Süleyman Rəhimov

Vikipediya, açıq ensiklopediya
Jump to navigation Jump to search
Süleyman Rəhimov
Fotoqrafiya
Doğum tarixi 9 (22) mart 1900
Doğum yeri Əyin, Zəngəzur mahalı, Yelizavetpol quberniyası, Rusiya İmperiyası
(hazırkı Qubadlı rayonu)
Vəfatı 11 oktyabr 1983(1983-10-11) (83 yaşında)
Vəfat yeri Bakı, Azərbaycan SSR, SSRİ
Dəfn yeri Fəxri Xiyaban
Uşaqları oğulları:
Oqtay, Şamo, Arif, Aqil
qızları:
Şəfiqə, Rəfiqə
Vətəndaşlığı Flag of Russia.svg Rusiya İmperiyası
Flag of Azerbaijan.svg AXC
Flag of the Soviet Union.svg SSRİ
Peşəsi yazıçı
Təhsili BDU
Fəaliyyət illəri 1930–1983
Əsərlərinin dili Azərbaycan dili
Mükafatları Sosialist Əməyi Qəhrəmanı  — 1975
"Lenin" ordeni  — 1946 "Lenin" ordeni  — 1970 "Lenin" ordeni  — 1975
"Qırmızı Əmək Bayrağı" ordeni (SSRİ)  — 1959 "Şərəf Nişanı" ordeni  — 1942 SU Order of Friendship of Peoples ribbon.svg

Süleyman Hüseyn oğlu Rəhimov (9 (22) mart 1900, Əyin, Zəngəzur qəzası, Yelizavetpol quberniyası, Rusiya İmperiyası11 oktyabr 1983(1983-10-11), Bakı, Azərbaycan SSR, SSRİ) — Azərbaycan-sovet yazıçısı, nasiri, siyasətçisi, 1938-ci ildən Azərbaycan Yazıçılar Birliyinin üzvü, Azərbaycanın xalq yazıçısı (1960), Sosialist Əməyi Qəhrəmanı (1975).

Həyatı[redaktə | əsas redaktə]

Süleyman Rəhimov 1900-cü ilin 22 martında Zəngəzur mahalının (hazırkı Qubadlı rayonu) Əyin kəndində anadan olmuşdur. İbtidai təhsilini ikisinifli rus məktəbində almışdır. İlk təhsilini kənddə almış, sonralar texnikum və ali məktəb bitirmişdir. 1921-ci ildə Xanlıq kəndində yeni açılmış məktəbdə müəllim işləməyə başlamışdır. Şuşada pedaqoji kursda oxuduqdan sonra uzun müddət Zəngəzur mahalının müxtəlif rayonlarında müəllimlik etmişdir.

1928-ci ilin payızında dostu Əli Vəliyevlə Bakıya gələrək Azərbaycan Dövlət Universitetinin tarix fakültəsində təhsil almış, eyni zamanda Qaraşəhərdə ikinövbəli savad kursunda yaşlı fəhlələrə dərs demişdir.

Ədəbi fəaliyyətə 1930-cu ildən başlayan Süleyman Rəhimovun ilk əsəri "Şamo"dur. Bununla belə o 50 il bu əsərinin üzərində işləmiş və ona əlavələr etmişdir. Onun ən tanınmış əsərlərindən biri də "Qara torpaq və sarı qızıl"dır. İndi bu əsər 5-ci sinif ədəbiyyatlarda istifadə olunur.

Süleyman Rəhimov 1939-1940, 1944-19461954-1958-ci illərdə Azərbaycan Yazıçılar Birliyinin sədri olmuşdur. Azərbaycanın Laçın, Samux, Şahbuz və Noraşen rayonlarında rəhbər partiya işlərində çalışmışdır (1934-1937). Azərbaycan K(b)P Bakı şəhər komitəsində təbliğat üzrə katib (1940-1941), Azərbaycan K(b)P MK-da təbliğat və təşviqat şöbəsinin müdir müavini (1941-1944), Azərbaycan Nazirlər Soveti yanında Mədəni-Maarif İşləri Komitəsinin sədri (1945-1958) vəzifələrində işləmişdir.

Azərbaycan Jurnalistlər İttifaqının "Qızıl qələm" mükafatına (1972) layiq görülmüşdür. Üç dəfə Lenin ordeni (1946, 1970, 1975), "Qırmızı Əmək Bayrağı" (1959), "Şərəf nişanı" (1942) ordenləri və medallarla təltif edilmişdir, 1960-cı ildə xalq yazıçısı, 1975-ci ildə Sosialist Əməyi Qəhrəmanı adlarını almışdır.

1983-cü il oktyabrın 11-də vəfat etmiş, Fəxri xiyabanda dəfn olunmuşdur.

Ailəsi[redaktə | əsas redaktə]

Mükafatları[redaktə | əsas redaktə]

Əsərləri[redaktə | əsas redaktə]

Filmoqrafiya[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Həmçinin bax[redaktə | əsas redaktə]