Vüsal Şükürov

Vikipediya, azad ensiklopediya
Jump to navigation Jump to search
Vüsal Şükürov
Vüsal Şükürov.jpg
Şəxsi məlumatlar
Doğum tarixi
Doğum yeri Şahmallar kəndi, Ağcabədi rayonu
Vəfat tarixi (24 yaşında)
Vəfat yeri Şuşa
Vəfat səbəbi Şəhid olub
Dəfn yeri
Vətəndaşlığı Azərbaycan Azərbaycan
Milliyyəti Azərbaycanlı
Atası Zahir Şükürov
Anası Sevinc Şükürova
Hərbi fəaliyyəti
Mənsubiyyəti Coat of arms of the Azerbaijani Armed Forces.png A.R. Silahlı Qüvvələri
Qoşun növü Azərbaycan Quru Qoşunları
Xidmət illəri 2015-2017, 2020
Rütbə
Azərbaycan Silahlı Qüvvələrinin Quru Qoşunlarının əsgəri.png Əsgər
Döyüşlər Aprel döyüşləri, İkinci Qarabağ müharibəsi
Təltifləri "Vətən uğrunda" medalı — 2020

Vüsal Şükürov (tam adı: Vüsal Zahir oğlu Şükürov; 15 noyabr 1995, Şahmallar kəndi, Ağcabədi rayonu, Azərbaycan – 8 noyabr 2020, Şuşa yaxınlığı, Azərbaycan) — Aprel döyüşləriVətən müharibəsi iştirakçısı.

Həyatı[redaktə | əsas redaktə]

Erkən illəri[redaktə | əsas redaktə]

Vüsal Şükürov 15 noyabr 1995-ci ildə Ağcabədi rayonunun Şahmallar kəndində dünyaya göz açmışdır. İbtidai təhsilə 2002-ci ildə Şahmallar kənd orta məktəbində başlamışdır. 2003-cü ildə ailəsi ilə birlikdə Bakı şəhəri, Suraxanı rayonu, Hövsan qəsəbəsinə köçmüş, təhsilini burada Ə.Məmmədov adına 76 saylı orta məktəbdə davam etdirmişdir. Vüsal 2010-cu ildə orta məktəbi bitirdikdən sonra Bakı İdarəetmə və Texnologiya Kollecində "Yol hərəkətinin təşkili" ixtisası üzrə subbakalavr təhsili almışdır.

Hərbi illəri[redaktə | əsas redaktə]

Subbakalavr təhsilini bitirdikdən sonra Vüsal 2015-ci ildə hərbi xidmətə çağrılıb. "N" saylı hərbi hissədə tankçı ixtisası üzrə xidmət keçib. 2017-ci ildə xidməti başa vuraraq evə yollanıb. 21 sentyabr 2020-ci ildə təkrar təlimlərə çağrılıb. 27 sentyabr döyüşlər başlayan gündən ön cəbhədə düşmənlə ölüm-dirim savaşına girir. Şuşa uğrunda döyüşlərdə iştirak edib.

Şəhadəti[redaktə | əsas redaktə]

Şükürov Vüsal 7 noyabr tarixinə qədər döyüşərək Xocavənd əraziyə qədər gələ bilib. Vüsal Xüsusi Təyinatlı Qüvvələrin ardınca 8 noyabr tarixində bir çiynində pülemyot, digər çiyinində yük çantası ilə Şuşaya qalxıb. Şahidlərin məlumatına görə, əsgərlər könüllülük əsasında Şuşaya gedib. Şuşaya qalxarkən düşmənin minaatandan atdığı mərmi Vüsalın yanına düşüb. Mərmi qəlpələri başının arxa nahiyəsini yaralamışdır. Aldığı zərbədən elə oradaca şəhid olmuşdur. Cəbhə yoldaşlarının sözlərinə görə, Vüsal qorxmaz döyüşçü imiş. Şəhadətindən iki gün öncə dostları ilə görüşdə şəhid olacağını hiss etdiyini söyləmişdir. Şəhidin nəşi 10 noyabr tarixində ilk öncə doğulduğu evə - Şahmallar kəndinə gətirilmiş, daha sonra Ağcabədi şəhəri Şəhidlər xiyabanına aparılaraq orada torpağa tapşırılmışdır. Şəhidin dəfn mərasimində Azərbaycan Respublikası Milli Məclisinin deputatı, Azərbaycanın əməkdar jurnalisti, Azərbaycan Yazıçılar İttifaqının üzvü Aqil Abbas, Ağcabədi Rayon İcra Hakimiyyətinin başçısı Rafil Hüseynov və digər orqanların rəhbər üzvləri iştirak etmişdir.

Şəxsi həyatı[redaktə | əsas redaktə]

Subay idi.Məqalə İlkin Babaşov tərəfindən təqdim edilib.

Xatirəsi[redaktə | əsas redaktə]

Dövlət təltifləri[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]