"Naxçıvan" Universiteti

Vikipediya, açıq ensiklopediya
(Naxçıvan Özəl Universiteti səhifəsindən istiqamətləndirilmişdir)
Keçid et: naviqasiya, axtar

"Naxçıvan" Universiteti - Naxçıvan Muxtar Respublikasında fəaliyyət göstərən özəl universitet.

"Naxçıvan" universiteti

52026 2.jpg
Yaranma tarixi 1999
Tip ali təhsil müəssisəsi
Müəllim sayı 81
Tələbə sayı 1000
Şəhər Naxçıvan
Ölkə Azərbaycan
Koordinat 39°20′00″N 45°30′00″E / 39.33333°N 45.50000°E / 39.33333; 45.50000
Ünvan Babak avenue, 1, Naxçıvan
Vebsayt http://nu.edu.az/index.php?lang=az

Tarixi[redaktə | əsas redaktə]

Naxçıvan Universiteti 1994-cü ildən 1999-cu ilə kimi «Naxçıvan» bazası kimi fəaliyyət göstərmişdir. Azərbaycan Respublikası Ədliyyə Nazirliyi 05 iyul 1999-cu il tarixli 33 saylı şəhadətnamə ilə müəssisəni Naxçıvan Özəl Universiteti adı ilə dövlət qeydiyyatına almışdır. Universitet Azərbaycanın paytaxtı Bakı şəhərindən kənarda yerləşən yeganə özəl ali təhsil ocağıdır[1]. Azərbaycan Respublikasında xüsusi icazə tələb olunan fəaliyyət növlərinin siyahısına uyğun olaraq Naxçıvan Özəl Universitetinə Azərbaycan Respublikası Təhsil Nazirliyinin AB seriyalı 019008, qeydiyyat nömrəsi 08, 11 noyabr 1999-cu il tarixli lisenziya verilmişdir.

Universitetin təsisçisi və rektoru İsmayıl İsrafil oğlu Əliyevdir.

Lisenziyaya uyğun olaraq Naxçıvan Özəl Universitetində çoxpilləli təhsil sisteminin bakalavr və magistr pilləsində mütəxəssis hazırlığı aparılır.

17 illik fəaliyyəti dövründə Naxçıvan Özəl Universitetini 1411 nəfər tələbə bitirmişdir.

Strukturu[redaktə | əsas redaktə]

Universitetdə 4 fakultə, 9 kafedra, 5 şöbə fəaliyyət göstərir. Hazırda universitetin 1000 nəfərə yaxın tələbəsinin təhsili ilə 81 nəfər müəllim məşğuldur. Professor- müəllim heyətinin 2 nəfəri AMEA-nın üzvü, 3 nəfəri elmlər doktoru-professor, 29 nəfəri fəlsəfə doktoru, dosentlərdir.[1]

Rektoru[redaktə | əsas redaktə]

Universitetin rektoru İsmayıl İsrafil oğlu Əliyev 1950-ci ildə Babək rayonunun Təzəkənd kəndində anadan olmuşdur. 1957-ci ildə Naxçıvan şəhər 1 №-li orta məktəbin I sinfinə daxil olmuş, 1967-ci ildə həmin məktəbin X sinfini bitirmiş, 1968-ci ilin sentyabr ayınadək həmin məktəbdə laborant vəzifəsində işləmişdir. 1968-ci ildə Azərbaycan Dövlət Pedaqoji İnstitutu Naxçıvan Filialının dil-ədəbiyyat fakültəsinə daxil olmuş, 1972-ci ildə oranı fərqlənmə diplomu ilə bitirmişdir. 1972-1973-cü illlərdə 32 №-li Texniki-peşə məktəbində Azərbaycan dili və ədəbiyyat müəllimi işləmişdir. 1973-cü ilin mart ayından Naxçıvan Dövlət Pedaqoji İnstitutu (indiki Naxçıvan Dövlət Universiteti) pedaqogika kafedrasında əvvəlcə pedaqoji təcrübə üzrə inspektor, sonradan assistent, müəllim, baş müəllim, dosent, kafedra müdiri, tarix-filologiya fakültə dekanının müavini vəzifəsində işləmişdir. 1988-ci ildə namizədlik, 2003-cü ildə doktorluq dissertasiyaları müdafiə etmişdir. 2002-ci ildə ABŞ Bioqrafiya İnstitutu tərəfindən ilin adamı seçilmişdir. 2005-ci ildən Naxçıvan Dövlət Universiteti pedaqogika və psixologiya kafedrasının professorudur. "Naxçıvan" Universitetinin rektorudur. Naxçıvan Muxtar Respublikası Ali Məclisinin deputatıdır. Evlidir, dörd övladı var.[2]

Fakültələr[redaktə | əsas redaktə]

  1. Pedoqoji fakültə
  2. İdarəetmə fakültəsi
  3. İqtisadiyyat fakültəsi
  4. Xarici dillər fakültəsi

Kafedralar[redaktə | əsas redaktə]

  1. İdarəetmə kafedrası
  2. Azərbaycan dili və ədəbiyyatı kafedrası
  3. Pedaqogika və psixologiya kafedrası
  4. Riyaziyyat və informatika kafedrası
  5. Təbiət elmləri kafedrası
  6. İqtisadiyyat kafedrası
  7. Ümumi tarix kafedrası
  8. Xarici dillər kafedrası
  9. İlahiyyat kafedrası

