Elizabet Tüdor

Vikipediya, açıq ensiklopediya
Jump to navigation Jump to search
Elizabet Tüdor
Lalə Həssənbərg
Fotoqrafiya
Təxəllüsü Elizabet Tüdor
Doğum tarixi 26 iyul 1978(1978-07-26)
Doğum yeri Bakı, Azərbaycan
Vətəndaşlığı
Milliyyəti azərbaycanlı
Təhsili
Fəaliyyəti yazıçı
Əsərlərinin dili Rus
İlk əsəri “Zamanların savaşı”
elizabeth-tudor.com

Elizabet Tüdor (d. 26 iyul 1978, Bakı) — azərbaycanlı yazıçısı.

Həyatı[redaktə | əsas redaktə]

Lalə Həssənbərg 1978-cı il iyulun 26-da Bakı şəhərində anadan olub.

Azərbaycan Beynəlxalq Universitetinin hüquqşünaslıq fakültəsini bitirib. Daha sonra Florida Beynəlxalq Universitetinin cinayət hüququ fakültəsini və Mayami Universitetinin hüquqşünaslıq fakültəsini bitirib.

Bədii yaradıcılığa uşaq yaşlarından başlayan Lalə Həssənbərg 1994-cü ildən fantastika janrında əsərlər yazmağa üstünlük verib. Müəyyən müddət ixtisası üzrə vəkillik karyerası qurmağı düşünsə də, 1998-ci ildən o özünü bədii yaradıcılğa həsr edir. Yazıçı bütün əsərlərini rus dilində yazır. Onun ədəbi təxəllüsü isə Elizabet Tüdordur.

Yaradıcılığı[redaktə | əsas redaktə]

Onun ilk kitabı – “Zamanların savaşı” 2001-ci ildə “Azərnəşr” də işıq üzü görüb. Fantasik janrda yazılan kitabın uğuru fonunda fantast-yazıçını 2002-cui ildə Azərbaycan Yazıçılar Birliyinə üzv qəbul ediblər.

Elə həmin il Elizabet Tüdorun macəra və fantastika janrında yazdığı kiçik hekayələr toplusu olan “Qatil Çuopakabra” kitabı işıq üzü görüb. Ardınca gənc müəllif elmi-fantastika janrında yazılan “Səmaların seçilmişləri” romanını nəşr etdirir.

2003-cü ildə də məhsuldar yaradıcılığını davam etdirən Elizabet Tüdor “Xəzərin sualtı sirləri” tarixi-fantastik romanını yazır. Demək olar ki, hər il Elizabet Tüdor imzası ilə bir kitab nəşr etdirən Lalə Həssənbərg yalnız Azərbaycandakı deyil, bütövlükdə MDB məkanındakı rusdilli auditoriyanın marağını qazanıb.

2007-ci ildə yazdığı “Kolliziya” romanını isə o zamanalr Kaliforniyanın qubernatoru səlahiyyətlərini icra edən məşhur kinoakytor Arnold Şvartseneggerə həsr edib.

2008-ci ildən isə Elizabet Tüdor 12 xilaskar qəhrəmandan bəhs edəcək 13 cildlik silsilə romanlar yazmağa başlayır. Onların arasında “Kevin Konnor”, “Aron Şmuel” və "Barak Kellerman" kimi əcnəbi qəhrəmanlar olmaqla yanaşı, həm də azərbaycanlı “Abbas Ələkbərov” obrazı da var. Yeri gəlmişkən, Abbas Ələkbərovun macərlarından bəhs edən elmi-famntastik roman 2016-cü ildə işıq üzü görəcək.

Müəllifin gələcəklə bağlı planları zəngindir. Hazırda ABŞ-ın Florida ştatındakı Mayami şəhərində yaşayan Lalə Həssənbərg bununla belə, tarixi vətəni Azərbaycanla əlaqələrini itirmir. Əksinə Azərbaycanda ədəbi festivalların sıx-sıx keçirilməsini, rus dilinin populyarlaşmasını və istedadlı yazıçıların ölkə sərhədlərindən kənarda tanınmasını azru edir.

Elizabet Tüdor 18-dən artıq kitabrın müəllifidir, ABŞ-ın Müəlliflər gildiyasının,[1] Beynəlxalq “Broad Universe” [2] fantast-yazıçılar təşkilatının və “Beynəlxalq Rusdilli Yazıçılar Federasioyası”nın üzvüdür [3].

İstinadlar[redaktə | əsas redaktə]

Xarici keçidlər[redaktə | əsas redaktə]