Ruslan Rüstəmov
 | Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin. |
 | Bu məqalənin bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. |
| Ruslan Rüstəmov | |
|---|---|
| Şəxsi məlumatlar | |
| Tam adı | Ruslan Nadir oğlu Rüstəmov |
| Vətəndaşlığı |
 Azərbaycan |
| Doğum tarixi | 8 mart 1998 (25 yaş) |
| Doğum yeri | |
| İdman növü |
 Boks |
| Boyu | 178 sm m |
| Çəkisi | 64 kq kq |
Ruslan Nadir oğlu Rüstəmov (8 mart 1998, Bakı) — Azərbaycanlı boksçu. Ruslan Rüstəmov 2014-cü ildə Rusiyanın Anapa şəhərində baş tutan Avropa çempionatında qızıl medal qazanmış və elə həmin ildə də “İdman Ustası” adına layiq görülmüşdür. 2015-ci ildə Polşanın Kolobrzek şəhərində baş tutan gənclər arasında Avropa çempionatında qızıl medal qazanmış və Avropanın ən texnikalı boksçusu seçilmişdir. O, 2016-cı ildə Rusiyanın Anapa şəhərində baş tutan Avropa çempionatında gümüş medalla mükafatlandırılmışdır. 2021-ci ildə İltalyanın Roseto Degli Abruzzi şəhərində keçirilən 19-22 yaşlılar arası Avropa çempionatında bürünc medalla təltif olunmuşdur.
Həyatı[redaktə | mənbəni redaktə et]
8 mart 1998-ci ildə Bakı şəhərində anadan olan Ruslan Nadir oğlu Rüstəmov 2004-cü ildə Bakı şəhərində yerləşən 276 nömrəli tam orta məktəbin 1-ci sinfine daxil olur. 2015-ci ildə 284 nömrəli tam orta məktəbdən məzun olan Ruslan elə həmin ildə Azərbaycan Dövlət Bədən Tərbiyəsi və İdman Akademiyasında daxil olub təhsilini davam etdirmişdir. O, 2020-ci ilin iyul ayinda N saylı hərbi hissədən tərxis olunmuşdur. Şəxsi məşqçisi İlham Alizamanovdur.
Karyerası[redaktə | mənbəni redaktə et]
İlk dəfə boks ilə 9 yaşında məşğul olan Ruslan karyerasının ilk uğurunu 2012-ci ildə qazanmışdır. O, Azərbaycan çempionatında birinci yer tutub qızıl medala layiq görülmüşdür. 2013-cü ildə Rusiyanın Krasnodar vilayətində keçirilən yarışda qazandığı qızıl medal Ruslan Rüstəmovun beynəlxalq arenada ilk uğuru idi. Ruslan Rüstəmov növbəti uğurunu isə 2014-cü ildə qazandı. O, Rusiyanın Anapa şəhərində keçirilən Avropa çempionatında qızıl medalla mükafatlandırıldı. Qızıl medal qazanmaqla bərabər onun ən böyük uğuru erməni rəqibi üzərində qazandığı qələbəsi oldu (Ruslan Rütəmovun əmisi Cavanşir İsfəndiyar oğlu Rüstəmov 1992-ci ildə Qubadlı uğrunda gedən döyüşlərdə şəhidlik zirvəsinə ucalmışdır.
2015-ci ildə Polşanın Kolobrzek şəhərində keçirilən Avropa çempionatı Ruslan Rüstəmov üçün üç qat uğurlu oldu. O, final döyüşündə İrlandiyalı rəqibi üzərində qələbə qazanaraq qızıl medal qazanır, erməni rəqibini yarımfinal mübarizəsində məğlub edir və Avropanın Ən Texnikalı İdmançısı seçilir. [3] [4] [5]
2016-cı ildə Rusiyanın Anapa şəhərində keçirilən Avropa çempionatında yalnız finalda məğlub olaraq gümüş medal qazanmışdır. 2021-ci ildə isə İtalyanın Roseto Degli Abruzzi şəhərində keçirilən Avropa çempionatında bürünc medala layiq görülmüşdür. Burada da həmçinin ¼ final mərhələsində erməni əsilli alman rəqibi üzərində təmiz qələbə qazanmışdır. [6] [7]
Ruslan Rüstəmov öz karyerasında Avropa çempionatlarından əlavə müxtəlif beynəlxalq turnirlərdə qələbələr qazanmış və İdman Ustası adına layiq görülmüşdür.
İstinadlar[redaktə | mənbəni redaktə et]
- ↑ "Arxivlənmiş surət" (PDF). 2021-09-21 tarixində arxivləşdirilib (PDF). İstifadə tarixi: 2021-09-21.
- ↑ "- 16 yaşlı idman ustası". 2021-09-21 tarixində arxivləşdirilib. İstifadə tarixi: 2021-09-21.
- ↑ "- National boxers win three European medals". 2021-09-21 tarixində arxivləşdirilib. İstifadə tarixi: 2021-09-21.
- ↑ - Boksçumuz Ruslan Rüstəmov Avropa çempionu oldu
- ↑ "Arxivlənmiş surət" (PDF). 2021-09-21 tarixində arxivləşdirilib (PDF). İstifadə tarixi: 2021-09-21.
- ↑ "- Bokscumuz avropa cempiyonatında erməniyə qalib gəldi". 2021-09-21 tarixində arxivləşdirilib. İstifadə tarixi: 2021-09-21.
- ↑ "- Azerbaijani boxer clinches European bronze". 2022-03-28 tarixində arxivləşdirilib. İstifadə tarixi: 2021-09-21.