Rəşid Mədinov

Vikipediya, azad ensiklopediya
Jump to navigation Jump to search
Rəşid Mədinov
Rəşid Nəzər oğlu Mədinov
Şəxsi məlumatlar
Doğum tarixi
Doğum yeri Yeni Həyat, Xaçmaz
Vəfat tarixi (24 yaşında)
Vəfat yeri Füzuli
Vəfat səbəbi Şəhid olub
Dəfn yeri Yeni Həyat qəsəbə qəbiristanlığı
Vətəndaşlığı Azərbaycan Azərbaycan
Milliyyəti qrız
Atası Nəzər Mədinov
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2015-2017, 2020
Rütbə
Azərbaycan Silahlı Qüvvələrinin Quru Qoşunlarının əsgəri.png Əsgər
Vəzifəsi baş artilleriya atıcısı, tuşlayıcı
Döyüşlər Aprel döyüşləri
İkinci Qarabağ Müharibəsi
Təltifləri "Vətən uğrunda" medalı — 2020, "Füzulinin azad olunmasına görə" medalı
Vikianbarın loqosu Vikianbarda əlaqəli mediafayllar

Rəşid Mədinov (azərb. Rəşid Nəzər oğlu Mədinov‎; d. 24 aprel 1996, Yeni Həyat, Xaçmaz — ö. 13 oktyabr 2020, Pirəhmədli, Füzuli) — Vətən müharibəsi şəhidi.[1]

Həyatı[redaktə | mənbəni redaktə et]

Rəşid Mədinov 24 aprel 1996-cı ildə Xaçmaz rayonunun Yeni Həyat qəsəbəsində dünyaya göz açıb. Əslən Qubanın Qrız kəndindəndir. Qrızlar çoxsaylı Qafqaz xalqlarından biridir. Subay idi.

Təhsili[redaktə | mənbəni redaktə et]

2002-ci ildə Nazim İsayev adına tam orta məktəbin I sinifinə gedən Rəşid 2012-ci ilə 10-cu sinifi bitirəndən sonra kolleclərə qəbul imtahanında iştirak edir və 2012-ci ildə Bakı Dövlət Sosial-İqtisadi Kollecinin "Bank işi" ixtisasına qəbul olunur. 2015-ci ildə kolleci bitirib. Kollecdə oxuduğu illər ərzində təhsilindən əlavə işləyərək öz xərclərini çıxarmağa çalışan Rəşidin həm də klasssik ədəbiyyat və dünya coğrafiyasına böyük marağı olub. Rəşidin bu marağı ilə bağlı tələbə yoldaşı Taleh Mirzəyev xatirələrini bölüşür:

" Rəşidin dünya ədəbiyyatı, poeziya, ölkələr və mədəniyyətlərə böyük marağı var idi. Bir dəfə kirayə qaldığımız Bakıxanov qəsəbəsindəki kiçik yataqxana otağının qapısı açıldı və Rəşidin gülərüz siması qapıda göründü. Çox sevincliydi. Son zamanlar özünə almaq istədiyi böyük ölçülü dünyanın siyasi xəritəsi qoltuğunda idi. Amma həmin vaxt hamımızın maddi vəziyyətimiz çox aşağı idi. O cibindəki 5 manatla Bakıxanov qəsəbəsindən 8-ci kilometr bazarına piyada gedib arzusunda olduğu və qiyməti məhz 5 azn olan bu xəritəni alıb, elə piyada da evə qayıtmışdı. Köməkləşib, xəritəni divara yerləşdirdik. Bundan sonra kolleci bitirənə qədər boş vaxtlarında həmişə Coğrafi ensiklopediyalardan öyrəndiklərini yatağının yanındakı divarda olan bu xəritədə karandaşla qeyd edirdi. 2015-ci ildə kolleci bitirib hərbi xidmətə yollanmazdan əvvəl bu xəritəni mənə, coğrafiya vəsaitini isə digər qrup yoldaşım Qasım Bayramova hədiyyə verdi. Rəşidin qeydlərinin olduğu bu dəyərli xatirələr bu gün də bizdədir. "
Şəhid Rəşid Mədinovun kollec illərində üzərindəki son pulla aldığı dünyanın siyasi xəritəsi

Hərbi xidmət və döyüş yolu[redaktə | mənbəni redaktə et]

2015-ci ilin iyulunda həqiqi hərbi xidmətə gedən Rəşid 3 ay Gəncədə qaldıqdan sonra xidmətini Murovdağda davam etdirir. Xidməti ərzində 2017-ci ilin əvvəllərində həqiqi hərbi xidmətdən təxris olunur.

Aprel döyüşlərində iştirakı[redaktə | mənbəni redaktə et]

Rəşidin hərbi xidmət dövrü şanlı Aprel döyüşlərinə təsadüf edir. Bu döyüşlərdə Murovdağda baş artilleriya atıcısı olaraq düşmənə qan uddurur. Döyüşlərdə böyük qəhrəmanlıqlar göstərən Rəşid 3 tərifnamə və 3 fərqlənmə diplomu ilə təltif olunub.

İkinci Qarabağ müharibəsində iştirakı[redaktə | mənbəni redaktə et]

2020-ci ilin 20 sentyabrında ümumi təlimlərə çağırılanlar arasında Rəşid Mədinov da var idi. Bir həftəlik təlimdən sonra başlayan Vətən müharibəsində Rəşid öncə Murovdağ uğrunda gedən döyüşlərdə, daha sonra isə Füzuli uğrunda gedən döyüşlərdə artilleriya bölmələrinin tərkibində böyük qəhrəmanlıqlar göstərib.

Şəhid olması[redaktə | mənbəni redaktə et]

Cəsur bir döyüşçü olmaqla yanaşı eyni zamanda etibarlı yoldaş olan Rəşid oktyabrın 13-də Füzuli uğrunda gedən gərgin döyüşlərdə Pirəhmədli kəndi ərazisində yaralanaraq iki tərəf arasındakı zonada atəş altında qalan əsgər yoldaşını xilas etmək üçün düşünmədən önə atılır və yoldaşını çiyninə alıb ərazidən çıxararkən mənfur düşmənin onun yaxınlığına atdığı iriçaplı minomyot mərmisinin qəlpəsi şir ürəkli əsgərimizin qarın boşluğuna dəyir və ağır yaralanır. Aldığı yaradan Vətən müharibəsinin 16-cı günü Şəhidlik zirvəsinə yüksələn igidimiz oktyabrın 14-ü doğulub boya-başa çatdığı Xaçmaz rayonunun Yeni Həyat qəsəbə qəbiristanlığında böyük izdihamla son mənzilə yola salınır.[2]

Təltifləri və mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. https://www.bbc.com/azeri/azerbaijan-55234647
  2. "Vətən müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Respublikası Müdafiə Nazirliyinin rəsmi saytı) ( (az.)). 08.12.2020. 2020-12-08 tarixində arxivləşdirilib. İstifadə tarixi: 22.12.2020.
  3. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (Azərbaycan Prezidentinin rəsmi saytı) ( (az.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  4. "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.e-qanun.az (Normativ hüquqi aktların vahid internet elektron bazası) ( (az.)). 25.12.2020. 2020-12-25 tarixində arxivləşdirilib. İstifadə tarixi: 25.12.2020.