Murad Gözəlov

Vikipediya, azad ensiklopediya
Jump to navigation Jump to search
Murad Gözəlov
Murad Gözəlov.jpg
Şəxsi məlumatlar
Doğum tarixi
Doğum yeri Həsənabad qəsəbəsi, Neftçala rayonu, Azərbaycan
Vəfat tarixi (25 yaşında)
Vəfat yeri Qubadlı, Azərbaycan
Vəfat səbəbi Şəhid olmuşdur
Dəfn yeri Neftçala rayonu, Azərbaycan
Vətəndaşlığı Azərbaycan Azərbaycan
Atası Zabil Gözəlov
Anası Mədinə Gözəlova
Təhsili
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Xüsusi Təyinatlı Qüvvələr
Xidmət illəri 2014—2016 / 2020
Rütbə
Azərbaycan Silahlı Qüvvələrinin Quru Qoşunlarının əsgəri.png Əsgər
Döyüşlər Vətən müharibəsi
 • Cəbrayıl uğrunda döyüşlər
 • Qubadlı uğrunda döyüşlər
Təltifləri "Vətən uğrunda" medalı — 2020 "Cəbrayılın azad olunmasına görə" medalı — 2020 "Qubadlının azad olunmasına görə" medalı — 2020

Murad Zabil oğlu Gözəlov (12 may 1995; Həsənabad, Neftçala rayonu, Azərbaycan5 noyabr 2020; Qubadlı, Azərbaycan) — Xüsusi Təyinatlı Qüvvələrin əsgəri, 2-ci Qarabağ müharibəsinin şəhidi.

Həyatı[redaktə | əsas redaktə]

Murad Gözəlov 12 may 1995-ci ildə Neftçala rayonunun Həsənabad qəsəbəsində anadan olub. 2001-ci ildə Şəmsəddin Orucov adına Həsənabad qəsəbə tam orta məktəbə daxil olmuşdur. 2010-cu ildə məktəbi bitirmişdir. 2010-cu ildə Azərbaycan Dövlət Neft və Sənaye Universitetinin nəzdində Bakı Neft-Energetika Kollecinə Neft və Qaz emalı fakültəsinə qəbul olur. 2014-cü ildə kollec təhsilini bitirmişdir.

Şəxsi həyatı[redaktə | əsas redaktə]

Subay idi.
Atası - Zabil Gözəlov 2 mart 1964-cü ildə Neftçala rayonunda anadan olmuşdur.
Anası - Mədinə Gözəlova 14 iyul 1972-ci ildə Neftçala rayonunda anadan olmuşdur.
Qardaşı - Orxan Gözəlov 21 sentyabr 1997-ci ildə Neftçala rayonunda anadan olmuşdur.

Karyerası[redaktə | əsas redaktə]

Murad Gözəlov 2016-cı ildə hərbi xidməti uğurla başa çatdırdıqdan sonra müxtəlif vəzifələrdə çalışır. 2018-ci ilin mart ayından "Neftçala Operating Company LTD" şirkətində operator olaraq işə başlayır. karyerasında daim uğur qazanan Murad, neftin hazırlanması və sabitləşdirilməsi üzrə mütəxəssis vəzifəsinə yüksəlir. Karyerasında qazandığı uğurlar onun təhsil həyatından da yan keçmir. 2020-ci ildə Ali təhsil müəssisələrinə qəbul imtahanları zamanı arzusunda olduğu Azərbaycan Dövlət Neft və Sənaye Universitetinin Neft-Qaz Mühəndisliyi fakültəsinə qəbul olur.

Hərbi xidməti[redaktə | əsas redaktə]

Murad Gözəlov 2014-cü ildə kollec təhsilini bitirərək hərbi xidmətə yollanmışdır. Murad Tərtər şəhərinin Xüsusi Təyinatlı Kəşfiyyat taboruna müddətli həqiqi hərbi xidmətə çağırılıb. Hərbi xidmətini Baş kəşfiyyatçı kimi xidmət edir. 2016-cı ildə hərbi xidmətini uğurla başa vurmuşdur.

İkinci Qarabağ müharibəsində iştirakı[redaktə | əsas redaktə]

Murad Gözəlovun məzarı

Azərbaycan Silahlı Qüvvələrinin müddətli həqiqi hərbi xidmət hərbi qulluqçusu olan Baş kəşfiyyatçı Murad Gözəlov 2020-ci il sentyabrın 27-də AzərbaycanErmənistan arasında başlanan 2-ci Qarabağ müharibəsi zamanı, sentyabrın 20-də könüllü olaraq döyüşlərə qatılır. Kəşfiyyat qrupunda döyüşən Murad mərdliyi, rəşadəti ilə seçilmiş, döyüşün fəal iştirakçılarından olmuşdur. Murad Gözəlov oktyabr ayının 30-da Qubadlı uğrunda gedən döyüşlərdə qəhrəmancasına vuruşaraq şəhidlik zirvəsinə yüksəlmişdir.[1] Murad Gözəlov noyabr ayının 5-də Neftçala rayonunda dəfn olunmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Murad Gözəlov ölümündən sonra "Vətən uğrunda" medalı ilə təltif edildi.

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən Murad Gözəlov ölümündən sonra "Cəbrayılın azad olunmasına görə" medalı ilə təltif edildi.

Azərbaycanın Qubadlı rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Murad Gözəlov ölümündən sonra "Qubadlının azad olunmasına görə" medalı ilə təltif edildi.

Təltif və mükafatları[redaktə | əsas redaktə]

Qalereya[redaktə | əsas redaktə]

İstinadlar[redaktə | əsas redaktə]

  1. "Vətən müharibəsində şəhid olan hərbi qulluqçuların siyahısı" (PDF)(azərb.)). 08.12.2020. 2020-12-08 tarixində arxivləşdirilib (PDF). İstifadə tarixi: 08.12.2020.
  2. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (Azərbaycan Prezidentinin rəsmi saytı)(azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  3. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı". www.e-qanun.az (Normativ hüquqi aktların vahid internet elektron bazası)(azərb.)). 24.12.2020. 2020-12-24 tarixində arxivləşdirilib. İstifadə tarixi: 24.12.2020.
  4. "Azərbaycan Silahlı Qüvvələrinin hərbi qulluqçularının "Qubadlının azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.e-qanun.az (Normativ hüquqi aktların vahid internet elektron bazası)(azərb.)). 29.12.2020. 2021-12-29 tarixində arxivləşdirilib. İstifadə tarixi: 29.12.2020.