Cəmil bəy Lənbəranski

Vikipediya, azad ensiklopediya
Jump to navigation Jump to search
Cəmil bəy Lənbəranski
Cəmil bəy Məşədi Nəsir oğlu Lənbəranski
Jamil bey Lanbaranski.jpg
bayraqAzərbaycan Xalq Cümhuriyyəti Parlamentinin üzvübayraq
21 iyul 1919 — 27 aprel 1920
8 yanvar 1919 — 4 fevral 1919
Xələfi Vəzifə ləğv olundu.
Əvvəl Bitərəflər, sonra isə İttihad fraksiyasının üzvü
Şəxsi məlumatlar
Doğum tarixi 1884
Doğum yeri
Vəfat tarixi 1959
Vəfat yeri
Partiya
Uşağı

Təltifləri Azərbaycan SSR əməkdar həkimi

Cəmil Məşədi Nəsir oğlu Lənbəranski (1884, Lənbəran, Cavanşir qəzası1959, Bakı) — Azərbaycan Xalq Cümhuriyyəti Parlamentinin üzvü, travmatoloq, ortoped, dosent, əməkdar həkim, səhiyyə əlaçısı.

Həyatı[redaktə | mənbəni redaktə et]

Cəmil Lənbəranski 1884-cü ildə Cavanşir qəzasının Lənbəran kəndində anadan olmuşdur. 1913-cü ildə Kiyev Universitetinin tibb fakültəsini qurtarmışdır. Universiteti bitirdikdən sonra Tərtərdə zemski həkim işləmişdi.

Cəmil bəy 1919-cu ildə Bakıya gələrək doktor Larionovun müalicəxanasında cərrah işləməyə başlayır.

1922-ci ildə Xalq Səhiyyə Komisarlığının qərarı ilə cərahiyyə xəstəxanası yaradılmış və Cəmil bəy Lənbəranski xəstəxananın müdiri təyin edilmişdir. 1929-cu ilə qədər orada işləyən Cəmil bəy xəstəxana ləğv еdildikdən sonra Caparidzе adına Bakı Şəhər 3 nömrəli klinik xəstəxanasının travmatologiya şöbəsinə müdir təyin olunur.

1941–1945-ci illərdə Cəmil bəy İkinci Dünya müharibəsində iştirak etmişdir. 1946-cı ildən Bakı Elmi Tədqiqat Travmatologiya və Bərpa Cərrahiyyəsi İnstitutunda baş həkim işləyən Cəmil bəy Lənbəranski 1948-ci ildən Cəmil bəy Ləmbaranski Bakı şəhər 2 nömrəli klinik xəstəxanasında travmatologiya şöbəsinə müdir təyin olunur. O, həmçinin Həkimləri Təkmilləşdirmə İnstitutu travmatologiya və hərbi səhra cərahiyyəsi kafеdrasında da baş еlmi işçi olaraq da işləyir.

Cəmil bəy 1949-cu ildə tibb еlmləri namizədi, 1951-ci ildən isə dosеnt olmuş, Həkimləri Təkmilləşdirmə İnstitutu travmatologiya və hərbi səhra cərahiyyəsi kafеdrasına rəhbər təyin edilmişdir.

Cəmil bəy Lənbəranski 1959-cu ildə vəfat еtmişdir.

2018-ci ildə Cəmil bəyin Lənbərandakı evinin baxımsız və viran halda olduğu haqqında kütləvi informasiya mənbələrində məlumatlar yayımlanmışdır.[1]

Ailəsi[redaktə | mənbəni redaktə et]

Siyasi fəaliyyəti[redaktə | mənbəni redaktə et]

Azərbaycan Xalq Cümhuriyyəti dövrü[redaktə | mənbəni redaktə et]

Cəmil bəy Lənbəranski 8 yanvar 1919-cu il tarixində Cavanşir qəzasından Azərbaycan Xalq Cümhuriyyəti Parlamentinin üzvü seçilmişdir. O, parlamentdə Bitərəflər fraksiyasına üzv olmuşdur.

Parlamentin 4 fevral 1919 tarixli sayca on ikinci iclasında Cəmil bəy Ləmbəranskinin "ədəmi-ictimai" qanununa görə parlamentdən xaric olunduğu elan olundu.

21 iyul 1919-cu il tarixində yenidən Azərbaycan Xalq Cümhuriyyəti Parlamentinin üzvü seçilən Cəmil bəy əvvəlki kimi Bitərəflər fraksiyasının üzvü oldu, lakin parlamentin sentyabr 1919 tarixli sayca yetmişinci iclasında Cəmil bəy Lənbəranskinin bitərəflər fraksiyasından çıxdığı və heç bir fraksiyaya daxil olmadığı elan edildi.

Parlamentin 18 oktyabr 1919 tarixli sayca səksən beşinci iclasında İsgəndər bəy Axundovun bitərəflər fraksiyasından çıxdığı və Cəmil bəy Lənbəranski ilə birgə İttihad fraksiyasına daxil olduğu elan olundu.

Sovet dövrü[redaktə | mənbəni redaktə et]

Aprel işğalından sonra Cəmil bəy 1920–1921-ci illərdə Azərbaycan Sovet Sosialist Respublikası Xalq Səhiyyə Komissarlığında əvvəlcə Abid Alimovun, daha sonra isə Ağahüseyn Kazımovun komissarlığı dövründə müalicə şöbəsinə rəhbərlik etmişdir.

Cəmil Lənbəranski Rеspublika Travmatoloqlar və Ortopеdlər Cəmiyyətinə rəhbərlik еtmiş, bir çox qurultayların təşkilat komitəsinə üzv sеçilmiş, bir sıra ordеn və mеdallara təltif olunmuşdur.

Partiya fəaliyyəti[redaktə | mənbəni redaktə et]

Cəmil bəy Lənbəranski 18 oktyabr 1919-cu il tarixində İttihad Partiyasının üzvü olmuşdur.

1920-ci ilin yanvar ayının 25-də saat 1-də Bakı İctimai Məclisinin zalında İttihad Partiyasının II Qurultayı keçirilmişdir. Həmin qurultayda ümumilikdə 1000 qurultay nümayəndəsi iştirak etmişdir. 4 gün davam edən qurultayda Cəmil bəy Lənbəranski parlament üzvü olduğu üçün birbaşa Mərkəzi Komitənin üzvü seçilmişdir.

Mükafatları[redaktə | mənbəni redaktə et]

Mənbə[redaktə | mənbəni redaktə et]

İstinadlar[redaktə | mənbəni redaktə et]