqəladə Hallar Nazirliyinin strukturuna daxildir.
Yaranma tarixi[redaktə | əsas redaktə]
Azərbaycan Prezidenti İlham Əliyev Fövqəladə Hallar Nazirliyi üçün xüsusi ixtisaslı ali təhsilli kadrların hazırlanması, əməkdaşların ixtisaslarının artırılması və fövqəladə hallar sahəsində elmi-tədqiqat işlərinin aparılmasını təmin etmək məqsədi ilə 2 iyun 2008-ci il tarixində "Azərbaycan Respublikası Fövqəladə Hallar Nazirliyinin Akademiyasının yaradılması haqqında" sərəncam imzalamış, 2009-cu il 10 iyul tarixli fərmanı ilə Azərbaycan Respublikası Fövqəladə Hallar Nazirliyinin Akademiyasının Nizamnaməsini təsdiq etmişdir.
Prezidentin mətbuat xidmətindən daxil olan məlumata görə, sənəd Fövqəladə Hallar Nazirliyi (FHN) üçün xüsusi ixtisaslı ali təhsilli kadrların hazırlanmasını, əməkdaşların ixtisaslarının artırılmasını və fövqəladə hallar sahəsində elmi tədqiqat işlərinin aparılmasını təmin etmək məqsədi ilə imzalanıb. Sərəncama görə, akademiya FHN-nin Dövlət Yanğından Mühafizə Xidmətinin Bakı Yanğın-Texniki Məktəbinin, S.Ə.Dadaşov adına Elmi Tədqiqat və Layihə-Konstruktor İnşaat Materialları İnstitutunun, Dövlət Əməyin Mühafizəsi və Təhlükəsizlik Texnikası Elmi Tədqiqat İnstitutunun və Tədris-Təlim Mərkəzinin bazasında yaradılır. Nazirlər Kabinetinə sərəncamdan irəli gələn məsələləri həll etmək tapşırılıb.
Sınaq və müvafiq yoxlamalardan müvəffəqiyyətlə keçən abituriyentlərin ərizələri rəsmiləşdirilir və onlar TQDK tərəfindən keçiriləcək test imtahanlarında iştirak edirlər. Qəbul imtahanı test üsulu ilə I ixtisas qrupuna daxil olan fənlər üzrə keçirilir.
FHN-nin Akademiyasında təhsil müddəti 4 ildir. Akademiyaya qəbul olunan şəxslər təhsil müddətində yemək, geyim forması və yataqxana ilə təmin olunur, təqaüd alırlar. Tədris Azərbaycan dilində aparılır[1]. Akademiya Hövsan qəsəbəsində yerləşir. Akademiyanın tərkibində Yanğın texniki kolleci fəaliyyət göstərir. Təhsil müddəti 3 ildir. Kollecin rəisi polkovnik Ədalət Qasımovdur.
Akademiyaya 2009 - cu ildə Tələbə Qəbulu üzrə Dövlət Komissiyası tərəfindən imtahan aparılmış, sentyabrın 15-də ilk tədris ili başlamışdır. Fövqəladə Hallar Nazirliyinin Akademiyasının rəisi, general- mayor Pənah Süleymanovdur.
Fakültə və ixtisaslar[redaktə | əsas redaktə]
- Yanğın təhlükəsizliyi mühəndisliyi
- Fövqəladə hallar və həyat fəaliyyətinin təhlükəsizliyi mühəndisliyi
Həmçinin bax[redaktə | əsas redaktə]
Mənbə[redaktə | əsas redaktə]
Azərbaycan Respublikası Fövqəladə Hallar Nazirliyinin rəsmi saytı
