Elmir Süleymanlı

Vikipediya, azad ensiklopediya
Jump to navigation Jump to search
Elmir Süleymanlı
Şəxsi məlumatlar
Doğum tarixi
Doğum yeri Ağsu rayonu, Azərbaycan
Vəfat tarixi (19 yaşında)
Vəfat yeri Azərbaycan
Dəfn yeri Gəgəli kəndi,Ağsu rayonu
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2019—2020
Rütbə
Döyüşlər Vətən müharibəsi
 • Füzuli döyüşləri
 • Cəbrayıl döyüşləri
Təltifləri "Vətən uğrunda" medalı — 2020 "Xocavəndin azad olunmasına görə" medalı — 2020 "Füzulinin azad olunmasına görə" medalı — 2020 "Xocavəndin azad olunmasına görə" medalı — 2020 "Cəbrayılın azad olunmasına görə" medalı — 2020

Elmir Aqil oğlu Süleymanlı (11 may 2001, Ağsu rayonu20 oktyabr 2020, Xocavənd rayonu) — Azərbaycan Silahlı Qüvvələrinin əsgəri, Vətən müharibəsinin şəhidi.

Həyatı[redaktə | mənbəni redaktə et]

Şəhid əsgər Süleymanlı Elmir Aqil oğlu 2001-ci il may ayının 11-də Ağsu rayonunun Gəgəli kəndində anadan olmuşdur[1]. Elmir Süleymanlının atası Süleymanov Aqil Böyükağa oğlu daş ustası işləmiş, anası Süleymanova Ofelya Rəfael qızı isə evdar qadın olmuşdur. Elmir Süleymanlı 2007-ci ildə Sahib Mütəllimov adına Gəgəli kənd tam orta məktəbin birinci sinfinə daxil olub.2018-ci ildə həmin məktəbi bitirmişdir. Məktəbi bitirdikdən sonra Elmir Süleymanlı Azərbaycan Milli Ordusunda Beyləqan korpusunun "N" saylı hərbi hissəsinddə pulemyotçu ixtisası üzrə həqiqi hərbi xidmət keçmişdir[2].

Döyüş yolu[redaktə | mənbəni redaktə et]

2020-ci ilin sentyabr ayının 27-də Vətən müharibəsi başlayarkən Elmir Süleymanlı hərbi xidmətdə idi. Füzuli istiqamətindən döyüşlərə qatılaraq CəbrayılHadrut istiqamətində döyüşlərdə iştirak etmişdir. Elmir Süleymanlı döyüşlər zamanı çoxlu sayda qəhrəmanlıqlar göstərmişdir. Əsgər yoldaşlarının məlumatına görə o, yaralı komandir, baş gizir Elvin Ömərovu güllə yağışı altından çıxarmışdır [3]. Elmir Süleymanlı isə Hadrutda 1621 yüksəkliyində düşmənlə üz-üzə dumanlı havada döyüşərkən snayperdən açılan güllə ilə həlak olmuşdur. Elmir Süleymanlı rayon və kənd camaatının iştirakı ilə xüsusi mərasimlə Ağsu rayonu Gəgəli kəndi Zeyvənənə qəbristanlığında dəfn olunmuşdur[4].

Təltifləri[redaktə | mənbəni redaktə et]

Azərbaycan Respublikasının Prezidenti İlham Əliyev Elmir Süleymanlını xüsusi fərmanla "Vətən uğrunda", “Füzulinin azad olunmasına görə”, “Cəbrayılın azad olunmasına görə”"Xocavəndin azadolunmasına görə" medalları ilə təltif edib (ölümündən sonra). Ağsu rayonunun Gəgəli kəndində şəhid Elmir Süleymanlının xatirəsinə müxtəlif abidələr ucaldılmışdır[5]

İstinadlar[redaktə | mənbəni redaktə et]

  1. "Memorial saytı". 2022-01-10 tarixində arxivləşdirilib. İstifadə tarixi: 2022-01-10.
  2. "Tarixçi dos. Fariz Xəlillinin rəsmi saytı". 2021-06-15 tarixində arxivləşdirilib. İstifadə tarixi: 2021-12-27.
  3. "Ağsuda şəhidin xatirəsinə bulaq tikilib". 2022-01-10 tarixində arxivləşdirilib. İstifadə tarixi: 2022-01-10.
  4. Vətən üçün canından keçən 19 yaşlı Elmir Süleymanlı
  5. "Ağsuda şəhidin xatirəsinə bulaq tikilib". 2022-01-10 tarixində arxivləşdirilib. İstifadə tarixi: 2022-01-10.