Elşən Sultanlı
Elşən Sultanlı Nazim oğlu | |
---|---|
Şəxsi məlumatlar | |
Doğum tarixi | |
Doğum yeri | |
Vəfat tarixi | (19 yaşında) |
Vəfat yeri | |
Dəfn yeri | |
Vətəndaşlığı | Azərbaycan |
Hərbi fəaliyyəti | |
Mənsubiyyəti | Azərbaycan Ordusu |
Qoşun növü | Quru Qoşunları |
Xidmət illəri | 2019-2020 |
Rütbəsi | Əsgər |
Döyüşlər |
İkinci Qarabağ müharibəsi • Madagizin azad edilməsi |
Təltifləri | 2021 2020 2021 2021 |
Elşən Sultanlı Nazim oğlu (15 fevral 2001, Teşkan, Yardımlı rayonu – 17 oktyabr 2020, Suqovuşan, Tərtər rayonu) — İkinci Qarabağ müharibəsişəhidi.
Mündəricat
Həyatı[redaktə | mənbəni redaktə et]
Elşən Yardımlının ən ucqar kiçik bir kəndində - Teşkanda anadan olmuşdu. O, Böyük İkinci Qarabağ müharibəsindən əlil kimi qayıdan atasının babası Məşədi Bəhmənin müharibənin dəhşətlərindən bəhs edən söhbətlərini babası Təzəxandan eşitmişdi. Ağlı kəsəndən həmişə, "mən Bəhmənin nəvəsiyəm, böyuyəndə torpaqlarımızı azad edəcəyəm" deyirdi.
İlk sinif müəllimi Muxtar müəllim də Elşəni çox vətənpərvər bir uşaq kimi xatırladığını deyir. Muxtar müəllim sinifdə torpaqlarımızın işğal olunmasından, xüsusilə Xocalı faciəsindən söhbət edəndə onun necə həyəcanlandığından söhbət açır. Hər belə söhbətlərdən sonra o ayağa duraraq, "mən böyüyəndə gedib qisasımızı alacam, torpaqlarımızı ermənilərdən azad edəcəm" deyirmiş.
Elşənin uşaq təxəyyülünə görə, kim istəsə, gedib torpaqlarımızı azad edə bilərdi, təki əlində silahı olsun. Elə buna görə də o evdə özünə ağacdan müxtəlif silahlar düzəldirdi. Elşən 2007-ci ildə doğulduğu Teşkan kənd ibtidai məktəbinin 1-ci sinfinə getmiş, ilk müəllimi də Müəllimlər İnstitutunu yenicə qurtarıb doğma kəndlərinə bir il əvvəl təyinat almış və indi həm qürur hissi, həm də kədər içində gözəl xatirələr söyləyən Muxtar Əliyev olmuşdu. Elşən kəndlərində ibtidai sinifləri bitirdikdən sonra 10 kilometr uzaqda yerləşən Separadi məktəbində orta təhsilini başa vurmuşdu.
7 nəfərdən ibarət olan ailələri çətinliklə dolanırdı. Atası və anası heç yerdə işləmirdi. Özündən başqa 3 qardaşı və bir bacısı vardı. Ailənin ikinci övladı olan Elşən 15.02.2001-ci ildə anadan olmuşdu. 2017-ci ildə Separadi kənd orta məktəbini bitirmiş, 2019-cu il aprel ayında əsgəri xidmətə yola düşmüşdü. O, xidmətə yola düşəndə çox sevinirdi, arzularının reallaşacağına çox inanırdı. Hərbi xidmətini nümunəvi şəkildə yerinə yetirirdi və artıq başa düşürdü ki, müharibənin başlaması, qəhrəmanlıq göstərməsi üçün fürsət qazana bilməsi təkcə onun arzusundan asılı deyil. Bunun üçün şərait yetişməli və əmr olmalıdır. Əsgəri xidmət davam edir, əmr isə verilmirdi. Nümunəvi xidmətini nəzərə alaraq onu 2019-cu il noyabrın 9-da 10 günlük məzuniyyətə buraxdılar.
