Şahzadə Mustafa (II Mehmedin oğlu)

Şahzadə Mustafa
türk. Şehzade Mustafa
Dəfn edildiyi Gülşah Xatun türbəsinin interyeri - Muradiyə külliyəsi, Bursa
Şəxsi məlumatlar
Doğum tarixi	1450
Doğum yeri	Ədirnə, Osmanlı imperiyası
Vəfat tarixi	iyun 1474
Vəfat yeri	Qaraman əyaləti, Osmanlı imperiyası
Dəfn yeri	Muradiyə külliyəsi, Bursa
Atası	II Mehmed
Anası	Gülşah Xatun
Uşaqları	Nərgizşah Sultan Fərahşad Sultan
Hərbi xidmət
Döyüşlər	Otluqbeli döyüşü[d]

Şahzadə Mustafa (1450, Ədirnə – iyun 1474, Qaramanlı eli) — 7. Osmanlı sultanı II Mehmedin oğlu, Osmanlı şahzadəsi.

Həyatı

Şahzadə Mustafa 1450-ci ildə Ədirnədə dünyaya gəldi. Atası Sultan Muradın oğlu və o əsnada taxtdan endirilərək Manisaya göndərilən Mehmed Çələbi, anası isə onun xanımlarından Gülşah Xatundur. 1457-ci ildə Manisa sancaqbəyliyinə təyin edildi və anasıyla birlikdə Manisaya yollandı. 1466-cı ildə isə Qaraman əyalətinə göndərildi və ölümünədək bu vəzifədə qaldı. Üstəlik anası Gülşah Xatun da Qaramanoğlu İbrahim bəyin qızı idi. Bu səbəblə siyasi olaraq qarışıq olan bu bölgəni uzun müddət əmin-amanlıqla idarə edə bildi.

Ancaq bu vəzifədə ikən 1474-cü ildə Konyada anidən vəfat etdi. Ölüm səbəbi olaraq isə Şahzadə Mustafanın sədrəzəm Vəli Mahmud Paşanın xanımıyla yaşadığı gizli münasibətin Mahmud Paşa tərəfindən öyrənilməsi və paşanın Şahzadə Mustafanı zəhərlənməsi göstərilir. Oğlunun ölümündən sonra anası Gülşah Xatun II Mehmedin əmriylə Konyada qaldı. Şahzadə Mustafanın hərəmxanası və qızı Fərahşad Sultan isə İstanbula aparıldı və burada evləndirildi.

Övladları

• Nərgizşah Sultan — uşaq yaşlarında vəfat etmişdir.
• Fərahşad Sultan (d. 1467) — 1480-ci ildə əmisi oğlu Şahzadə Abdullahla evləndirildi.
  • Şahzadə … (d. 1481 — ö. 1489) — Atasının vəfatından sonra İstanbula gətirildi və babası Sultan Bəyazidin himayəsində böyüdü.
  • Aynişah Sultan (d. 1482) — Kürəkən Əhməd bəylə nigahlanmışdır. Cənazəsi Muradiyə külliyəsində — nənəsi və atasının yanına dəfn edilmişdir.
  • Şahnisə Sultan (d. 1484) — İlk evliliyi 1502-ci ildə əmisi Şahzadə Şahənşahın oğlu Mehmedlə baş tutdu. Onun edamından sonra isə 1509-cu ildə bibisi Fatma Sultandan boşanan, sonuncu Candaroğlu bəyi Qızıl Əhməd bəyin oğlu Mirzə Mehmed Paşayla nigahlandı. İkinci evliliyindən 3 oğlu dünyaya gəldi.
    • Qızıləhmədli Əhməd Paşa
    • Qızıləhmədli Mustafa Paşa
    • Qızıləhmədli Mehmed bəy — Yavuz Sultan Səlimin qızı Gövhərxan Sultanla evlənmişdir.

Mənbə

• Süreyya Mehmed Bey. Sicill-i Osmani / ed. Nuri Akbayar. — Istanbul: Tarih Vakfi Yurt Yayınlar, 1996. — P. 19. — ISBN 975-333-049-5
• Jorga Nicolae Geschichte des Osmanischen (пер. Epçeli Nilüfer). — Стамбул: Yeditepe yayınevi. — С. 263–264. — ISBN 975–6480–19-x