Dağıstan azərbaycanlıları

Dağıstan azərbaycanlıları — Rusiya Federasiyasının Dağıstan Respublikasında yaşayan azərbaycanlılar. Yerli azsaylı xalq statusuna malikdirlər.

Məskunlaşma

Rəsmi sayları 111,656 nəfər , qeyri-rəsmi 200,000 nəfərdir (2002 s.a.). Rəsmən Dağıstan əhalisinin 4.33%-ni təşkil edirlər. Kompakt halda Dərbənd şəhərində (rəsmən əhalinin 31,7%-i), Dağıstan İşıqları şəhərində (əhalinin 26,3%-i) , Qızılyar şəhərində (əhalinin 1,8%-i) , Dərbənd rayonunda (əhalinin 58.1%-i) , Tabasaran rayonunda (10,441 nəfər və ya əhalinin 19%-i), Rutul rayonunda (əhalinin 2,6%-i) və Qızılyar rayonunda (əhalinin 2,6%-i) yaşayırlar.

• Dərbənd rayonu: rayonun 38 kəndi və 2 qəsəbəsi var. Onların hər birində azərbaycanlılar yaşayırlar. Kəndlərdən 16-sı elliklə azərbaycanlılardan ibarətdir və monoetnik tərkibə sahibdir. Bu kəndlərdən əlavə daha 8 kənddə əhalinin yarıdan çoxu etnik azərbaycanlılardan ibarətdir. Qalan kəndlərdə isə azərbaycalılar azlıqadadırlar: Bərəkəy, Dəliçoban, Vəlikənd, Yuxarı Calğan, Aşağı Calğan, Sabnova, Cəmikənd, Zidyan-Qazmalar, Zidyan, Mitəhi-Qazmalar, Mitəhi, Qala, Muğartı, Müzayim, Padar, Kommuna, Rükəl, Tatlar, Qaradağlı, Bilhədi, Bilici, Ərəblər, Hecux, Çinar, Nüğdi, Rubas, Səlik, Ullu-Tərəkəmə, Xəzər.
• Tabasaran rayonu: rayon əhalisi tamamiylə kəndlərdə yaşayır, belə ki rayon ərazisində şəhər və ya qəsəbələr yoxdur. Rayonda ümumilikdə 74 kənd mövcuddur. Azərbaycanlılar Tabasaran rayonunun tərkibnə daxil olan bir çox kənddə yaşamaqdadırlar, onlardan 8-i monoetnik azərbaycanlı kəndləridir : Məhrağa, Sanaq, Hili-Pənci, Yersi, Zil, Ərək, Darvaq, Yekrax
• Rutul rayonu: Aşağı Qatrux
• Qızılyar rayonu: Böyük Bredixin (Bolşebredixinskoye), Persidskoye

2002-ci il s.a. əsasən Dağıstanın inzibati vahidlərində azərbaycanlıların sayları

İnzibati vahid	Ərazisi	Əhalisi	Azərbaycanlılar
Ümumi	50,278 km²	2,576,531	111,656
Dərbənd rayonu	821 km²	86,494	50,247
Dərbənd ş.	69,6 km²	101,031	32,064
Dağıstan İşıqları ş.	9,3 km²	26,346	6,917
Mahaçqala ş. və ş.a.	498 km²	545,258	6,750
Qızılyar ş.a.	32,3 km²	51,024	892
Xasavyurd ş.	38,5 km²	121,817	765
Kaspiysk ş.	32,9 km²	77,650	676
Buynaksk ş.	20,95 km²	61,437	403
İzberbaş ş.a.	22,9 km²	40,987	395
Qızılyurd ş.a.	23,7 km²	47,679	94
Yujno-Suxokumsk ş.	91,7 km²	9,777	52
Babayurd rayonu	3262,3 km²	41,331	24
Qaytaq rayonu	678,24 km²	26,870	23
Doqquzpara rayonu	376,9 km²	14,330	22
Qunib rayonu	609,5 km²	25,106	13
Buynaksk rayonu	1842,09 km²	65,018	10
Axtı rayonu	1120 km²	31,592	8
Dahadayev rayonu	760,4 km²	38,359	4
Ağul rayonu	793,5 km²	11,290	3
Botlix rayonu	687,9 km²	50,469	3
Gergebil rayonu	341,9 km²	18,366	1
Kazbek rayonu	583,8 km²	33,140	1