Elmir Vəliyev

Elmir Vəliyev
	2 fevral 2017 — indiyə kimi
	2015 — 2017
	2012 — 2015
	2010 — 2012
Şəxsi məlumatlar
Partiya	Yeni Azərbaycan Partiyası
Doğum tarixi	6 iyun 1989 (30 yaş)
Doğum yeri	Yevlax, Azərbaycan SSR, SSRİ;

Vəliyev Elmir Elmar oğlu Kəpəz PFK-nun keçmiş prezidenti, "Avropa Gənclər Paytaxtı 2016" İctimai Birliyinin təsisçisi, Milli Məclisin sektor müdiri.

Həyatı[redaktə | əsas redaktə]

Vəliyev Elmir Elmar oğlu 6 iyun 1989-cu il tarixdə Yevlax şəhərində anadan olub.

1995-ci ildə Yevlax şəhər 5 saylı orta məktəbdə təhsilinə başlayıb, 1999-cu ildə Yevlax şəhər 9 saylı orta məktəbdə təhsilini davam etdirib və 2005-ci ildə həmin məktəbi əla qiymətlərlə bitirib.

2005-ci ildə Bakı Dövlət Universitetinin Beynəlxalq Hüquq və Beynəlxalq Münasibətlər fakültəsinin əyani şöbəsinə qəbul olunub. 2009-cu ildə həmin fakültəni bitirirək Beynəlxalq hüquqşünas ixtisasını qazanıb.

1 iyul 2009-cu ildə Yevlax şəhər Hərbi Komisarlığı tərərfindən müddətli həqiqi hərbi xidmətə çağırılıb, xidmətini AR Müdafiə Nazirliyinin N saylı hərbi hissəsində keçirib. 1 avqust 2009-cu il tarixdə N saylı hərbi hissədə hərbi andı içib. 2010-cu ilin iyul ayında əsgər rütbəsində Silahlı Qüvvələrin ehtiyatına buraxılıb.

2010-cu ildə Bakı Dövlət Universitetinin Hüquq fakültəsinə (ikinci ixtisas) daxil olub , 15 fevral 2013-cü ildə həmin fakültəni bitirərək hüquqşünaslıq ixtisasını qazanıb.

2014-cü ildə Bakı Dövlət Univesitetinin Hüquqşünaslıq ixtisasının magistr pilləsinə qəbul olub, 2016-cı ildə Beynəlxalq hüquq ixtisası üzrə təhsilini başa vurub.

Əmək fəaliyyətinə 2010-cu ildə AR Milli Məclisinin hüquq siyasəti və dövlət quruculuğu komitəsində ekspert vəzifəsində işləməklə başlayıb. 2012-ci ildə Azərbaycan Respublikası Milli Məclisinin İnzibati və hərbi qanunvericilik şöbəsinin məsləhətcisi, 2015-cildən isə həmin şöbənin baş məsləhətcisi vəzifələrində çalışıb.

2014-cü ildə "Avropa Gənclər Paytaxtı 2016" İctimai Birliyinin sədri seçilib.

2015-ci ilin may ayından "Kəpəz" Peşəkar Futbol Klubunun Müşahidə Şurasının sədri vəzifəsində çalışır.^[1]

2017-ci ilin fevral ayında AR Milli Məclisinin sektor müdiri təyin edilib.^[2] Yeni Azərbaycan Partiyasının üzvüdür.