Şöbələr[redaktə | əsas redaktə]

  1. İKT şöbəsi
  2. Ümumi işlər və kadrlar şöbəsi
  3. Beynəlxalq əlaqələr şöbəsi
  4. Mühasibat
  5. Nəşriyyat

Mərkəzlər[redaktə | əsas redaktə]

  1. Kompyuter mərkəzi
  2. Elmi kitabxana mərkəzi
  3. İmtahan mərkəzi

Fəaliyyəti[redaktə | əsas redaktə]

Professor- müəllim heyətinin 2 nəfəri AMEA-nın üzvü, 3 nəfəri elmlər doktoru-professor, 29 nəfəri fəlsəfə doktoru, dosentlərdir.

2015-2016-cı tədris ilində universitetdə 14 ixtisas üzrə bakalavr, 4 ixtisas üzrə magistr hazırlığı aparılır.[1]

Naxçıvan Özəl Universitetinin iki tədris korpusu vardır. Professor-müəllim heyətinin normal fəaliyyəti, eləcə də tələbələrin yüksək təhsil alması üçün əlverişli şəraiti olan lazımi avadanlıqlarla təchiz edilmiş otaqlar, auditoriyalar və kabinetlər yaradılmışdır. Universitetdə geniş imkanlara malik olan zəngin kitabxana oxu zalından və elmi ədəbiyyatla zənginləşdirilmiş kitab fondundan ibarətdir.

Universitetdə tədrisin keyfiyyətinin yüksəldilməsi məqsədilə müasir avadanlıqlarla təchiz olunmuş kömpüter mərkəzi, laboratoriyalar, fənn kabinələri, auditoriyalar, akt zalı, konfrans zalı və lazımi avadanlıqları (qurğuları) olan müasir standartlara cavab verən idman kompleksi vardır.

Naxçıvan Özəl Universitti öz müəllim və tələbə heyətini internet imkanları ilə təmin edir və bununla əlaqədar olaraq universitetdə internet-dən istifadə qaydalarını öyrənmək üçün intensiv kurslar açılmışdır. Hər bir müəllim və tələbə asudə vaxtlarında internet-in imkanlarından istifadə edərək məlumat dairələrini genişləndirə bilirlər.

Universitetdə xarici dillərin öyrənilməsinə xüşuşi diqqət yetirilir və bu məqsədlə televiziya və müasir audio-video aparatları ilə təchiz olunmuş laboratoriya fəaliyyət göstərir ki, burada xarici dil ixtisasında təhsil alan tələbələrin eşitmə və anlama vərdişlərinə yiyələnmələri üçün peyk vasitəsilə audio-video proqramlarından istifadə etməklə 100-dən çox televiziya kanallarından xarici dillərin tədrisi dinlənilir.

Naxçıvan Özəl Universitetində tələbələrin bilik səviyyələrinin düzgün qiymətləndirilməsi məqsədilə semestr imtahanları yazılı surətdə test üsulu ilə aparılır.

Naxçıvan Özəl Universitetində təhsil ödənişlidir. Lakin buna baxmayaraq az təminatlı ailələrdən, qaçqın və məcburi köçkün, şəhid ailələrindən olan tələbələrə təhsil haqqının ödənilməsində güzəştlər edilir, əlaçı və yaxşı oxuyan, universitetin ictimai işlərində fəal iştirak edən tələbələrə təqaüd və adlı təqaüd verilir.

Universitetdə Tələbə Elmi Cəmiyyəti, Tələbə Gənclər Təşkilatı, Tələbə Həmkarlar Təşkilatı, Xor dərnəyi, Dram dərnəyi, İdman klubu, Turizm və etnoqrafiya studiyası, Şən və hazırcavablar klubu və s. fəaliyyət göstərir.

Naxçıvan Özəl Universitetinin beynəlxalq əlaqələri bu universitetdə təhsilin keyfiyyətinin yaxşılaşdırılmasına, onun struktur quruluşunun idarəetmə metodlarının, tədris proqramlarının məzmununun, texniki təzhizatının və təhsil prosesinin beynəlxalq standartlara uyğun şəkildə qurulmasına və inkişafına yönəlmişdir.

Universitetin əməkdaşları Türkiyə Cumhuriyyətinin Bilkənd, Ankara, Pamukkale, Konya Universitetlərində olmuşdur.

Universitetdə keçirilən Beynəlxalq elmi konfranslarda Amerikanın Perdu Universitetinin professorları Hari Lepinski, Hüseyn Cəmaləddin, Nyu Daubek, Tobias, ingiltərəli Çeync, Pakistanlı Şholmoli Xan və b. iştirak etmiş, universitetin professor-müəlim heyəti və tələbə kollektivi ilə görüşmüş, habelə bir neçə mühazirə oxumuşlar.

Naxçıvan Özəl Universiteti yarandığı gündən xarici əlaqələrin qurulmasına və əməkdaşlığa daim önəm vermiş və bu istiqamətdə ardıcıl olaraq fəaliyyət göstərir.

Xarici əlaqələri[redaktə | əsas redaktə]

Qafqaz Universitetlər Birliyinin üzvüdür.[3]

Mənbə[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]