Samir Səmədov

Vikipediya, azad ensiklopediya
Naviqasiyaya keç Axtarışa keç
Samir Səmədov
Şəxsi məlumatlar
Doğum tarixi 18 yanvar 2002(2002-01-18)
Doğum yeri
Vəfat tarixi 10 oktyabr 2020(2020-10-10) (18 yaşında)
Vəfat yeri
Dəfn yeri
Vətəndaşlığı
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2020
Rütbəsi Əsgər
Döyüşlər İkinci Qarabağ müharibəsi
 • Madagizin azad edilməsi
Təltifləri "Vətən uğrunda" medalı

Samir Səmədov (18 yanvar 2002, Pensər, Astara rayonu10 oktyabr 2020, Talış, Tərtər rayonu) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Samir Mətləb oğlu Səmədov 18 yanvar 2002-ci il Astara rayonunun Pensər kəndində anadan olub.[1] Uşaqlıq illəri doğulduğu Pensər kəndində keçmişdi. Orta təhsilini Astara rayonu Z. Ə. Əhməzadə adına 2 saylı tam orta məktəbdə təhsil almışdı. Təhsilini başa vuran Samir 24 yanvar 2020-ci il Astara rayonu Hərbi komissarlığı tərəfindən həqiqi hərbi xidmətə çağrılır. Tərtər rayonu "N" saylı hərbi hissəyə göndərilir.

Hərbi xidməti

[redaktə | mənbəni redaktə et]

27 sentyabr 2020-ci il İkinci Qarabağ müharibəsi zamanı Talış kəndi və Ağdərə rayonu istiqamətində gedən şiddətli döyüşlərdə iştirak etmiş və düşmənə sarsıdıcı zərbələr endirməklə böyük şücaət və qəhrəmanlıq göstərmişdi. Düşmən bir çox canlı qüvvəsini məhv edən qəhrəman Samir oktyabr ayının 10-da itkin düşür. Nəhayət 18 noyabrda Samirin nəşi tapılır. 10 oktyabr tarixində şəhid olduğu bilinir. Şəhidin nəşi 19 noyabr 2020-ci ildə böyüyüb boya-başa çatdığı Astara rayonunun Pensər kəndinə gətirilir və Seyid Camaləddin türbəsində torpağa tapşırılır.

Prezident İlham Əliyev Azərbaycan Respublikası Silahlı Qüvvələrinin hərbi qulluqçularının medallarla təltif edilməsi haqqında imzaladığı Sərəncama əsasən, Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş Azərbaycan Respublikası Silahlı Qüvvələrinin hərbi qulluqçusu, əsgər Samir Mətləb oğlu Səmədov ölümündən sonra "Vətən uğrunda" medalı ilə təltif edilmişdir.

  1. Cenublu.az. "Bu gün İkinci Qarabağ müharibəsi şəhidi Samir Səmədovun mövlud günüdür" (az.). Cenublu.az. 18.01.2023. 2023-02-08 tarixində arxivləşdirilib. İstifadə tarixi: 22 iyun 2023.
  2. Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az. 15.12.2020. 2021-01-16 tarixində arxivləşdirilib. İstifadə tarixi: 15.12.2020.