Böyük Bazar məscidi

Vikipediya, azad ensiklopediya
Naviqasiyaya keçin Axtarışa keçin
Böyük Bazar məscidi
Xəritə
38°44′57″ şm. e. 48°51′04″ ş. u.
Ölkə  Azərbaycan
Şəhər Lənkəran
Yerləşir Böyük bazar məhəlləsi
Tikilmə tarixi 1864
Vəziyyəti stabil
İstinad nöm.4805
KateqoriyaMəscid
ƏhəmiyyətiYerli əhəmiyyətli
Böyük Bazar məscidi (Azərbaycan)
Böyük Bazar məscidi
Vikianbarın loqosu Vikianbarda əlaqəli mediafayllar

Böyük Bazar məscidiAzərbaycanın Lənkəran rayonunun inzibati mərkəzində, Böyük bazar məhəlləsində yerləşən tarixi-memarlıq abidəsi. Məscidin uzunluğu 31,5 metr, eni 12,7 metrdir. 1929-cu ilədək altı təkyəsi olmuşdur.[1]

Lənkəran şəhərinin mərkəz hissəsində yerləşən Böyük Bazar məscidi XIX əsrdə inşa olunub. Tikilinin təşəbbüskarları və baniləri Böyük Bazarda tanınmış ziyalı şəxsiyyətlərdən olan Kərbəlayi Qulu, Kərbəlayi Ağaqulu, Hacı Mirağa və Böyük Bazar camaatı olub. Bu məscidin 1929-cu ilədək altı böyük təkyəsi olmuşdur. Həmin təkyələrə onu inşa edən şəxslərin adları verilib. Çox təəssüf ki, Kərbəlayi Hüseynin, general Hacı Mirabbas xan Talışinskinin, Kərimovların, Hacı Manafin və Hacı Ələsgərin təkyələri otuzuncu illərdə öz görkəmini itirib və dağıdılmışdır. Yalnız Hacıağa Əkbərovun təkyəsi bu günə kimi qorunub saxlanılıb. Məscid fəaliyyətə başlayan ilk gündən ona molla Mirəhməd axund, Şeyx Hüseyn axund, molla Ağabala axund, molla Vəli axund, Mirzə Məmmədhüseyn axund başçılıq edib. Məscidin inşasında qiymətli meşə məmulatlarından istifadə edilmişdir. Məscidin hörgü işləri bişmiş kərpicdəndir, üstü isə kirəmitlə örtülmuşdür. Məscidin içərisində əsas yeri camaatın namaz qılması üçün geniş zal tutur. Sovet hakimiyyəti dövründə Böyük Bazar məscidindən anbar, kitabxana, şəkil qalereyası kimi istifadə olunub. Ancaq bütün bunlara baxmayaraq məscid ilkin görünüşünü saxlayıb və hətta ona bəzi əlavələr də olunmuşdur.[2][3][4] Sahəsi 500 kv. metr, tutumu 550 nəfərdir. Məscid əsas və yardımçı binalardan ibarətdir. Sovet dövründə dağıdılmış minarəsi 1995-ci ildə yenidən bərpa edilmişdir. Minarənin hündürlüyü 36 metrdir. Məsciddə kanalizasiya və istilik sistemləri mövcuddur. Burada hətta ibadət edənlərin təhlükəsizliyini təmin etmək üçün təhlükəsizlik kameraları quraşdırılmışdır. Məsciddə Dövlət Komitəsindən qeydiyyatdan keçmiş dini icma fəaliyyət göstərir. Ölkə əhəmiyyətli tarixi abidə kimi Mədəniyyət və Turizm Nazirliyi tərəfindən qorunur.[5] Məscidin girəcəyində mərmər lövhədə kiril əlifbası ilə "Məscidi 1864-cü ildə Hacı Mirağa Mirtağızadə Lənkəranlı tikdirmişdir" yazısı vardır. Bir minarəsi var.

Şəkilləri[redaktə | mənbəni redaktə et]

İstinadlar[redaktə | mənbəni redaktə et]

  1. "Lənkəran Ensiklopediyası: Məlumat" (PDF). 2019-04-06 tarixində arxivləşdirilib (PDF). İstifadə tarixi: 2019-05-15.
  2. "GeoMap". 2023-07-04 tarixində arxivləşdirilib. İstifadə tarixi: 2012-02-12.
  3. Lənkəran[ölü keçid]
  4. Azərpoçt[ölü keçid]
  5. "Dini Qurumlarla İş Üzrə Dövlət Komitəsi". 2021-07-21 tarixində arxivləşdirilib. İstifadə tarixi: 2018-05-22.

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]