Qönçəbəyim

Qönçəbəyim
Qönçəbəyim Ehsan xan qızı
Doğum tarixi	1827(1827)
Doğum yeri	Naxçıvan
Fəaliyyəti	şairə
Qönçəbəyim Vikimənbədə

Qönçəbəyim (təqr. 1827, Naxçıvan -?) — Azərbaycan şairəsi.

Həyat və yaradıcılığı

"Naxçıvanın sonuncu xan"ı olan Ehsan xanın qızıdır. 1837 ildə Naxçıvanda açılmış rus məktəbinə daxil olmuş, rus və fars dillərini öyrənmiş, Şərq ədəbiyyatına maraq göstərmişdir. "Qönçeyi-ülfət" ədəbi məclisinin iştirakçılarından olmuşdur. "Bəyim" təxəllüsü ilə lirik şerlər yazmışdır. "Şahzadə İbrahim" dastanına daxil edilən və Bəyimin dilindən deyilən şerlərin bir qisminin ona aidliyi ehtimal olunur. Ehsan xanla tanış olan gürcü şairi N.Barataşvili Naxçıvanda ikən onunla görüşmüş (1845), yaradıcılığı ilə maraqlanmış, ona şeir həsr etmiş ("Qoncabəyimin nəğməsi"), bir şerini gürcü əlifbası ilə köçürərək, tərcümə olunmaq üçün Tiflisə göndərmişdi. O, həmin şerin məclislərdə oxunması üçün xanəndə Səttara və şəkili Cəfərə verilməsini məsləhət görmüşdü. İ.K.Yenikolopovun yazdığına görə, Barataşvilinin ondan tərcümə etdiyi bir şeri xanəndə Səttar gürcü dilində ifa edirmiş.

Naxçıvanskilər

Kəlbəli xan Kəngərli

Ehsan xan Kəngərli (1789—1846)

İsmayıl xan Naxçıvanski (1819—1909)

Kəlbəli xan Naxçıvanski (1824—1883)

Qönçəbəyim (1827—?)

Ehsan xan Naxçıvanski (1855 — 1894)

Cəfərqulu xan Naxçıvanski (1859—1929)

Hüseyn xan Naxçıvanski (1858-1919)

Kəlbəli xan Naxçıvanski (1891—1931)

Cəmşid Naxçıvanski (1895—1938)

Davud xan Naxçıvanski (?—1934)

Xarici keçidlər

• Azərbaycan Qender İnformasiya Mərkəzi . Qönçəbəyim