Müharibə başlayanda hərbi xidmətini başa vurmasına cəmi 3 gün qalırdı. Tərxis olunması barədə əmr də çıxmışdı. Sanki müharibə onun arzusuna çatması üçün 3 gün tez başladı. Elşən telefonla evlə əlaqə saxlayanda sevincini gizlətmirdi. Həmişə evdəkilərə "narahat olmayın, erməniləri qırırıq, mən babam kimi qəhrəman olacağam, Qarabağı almasam, gəlməyəcəm" deyirdi.
Elşənin Tərtər rayonunun Qapanlı kəndindən başlayan döyüş yolu Talış və Suqovuşan kəndlərinə qədər davam etdi. Sonra Elşənin də daxil olduğu hərbi hissə oktyabr ayının 15-də Tərtər-Ağdərə istiqamətindəki digər bir mövqe uğrunda döyüşlərə əlavə qüvvə kimi geri qaytarıldı. Elşən oktyabr ayının 16-da bu istiqamətdə gedən ağır döyüşlərdə qəhrəmanlıqla döyüşərək şəhidlik zirvəsinə ucaldı.
Şəhid Elşən Sultanlı haqqında mətbuatda dərc olunan məqalə
Hərbi xidməti[redaktə | mənbəni redaktə et]
Azərbaycan Ordusunun əsgəri olan Elşən Sultanlı 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsi zamanı Madagizin azad edilməsində vuruşaraq həlak olmuşdur.[1]
Azərbaycanın ərazi bütövlüyünün bərpa edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elşən Nazim oğlu Sultanlı ölümündən sonra "Vətən uğrunda" medalı ilə təltif edildi.
Təltifləri[redaktə | mənbəni redaktə et]
- — 3-cü dərəcəli "Vətənə xidmətə görə" ordeni (05.11.2022)(ölümündən sonra)
- (15.12.2020) — "Vətən uğrunda" medalı (ölümündən sonra)[2]
- 2021 (2021) — "Suqovuşanın azad olunmasına görə" medalı (ölümündən sonra) [3]
- 2021 (2021) — "Cəsur döyüşçü" medalı (ölümündən sonra) [4]
İstinadlar[redaktə | mənbəni redaktə et]
- ↑ "İkinci Qarabağ müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Respublikası Müdafiə Nazirliyinin rəsmi saytı). 08.12.2020. 2022-05-16 tarixində arxivləşdirilib (PDF). İstifadə tarixi: 22.12.2020.
- ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (Azərbaycan Prezidentinin rəsmi saytı). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
- ↑ Sitat səhvi: Yanlış
<ref>
teqi;Su
adlı istinad üçün mətn göstərilməyib - ↑ Sitat səhvi: Yanlış
<ref>
teqi;Cesur
adlı istinad üçün mətn göstərilməyib
- 19 fevralda doğulanlar
- 2001-ci ildə doğulanlar
- Yardımlı rayonunda doğulanlar
- 19 yaşında vəfat edənlər
- 16 oktyabrda vəfat edənlər
- 2020-ci ildə vəfat edənlər
- Suqovuşanda (Ağdərə) vəfat edənlər
- Yardımlı rayonunda dəfn olunanlar
- Azərbaycan Silahlı Qüvvələrinin əsgərləri
- 3-cü dərəcəli "Vətənə xidmətə görə" ordeni ilə təltif edilənlər
- "Vətən uğrunda" medalı ilə təltif edilənlər
- "Suqovuşanın azad olunmasına görə" medalı ilə təltif edilənlər
- "Cəsur döyüşçü" medalı ilə təltif edilənlər
- Əlifba sırasına görə hərbi xadimlər
- 15 fevralda doğulanlar
- 17 oktyabrda vəfat edənlər
- İkinci Qarabağ müharibəsində Azərbaycan tərəfdən həlak olanlar