"Fikir" qəzeti

Vikipediya, azad ensiklopediya
Jump to navigation Jump to search
"Fikir" qəzeti
Növ ali məktəb qəzeti
Sahibi Naxçıvan Dövlət Universiteti
Təsisçi Naxçıvan Dövlət Universiteti
Yaranma tarixi 5 sentyabr 1991
Dil azərbaycanca
Nəşrini dayandırıb 1997
Baş qərargah Naxçıvan şəhəri, Naxçıvan Dövlət Universiteti
Ünvan Naxçıvan şəhəri, Naxçıvan Dövlət Universiteti
yoxdur

"Fikir" qəzeti1990-cı illərdə Naxçıvan Dövlət Universitetində nəşr olunmuş ali məktəb qəzeti[1].

"Fikir" qəzetinin davamı kimi hazırda Naxçıvan Dövlət Universitetində nəşr olunan "Yeni fikir" qəzeti yeni mərhələnin "Fikir" qəzeti hesab olunur[1].

Tarixi[redaktə | əsas redaktə]

"Fikir" qəzetinin fəaliyyətə başlamasına əsas təkan Azərbaycan SSR Nazirlər Sovetinin 29 dekabr 1990-cı il tarixli qərarından sonra olmuşdur. Belə ki, həmin qərara əsasən, Yusif Məmmədəliyev adına Naxçıvan Dövlət Pedaqoji İnstitutunun əsasında Naxçıvan Dövlət Universiteti yaradılmışdır. Ali məktəbin universitet statusunu əldə etməsi, həmin vaxt üçün onun çoxtirajlı qəzetinin nəşrinə təminat verən əsas amillərdən biri idi[1].

Azərbaycan SSR Dövlət Mətbuat Komitəsi tərəfindən 5 sentyabr 1991-ci ildə verilmiş 330 nömrəli qeydə alınma şəhadətnaməsi əsasında qəzetin nəşrinə icazə alınmışdır. Qəzetin ilk nömrəsi 15 oktyabr 1991-ci ildə çap edilmişdir[1].

Həmin dövrdə "Fikir" qəzeti Naxçıvan Dövlət Universitetinin ilk mətbu orqanı olmaqla yanaşı[2], Azərbaycan ali təhsil sistemində də regionda yerləşən ali məktəbdə çap olunan ilk mətbuat orqanı idi[1].

Universitetin bu mətbu orqanının "Fikir" adlandırılmasının əsas səbəbi vaxtilə Qori Müəllimlər Seminariyasının Azərbaycan şöbəsinin inspektoru olmuş Aleksey Çernyayevski ilə həmin seminariyanın Naxçıvandan olan məzunu Əliməmməd Xəlilovun birlikdə Tiflis şəhərində nəşr etdirmək istədikləri, ancaq çapına nail ola bilmədikləri "Fikir" adlı maarifçi qəzetin adını yaşatmaq, onun nəzərədə tutulmuş məramını davam etdirmək məqsədi ilə əlaqələndirilmişdir[1].

Qəzetin 12 noyabr 1991-ci il tarixli ikinci nömrəsində dərc edilmiş ""Fikir" qəzeti – 98 il sonra" adlı məqalədə isə bu mətbuat orqan eyni zamanda "fikirləşməyi, düşünüb müqayisə etməyi, nəticə çıxarmağı bacaranlar üçün söz kürsüsü" kimi də səciyyələndirilmişdir[1].

Qəzet fəaliyyəti dövründə Naxçıvan Muxtar Respublikasındakı ali məktəb müəllimləri və tələbələrinin bir mətbuat tribunası kimi maariçi düşüncənin inkişafına kömək etmiş, universitet həyatının salnaməsini yaradıb[1], davam etdirmişdir. 1997-ci ilədək 44 nömrəsi çap olunmuşdur[2].

Avropa təhsil sisteminə inteqrasiya sayəsində Qərbdəki ali məktəblərin qəzetlərdən çox informasiya bülleteni tipli jurnalların nəşr edilməsi təcrübəsinə istinad edilərək Naxçıvan Dövlət Universitetində də "Fikir" qəzetinin bazasında 1998-ci ildən[2] etibarən eyni adlı informasiya bülleteninin çap edilməsi qərara alınmışdır[1].

Fikir informasiya bülleteni[redaktə | əsas redaktə]

Bülletenin baş redaktoru Naxçıvan Dövlət Universitetinin rektoru, professor Saleh Məhərrəmovdur.[2][1]

"Fikir" informasiya bülleteni 1990-cı illərdə Naxçıvan Dövlət Universitetində nəşr olunmuş "Fikir" qəzetinin bazasında yaranmışdır[1].

İnformasiya bülleteninin əlavəsi kimi 1 aprel 2011-ci ildən "Yeni fikir" qəzeti nəşr olunur[1]. "Fikir" informasiya bülletenində gedə bilməyən bədii-publisist yazılar həmin qəzetdə yayımlanır[1].

Bülleten Naxçıvanda ali məktəbin elmi-maarifçi mühitinin gedişatını işıqlandırır[1].

Naxçıvan Dövlət Universitetinin keçdiyi inkişaf yolunu, bu ali təhsil ocağında gedən yeniləşmə proseslərini öyrənmək istəyənlər üçün bu informasiya bülleteni mühüm əhəmiyyətə malik olan mənbədir.[2]

Ali məktəb həyatının tədris, elmi-tədqiqat, beynəlxalq əlaqələr, mədəniyyət, idman və s. yenilikləri bülletendə mütəmadi olaraq işıqlandırılır[2]. Rəngli çap olunan bülletendəki müvafiq fotoşəkillər informasiyalardan alınan təəssüratı uğurla tamamlayır[2].

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 3 4 5 6 7 8 9 10 11 12 13 14 "YENİ FİKİR" QƏZETİ Arxivləşdirilib 2017-06-15 at the Wayback Machine. ndu.edu.az  (azərb.)
  2. 1 2 3 4 5 6 7 "FİKİR" İNFORMASİYA BÜLLETENİ Arxivləşdirilib 2017-06-15 at the Wayback Machine. ndu.edu.az  (azərb.)