Müşviq Abbasov

Müşviq Abbasov
Müşviq Qabil oğlu Abbasov
Şəxsi məlumatlar
Ləqəbi	Abdal Müşviq
Doğum tarixi	16 aprel 1970
Doğum yeri	Abdal Gülablı, Ağdam, Azərbaycan
Vəfat tarixi	5 oktyabr 2020 (50 yaşında)
Vəfat yeri	Qərvənd, Ağdam, Azərbaycan
Dəfn yeri	Ağdam Şəhidlər Xiyabanı
Vətəndaşlığı	Azərbaycan
Uşağı	İntiqam Abbasov Şamil Abbasov ƏLİ ABBASOV
Atası	Qabil Abbasov
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	1991-1994; 2020
Rütbə	Əsgər
Döyüşlər	Birinci Qarabağ müharibəsi Vətən müharibəsi
Təltifləri

Müşviq Qabil oğlu Abbasov (16 aprel 1970; Abdal Gülablı, Ağdam, Azərbaycan — 6 oktyabr 2020; Qərvənd, Ağdam, Azərbaycan) — Azərbaycan Silahlı Qüvvələrinin əsgəri, Vətən müharibəsinin şəhidi.

Həyatı və I Qarabağ müharibəsində iştirakı

Əsgər Müşviq Abbasov 16 aprel 1970-ci ildə Ağdam rayonunun Abdal Gülablı kəndində anadan olmuşdur. Orta təhsilini bitirdikdən bir müddət sonra Qarabağ müharibəsi başlamış və 2 qardaşı ilə birgə Müşviq də könüllü olaraq həmin müharibədə döyüşməyə başlamışdı. O, bir çox döyüşlərdə və hərbi əməliyyatlarda iştirak etmiş, Ağdam şəhərinin kəşfiyyat komandiri təyin edilmişdi.

Şəhid Müşviq Abbasov hərbi xidmətdə ikən

Müharibə bitdikdən sonra məcburi köçkün həyatı sürən Müşviq ailəsi ilə birgə Mingəçevirə köçmüş və burada yaşamışdır. 31 mart 1998-ci ildə İntiqam adlı və 31 yanvar 2000-ci ildə Şamil adlı oğlu dünyaya gəlmişdir.

Vətən Müharibəsi

Tovuz döyüşləri zamanı hərbi komissarlığa oğulları ilə birgə getsə də, onu qəbul etmədilər. 26 sentyabr 2020-ci ildə hərbi komissarlığa çağırılan Müşviq Abbasov və 2 oğlu bir gün sonra, 27 sentyabr 2020-ci ildən könüllü olaraq Vətən müharibəsində döyüşə başladılar. Kiçik oğlu Şamil atası ilə çiyin-çiyinə döyüşmüş, böyük oğlu İntiqam isə Suqovuşanda N saylı hərbi hissənin kəşfiyyat bölüyünün baş kəşfiyyatçısı olaraq döyüşlərdə iştirak etmişdir. Müşviq Ağdam istiqamətində bir çox hərbi əməliyyatlarda müvəffəqiyyətlər qazanmışdır. 5 oktyabr 2020-ci ildə Ağdam rayonunun Qərvənd kəndi istiqamətində gedən döyüşlərdə könüllü əsgər Abbasov Müşviq Qabil oğlu qəhrəmancasına Şəhid olmuşdur.

Ağdam Şəhərinin Şəhidlər Xiyabanında dəfn olunmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Müşviq Abbasov ölümündən sonra "Vətən uğrunda" medalı ilə təltif edildi.

Təltifləri

(15.12.2020) — "Vətən uğrunda" medalı (ölümündən sonra)

Xarici keçidlər

1. Ağdamlı ailənin Vətən sevgisi - İki oğlu ilə könüllü cəbhəyə yollanan Müşviq Abbasov Arxivləşdirilib 2021-01-16 at the Wayback Machine. 04.12.2020
2. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı" 15.12.2020.